Antonio Rodríguez del Busto
  | |
| Biografía | |
|---|---|
| Nacemento | 3 de xullo de 1848 Ribadeo, España |
| Morte | 18 de outubro de 1926 (78 anos) Océano Atlántico |
| Actividade | |
| Ocupación | xornalista, escritor |
| Partido político | Partido Autonomista Nacional (pt)  |
| Familia | |
| Cónxuxe | Jerónima Escuti |
| Irmáns | Francisco Rodríguez del Busto |
| Descrito pola fonte | Diccionario bio-bibliográfico de escritores, (vol:3, p.200-201) |
 | |
Antonio Rodríguez del Busto, nado en Ribadeo o 3 de xullo de 1848[1] e finado no océano Atlántico o 18 de outubro de 1926[2], foi un escritor e xornalista galego.
Traxectoria
[editar | editar a fonte]Fillo do naviero José Rodríguez e sobriño do enxeñeiro Alexandre Le Laboureur. Estudou Nautica e Comercio en Ribadeo. Nos veráns estudaba en Ferrol para entrar na Armada de Guerra. Enviado polos seus pais a Arxentina, participou na guerra de Paraguai. Despois instalouse en Córdoba, onde casou con Jerónima Escuti. Apaixonado pola cultura e xornalista de aceirada pluma, fixo fortuna. Ao notar que a cidade de Córdoba tendía a expandirse á zona que agora conforma o barrio Alta Córdoba, comprou esas terras. En 1886 formou unha sociedade urbanizadora con Marcos N. Juárez e Ramón J. Cárcano e, dous anos despois, comezou a venda de terreos. Foi intendente da cidade de Córdoba entre o 18 de abril e o 12 de maio de 1887.
Dirixiu os periódicos Eco de Córdoba, El Progreso, El Interior e as revistas El Jaspe e El Moro Tarfe e fundou en 1890 El Debate; tamén colaborou en El Nacional, La República e La Tribuna. Nos seus libros analizou cuestións históricas e da súa época.
Finou no océano Atlántico o 18 de outubro de 1926 a bordo do vapor Infanta Isabel de Borbón, cando regresaba dunha viaxe a España[3].
Obras
[editar | editar a fonte]- América del Sur: altitudes y canalización, 1908.
- Apuntes para la historia de la legislación, 1912.
- El rey don Pelayo y el Fuero de Sobrarbe, 1919.
- El sistema de gobierno dual de Argentina y su origen, 1921.
- Canal de navegación interoceánica a través de América del Sur, desde Comodoro Rivadavia (Atlántico) hasta el Golfo de Penas (Pacifico), 1924.
Notas
[editar | editar a fonte]- ↑ La Esfera, 20-10-1923, p. 10-11.
- ↑ Couceiro Freijomil, A. (1954). "Rodríguez del Busto, Antonio". Diccionario bio-bibliográfico de escritores (en castelán) III. Santiago de Compostela: Bibliófilos Gallegos. p. 200.
- ↑ El Despertar Gallego, 6-2-1927, p. 2.
Véxase tamén
[editar | editar a fonte]Bibliografía
[editar | editar a fonte]- "Antonio Rodríguez del Busto" 1928. Revista de la Universidad Nacional de Córdoba (en castelán).
- "Rodríguez del Busto, Antonio". Enciclopedia Galega Universal. Ir Indo. 1999-2002. ISBN 84-7680-288-9.
- "Rodríguez del Busto, Antonio". Dicionario biográfico de Galicia 3. Ir Indo Edicións. 2010-2011. p. 184.
- "Rodríguez del Busto, Antonio". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Bischoff, Efraín (1992). Historia de los barrios de Córdoba: sus leyendas, instituciones y gentes (en castelán).
