Castelanismo

Un castelanismo é un vocábulo ou construción da lingua castelá adoptada por outra lingua.

Castelanismos no galego

Particularmente, e ao referirse á lingua galega, a palabra castelanismo é empregada como un hipónimo de barbarismo. O termo castelanismo non fai referencia á corrección ou incorrección dun vocábulo, senón a un tipo concreto de empréstito. É polo tanto, un termo do campo da etimoloxía. A norma, ou no seu defecto o estándar, define o que é incorrecto e o que non, independentemente da súa orixe ou procedencia. Por iso hai na lingua galega castelanismos admitidos como lunar, tortilla, bocadillo, pacotilla, serranilla, pandilla, pastilla, perilla, xustillo, boquilla, cartilla, gatillo, guerrilla, guerrilleiro etc.

Por mor do contacto lingüístico, a presenza de castelanismos na fala do galego é importante. Os castelanismos que encontremos poden ser dos seguintes tipos:

• Castelanismos fonéticos.
• Castelanismos ortográficos.
• Castelanismos morfosintácticos.
• Castelanismos léxicos.
• Castelanismos semánticos.

Véxase tamén

Ligazóns externas

• Exercicios sobre castelanismos en Galilibros (wikibooks)
• Lista de castelanismos usuais e a súa corrección, no Galizionario