Escudo de Irlanda
| Escudo de Irlanda | |
|---|---|
 | |
 Estandarte do Presidente menor | |
 Selo do Presidente menor | |
| Detalles | |
| Armiger | Irlanda |
| Adoptado | 1945 (rexistrado: Armas de Irlanda)[1] c.1541 (rexistrado: Reino de Irlanda), c.1280 (rexistrado: Rei de Irlanda) |
| Escudo | En campo de azur, unha arpa de ouro cordada de prata (irlandés: Ar ghorm cláirseach órga na sreanga airgidí) |
| Versións anteriores |  .svg){kind=small}  .svg){kind=small} |
O escudo de Irlanda (en inglés Coat of arms of Ireland, en gaélico Armas na hÉireann) é o escudo de armas oficial da República de Irlanda dende o 9 de novembro de 1945. Consiste nun brasón azur cun arpa dourada con cordas de prata, consolidando así a tradición da arpa gaélica, a chamada clàrsach, como o emblema heráldico tradicional de Irlanda.
A arpa irlandesa
[editar | editar a fonte]A arpa é recoñecida como un símbolo de Irlanda xa dende o século XIII, e a súa primeira aparición nas cuñaxes monetarias anglo-irlandesas data de 1536, durante o reinado de Henrique VIII, aparecendo como o terceiro cuarto do escudo de armas real do Reino Unido.
A arpa foi escollida como o emblema estatal tralo establecemento do Estado Libre de Irlanda, e unha das súas primeiras aplicacións foi no Gran Selo do Estado Libre de Irlanda, e seguiu sendo o emblema estatal despois de que se adoptase a Constitución de Irlanda. A imaxe da arpa é empregada nas cuñaxes monetarias, pasaportes e outros documentos oficiais estatais, así como nos emblemas do Presidente, o Taoiseach, o Tánaiste e os Ministros do Goberno e outros cargos oficiais.
A arpa das moedas cuñadas en 1928 está baseada no arpa de Galway e na do Trinity College, mentres que unha versión moito máis modificada introduciuse na cuñaxe de 1939, que é a que subsiste hoxe día nas moedas de euro de Irlanda.
O escudo de armas real de Irlanda
[editar | editar a fonte].svg)
A partir da chegada da dinastía Estuardo aos tronos de Inglaterra e Irlanda en 1603, o escudo de armas real comezou a usar a arpa irlandesa representando ao Reino de Irlanda. A través dos anos, a arpa foi alterada e recolocada representando os diferentes cambios no panorama político ata que o escudo de armas real británico acadou a oficialidade coa ascensión ao trono do Reino Unido da raíña Vitoria I en 1819, momento dende o cal permaneceu inalterado. Este escudo de armas mostra a arpa irlandesa tanto en Inglaterra, Escocia e Gales coma no escudo de armas do Canadá, no cuarto inferior esquerdo.
A arpa de Brian Boru
[editar | editar a fonte]A arpa de Brian Boru (tamén denominada como a Arpa do Trinity College) data concretamente de finais do século XIV e móstrase de xeito permanente na Gran Sala da biblioteca do Trinity College de Dublín, sendo a representación desta arpa máis antiga que aínda existe en Irlanda. Esta arpa foi así denominada por Brian Boru, Gran Rei de Irlanda, aínda que morreu 400 anos antes de que a arpa fose fabricada, xa que logo non puido pertencer a el.
 |
A Galipedia ten un portal sobre: Irlanda |
- ↑ National Library of Ireland (Genealogical Office) (17 de setembro de 2011). "Grant of Arms (Registration): Arms of Ireland". National Library of Ireland Catalogue. National Library of Ireland. Arquivado dende o orixinal o 18 de maio de 2013. Consultado o 31 de xullo de 2014.