Bethany Hamilton

Bethany Hamilton
	;
Nome orixinal	(en) Bethany Meilani Hamilton
Biografía
Nacemento	8 de febreiro de 1990 (34 anos); Lihue, Estados Unidos de América (pt)
Educación	Myron B. Thompson Academy (en)
Altura	180 cm
Peso	64 kg
Actividade
Campo de traballo	Surf
Ocupación	surfista, autobiógrafa, escritora
Deporte	Surf
Sitio web	bethanyhamilton.com

Bethany Meilani Hamilton, nada en Kauai (Hawai) o 8 de febreiro de 1990, é unha surfeira estadounidense, especialmente recoñecida como sobrevivente a un ataque de quenlla, no que perdeu o brazo esquerdo aos 13 anos e por superar con éxito esa grave lesión, ata o punto de regresar á práctica do surf e gañar diversas competicións.

Biografía

Hamilton naceu en Hawai. Os seus pais eran surfeiros que se mudaron dende os Estados Unidos continentais ata Hawai buscando oportunidades para surfear. Eles ensináronlle a surfear dende que tiña 4 anos. Participou na súa primeira competición, cando tiña tan só 8 anos, o torneo “Rell Sun” na illa de Oahu na praia Makaha, competiu en mulleres de 7 a 9 de táboa curta e táboa longa, gañando ambos. A súa carreira profesional como surfeira empezou cando gañou o vixésimo terceiro campionato anual Haleiwa Menehune, en febreiro do 2000, onde rematou en primeiro lugar en mulleres de 11 e menos, primeiro lugar en mulleres de 15 ou menos, e segundo en homes de 12 ou menos. Elixiu como patrocinador a Rip Curl, que a axudou cos seus plans antes de ser unha surfeira profesional.

Accidente

O 31 de outubro do 2003, Hamilton dirixíase a surfear pola mañá nunha praia de Kauai cos seus amigos Alana, Byron,(o irmán de Alana) e Holt Blanchard, (o pai de Alana). Ao arredor das 7:30 a.m., a uns 300 metros da costa, Alana e Bethany estaban sentadas nas súas táboas e Bethany estaba co seu brazo esquerdo baixo a auga, cando unha quenlla tigre atacouna, arrincándolle o seu brazo esquerdo xusto debaixo do ombreiro; facéndolle perder ao redor do 60% do seu sangue. Desangrandose, os seus amigos axudárona a volver á praia. Cando chegaron ao hospital o pai de Bethany ía ser operado dun problema no xeonllo pero necesitaban o quirófano para operala a ela; cando acabou a operación puxéranlle a Bethany algúns puntos no que quedou do brazo, o seu pai díxolle que eran moitas as cousas que tiña que aprender a facer cun só brazo.

Aínda co trauma do incidente, Hamilton estaba determinada a volver a surfear. Só 10 semanas despois do incidente, volveu a surfear. Adaptou unha táboa feita a man que era un pouco máis grosa, facéndoa máis doada para nadar. Despois de aprender a nadar cun brazo, empezou a surfear á perfección.

Soul Surfer

Bethany escribiu sobre a súa autobiografía en 2004 chamada Soul Surfer: A True Story of Faith, Family, and Fighting to Get Back on the Board ("Alma de surfeira: Unha historia real de fe, familia e loita para regresar á táboa). A curtametraxe de 2007 Heart of a Soul Surfer foi dirixida por Becky Baumgartner e apareceu en festivais de cine ao redor do mundo. A película conta a verdadeira historia de Hamilton.^[1]^[2] Soul Surfer, dirixida por Sexan McNamara e protagonizada por AnnaSophia Robb quen na película é Bethany Hamilton. A mesma Hamilton fungió como dobre nas escenas de surfeo.^[3] Esta película saíu ao cine no 2011. Outros actores na película son Helen Hunt, Dennis Quaid, Lorraine Nicholson, e Carrie Underwood.

Vida cotiá

O feito de perder un brazo non impediu a Bethany desenvolver unha vida normal. En abril de 2013, Adam Dirks, propúxolle matrimonio, ao que Hamilton de 23 anos de idade, accedeu alegremente. Á voda asistiron 300 invitados, e 13 damas de honra, foi unha voda sinxela e alegre, onde os propios noivos ían descalzos. A felicidade entre ambos vese reflectida en 2015 cando Bethany, con 25 anos, anuncia o seu embarazo. O 1 de xuño de 2015, Bethany Hamilton e Adam Dirks convértense en pais do seu primeiro fillo Tobias Dirks Hamilton. O nome de Tobias significa bondade de Deus.[cita ^{[Cómpre referencia]}.

En 2017, anunciaban que estaban na doce espera do seu segundo fillo. O seu segundo fillo, Wesley Phillip Dirks naceu o 27 de marzo de 2018.

Competencias

En xullo do 2004, Hamilton gañou o premio ESPY por mellor regreso dun atleta do ano.^[4] Hamilton logrou ser unha surfeira profesional do mesmo xeito que a súa amiga Alana.