Benignidade
 | Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. |
Benignidade (voz derivada de benigno, do latín benignus "bo, amable", e este á súa vez de bonus "bo, boa" e genus "orixe, nacemento, familia, clase") é un termo médico que fai referencia a todo tipo de condición médica que non produce danos a longo prazo. Úsase para describir doenzas que evolúen de maneira media non progresiva. Como descritor de tumores non canceríxenos (non malignos) ou neoplasmas denota a benevolencia dunha enfermidade ou o seu curso (e.g. no caso de tumores ou crises epilépticas), pero pode referir outras condicións de saúde. Un tumor benigno respecta sempre a membrana basal cando medra de modo que non invade vasos ou tecidos adxacentes. Como resultado, esténdese menos rapidamente ca os tumores malignos. O oposto a benignidade é malignidade (ou virulencia en discurso médico).
- Tumor benigno (é xeralmente sinónimo de neoplasma benigno, ou neoplasia).
- Fóra da oncoloxía
- Hipertensión intracraniana benigna
- Encefalomielite miálxica benigna
- Vertixe posicional paroxística benigna
- Hiperplasia prostática benigna
- Malaria benigna (malaria causada especificamente por Plasmodium vivax ou Plasmodium ovale)