Deux ans de vacances

Dous anos de vacacións
Título orixinal	Deux ans de vacances
Autor/a	Jules Verne
Ilustrador/a	Léon Benett
Orixe	Francia
Lingua	francés
Xénero(s)	Novela, Aventuras
Editorial	Hetzel
Data de pub.	1888
ISBN	ISBN 970-07-3909-0
	[ editar datos en Wikidata ]

Deux ans de vacances é unha novela escrita polo francés Jules Verne que foi publicada no 1888. A historia trata sobre un grupo de nenos, abandonados nunha illa deserta, que se organizan para sobrevivir.

Sinopse

Un grupo de escolares do colexio Chairman de Auckland (Nova Zelandia) parten a bordo da goleta Sloughi nunha viaxe de fin de curso. Un furacán provoca que o barco naufrague a centos de millas do seu país e que os seus pasaxeiros (todos nenos) arriben a unha illa deserta do Pacífico á que chamarán illa Chairman (Illa Hanover). Así, a obra discorre entre as aventuras dos nenos e os seus intentos de supervivencia nunha paraxe inhóspita e solitaria.

A maioría destes nenos son de orixe inglesa, aínda que Briant e Santiago son franceses, e Gordon dos Estados Unidos.

A chegada doutros náufragos á illa, asasinos que masacraran o capitán e á tripulación do barco no que navegaban que quedou destruído nun incendio e puideron arribar á illa nunha chalupa do barco Severn. No barco, liderados por Walston, a cuadrilla tiña como reféns a Evans, o contramestre do barco e a Kate, unha das tripulantes. Os asasinos poñen en perigo a vida dos pequenos colonos asentados dende xa hai tempo na illa e xa practicamente sen esperanzas de regresar.

Os rapaces xunto a Kate e Evans reconstrúen a chalupa e logran facerse ao mar, son avistados polo transatlántico Grafton que marchaba rumbo a Australia e leva os nenos ata Auckland.