Cidade Xardín da Coruña

Cidade Xardín da Coruña
	A Cidade Xardín dende a praza de Portugal.
Concello	A Coruña
Coordenadas	43°22′00″N 8°25′01″O / 43.366758089979, -8.4169689975879
	[ editar datos en Wikidata ]

A Cidade Xardín é un barrio da cidade da Coruña. Foi deseñada segundo o exemplo das cidades xardín concibido polo inglés Ebenezer Howard, con vivendas unifamiliares e chalés.

Historia

A Cidade Xardín foi creada ao abeiro da Lei das Casas Baratas, que daba pulo á construción de colonias de obreiros, aínda que en moitos casos acabaron convertidas en vivendas para as clases acomodadas.

A Cidade Xardín foi impulsada por un grupo de cidadáns reunido no Círculo de Artesáns en novembro de 1921. A Sociedade estaba formada por Luís Cornide Quiroga, Canuto Berea Rodríguez, José Agudín Aspe, Francisco Vázquez Lens, José Piñeiro Vázquez, Gabriel López Companioni, Eduardo Rodríguez-Losada, Jacobo Correa Oliver, Ricardo Pernas Varela e Manuel Fernández Morales, que presentaron o proxecto dirixido por Eduardo Rodríguez-Losada.

O grupo, cun capital dun millón de pesetas meteulle presión ao Concello para comezar deseguido a urbanización nunha área que no proxecto do Segundo Ensanche se definía como parque. Os promotores xustificaron a súa supresión pola suposta necesidade de novas vivendas e porque xa se decidira a creación do Parque de Joaquín Costa nas súas proximidades.^[1] Nun ano constrúense catorce chalés e en 1923 constituíronse nunha compañía co nome de Sociedad Coruñesa de Urbanización SA. A finais da década a Cidade Xardín xa estaba formada por máis de corenta chalés, dous edificios destinados ao ensino e un observatorio meteorolóxico. As casas custaban unha media de 40 000 pesetas.

A sociedade asinou en 1935 un contrato coa Sociedad Cooperativa Domus para a construción de trinta vivendas máis na zona, que se remataron en 1937. En 1953 disolveuse a sociedade.

Outros proxectos similares

A partir da Lei das Casas Baratas propuxéronse outros proxectos de urbanizacións nesa época. Construíronse as casas do Campo de Marte, mais non se chegou a realizar o proxecto presentado por Antonio Tenreiro, Peregrín Estellés e Pedro Mariño da Cidade Satélite Concepción Arenal (1930), situada na península da Torre e que acollería cinco mil habitantes.^[2] A indecisión ante os problemas da intensidade dos ventos da zona retardou a súa posta en marcha ata o seu esquecemento ao coincidir coa Guerra Civil.

Arquitectura

Entre os edificios da Cidade Xardín destacan:^[3]

O colexio Compañía de María, de Leoncio Bescansa (1917), de inspiración neogótica.
As vivendas apareadas deseñadas por Santiago Rey Pedreira en 1935.
A “Villa Felisa”, de Eduardo Rodríguez-Losada Rebellón (1924). Do mesmo arquitecto é o antigo Sanatorio do Socorro (1926).^[4]
Tres edificios de Rafael González Villar, o número 3 da avenida da Habana (1930), o “Chalé Companioni”, no número 25 da mesma avenida (1912), e especialmente a “Villa Molina”, de 1928, de estilo art déco.^[5]

Galería

Colexio da Compañía de María
Villa Molina
Avenida da Habana nº 3
Casa Mercedes, de Juan Creus Andrade e Covadonga Carrasco López
Villa Felisa
Chalé Companioni
Conxunto de vivendas apareadas de Santiago Rey Pedreira

Notas

↑ González-Cebrián Tello, José (1984). La ciudad a través de su plano. La Coruña (en castelán). Concello da Coruña.
↑ "La cooperativa Concepción Arenal proyectó un barrio para 5000 personas en Adormideras". La Voz de Galicia (en castelán). 1 de febreiro de 2009. Consultado o 23 de febreiro de 2016.
↑ Plan Xeral – Cidade Xardín
↑ Prieto, Nuria (31/08/2022). "El Sanatorio del Socorro de A Coruña, un icono de la arquitectura de los años 20". El Español (en castelán). Consultado o 26/10/2022.
↑ Garrido Moreno, Antonio (2002). "Aproximación a la primera arquitectura déco en Galicia: El modelo coruñés" (PDF). Quintana (en castelán) (Universidade de Santiago de Compostela) (1). Arquivado dende o orixinal (PDF) o 04 de marzo de 2016. Consultado o 23 de febreiro de 2016.

Véxase tamén

Bibliografía

Bello, José María; Barral, Dolores; Saavedra, Mª Carmen; De Artaza, Manuel Mª; Colino, Ana; Grandío, Emilio (2001). Historia de A Coruña. Vía Láctea Editorial. ISBN 84-89444-85-4.
Mirás Araujo, Jesús (15 de novembro de 2007). "Crecimiento urbano y transformaciones en la localización de la actividad económica en A Coruña, 1914-1935". Scripta Nova (en castelán) XI (252). Consultado o 22 de febreiro de 2016.

Outros artigos

Club Deportivo Ciudad Jardín

Ligazóns externas

Imaxes no blog Cámara en ristre
Pousa, Luís (26 de abril de 2015). "A casa de bonecas". La Voz de Galicia. Consultado o 22 de febreiro de 2016.
Aira, María J. (31 de maio de 2009). "La promotora de Ciudad Jardín". La Opinión de A Coruña (en castelán). Consultado o 22 de febreiro de 2016.
Ventureira, Rubén (13 de setembro de 2005). "Los pulmones verdes que el cemento sepultó". La Voz de Galicia (en castelán). Arquivado dende o orixinal o 04 de marzo de 2016. Consultado o 22 de febreiro de 2016.

[1] González-Cebrián Tello, José (1984). La ciudad a través de su plano. La Coruña (en castelán). Concello da Coruña.

[2] "La cooperativa Concepción Arenal proyectó un barrio para 5000 personas en Adormideras". La Voz de Galicia (en castelán). 1 de febreiro de 2009. Consultado o 23 de febreiro de 2016.

[3] Plan Xeral – Cidade Xardín

[4] Prieto, Nuria (31/08/2022). "El Sanatorio del Socorro de A Coruña, un icono de la arquitectura de los años 20". El Español (en castelán). Consultado o 26/10/2022.

[5] Garrido Moreno, Antonio (2002). "Aproximación a la primera arquitectura déco en Galicia: El modelo coruñés" (PDF). Quintana (en castelán) (Universidade de Santiago de Compostela) (1). Arquivado dende o orixinal (PDF) o 04 de marzo de 2016. Consultado o 23 de febreiro de 2016.

[1]

[2]

[3]

[4]

[5]