Delicatessen (filme)

Delicatessen
	Logo do filme.
Ficha técnica
Título orixinal	Delicatessen
Director	Marc Caro; Jean-Pierre Jeunet
Produtor	Claudie Ossard
Guión	Gilles Adrien; Marc Caro; Jean-Pierre Jeunet
Intérpretes	Pascal Benezech; Dominique Pinon; Marie-Laure Dougnac; Jean-Claude Dreyfus; Karin Viard
Música	Carlos D'Alessio
Fotografía	Darius Khondji
Montaxe	Hervé Schneid
Distribuidora	Miramax Films
Estrea	1991
Duración	99 minutos
Orixe	Francia
Xénero	Humor negro, Comedia
Orzamento	€3 800 000
Recadación	€13 760 640
Na rede

Para outras páxinas con títulos homónimos véxase: Delicatessen.

Delicatessen é un filme de humor negro francés dirixido por Jean-Pierre Jeunet e Marc Caro, protagonizado por Dominique Pinon e Karin Viard que se estreou en 1991.

Sinopse

A historia desenvólvese nun edificio da Francia rural e postapocalíptica de 1950. A comida non é abonda, o gran é empregado como moeda e a poboación animal é cazada ata a extinción. Ó pé do edificio está a carnizaría, que pertence ó caseiro, Clapet, quen coloca mensaxes no xornal "Tempos Duros" para atraer vítimas ó edificio, asasinalas e vendelas como carne ós habitantes do edificio.

Trala "partida" do último habitante, o pallaso desempregado Louison chega para ocupala vacante. Durante a súa rutina de mantemento do edificio, faise amigo de Julie Clapet, e esta relación convértese en namoramento. Coñecedora das intencións do seu pai e a inminente morte de Louison, Julie descende ós sumidoiros para atopar ós temidos Trogloditas, un grupo rebelde de franceses vexetarianos, ós cales convence para que rescaten a Louison.

Despois da morte e desmembramento (por carne) dunha anciá, os Trogloditas volven, e o Sr. Clapet, xunto ós habitantes caníbales do edificio, atormentan a Louison na súa habitación para asasinalo. Louison, coa axuda de Julie, fere a tódolos inquilinos posibles ó anegar o seu apartamento. Logra escapar da morte por moi pouco, logo de que Clapet accidentalmente se matara coa arma de Louison, un búmerang. O filme remata con Julie e Louison desfrutando da compaña do outro no agora pacífico edificio.

Personaxes

Dominique Pinon como Louison
Marie-Laure Dougnac como Julie Clapet
Jean-Claude Dreyfus como Clapet
Karin Viard como Mademoiselle Plusse
Ticky Holgado como Marcel Tapioca
Edith Ker como Avoa
Rufus como Robert Kube
Jacques Mathou como Roger
Howard Vernon como Frog Man
Marc Caro como Fox

Galardóns e nomeamentos

1991: Festival de Sitges: Mellor director, mellor actor (Dominique Pinon), banda sonora.

Véxase tamén

Ligazóns externas

Ficha en Filmaffinity (en castelán)
Ficha na IMDb (en inglés)