Escudo güianés

O escudo güianés ou escudo das Güianas, macizo güianés ou simplemente Güiana, é unha rexión xeográfica situada ao nordeste de América do Sur.

Xeoloxía

O escudo Güianés é unha formación xeolóxica moi antiga, unha das zonas máis antigas da Terra, que se estende por Venezuela (a Güiana Venezolana), Brasil (Güiana Brasileira), Güiana, Suriname, Güiana Francesa e unha pequena parte de Colombia, (parte da Rexión Amazónica, no departamento de Guainía).

Os seus límites son o río Orinoco ao norte e ao oeste, e a selva amazónica ao sur. Ten unha forma irregular e está constituído, desde o punto de vista xeolóxico, por un macizo ou escudo antigo da era precámbrica, cunha cobertura sedimentaria tamén moi antiga, formada por arenitas e cuarcitas moi resistentes á erosión.

Esta cobertura sufriu un levantamento e pregamento case desde o momento da formación do planeta Terra, que deu lugar a unhas mesetas moi altas e rematadas por pendentes moi verticais, chamadas tepuis, un termo de orixe indíxena (da lingua pemón) que significa "montaña".

Nesta zona encóntrase a fervenza máis alta do mundo, o Salto Ángel (Kerepakupai Vená, en pemón, que significa "salto do lugar máis profundo").^[1] o salto de auga máis alto do mundo, cunha altura de 979 m (807 m de caída ininterrompida),^[2]^[3]^[4] Está no Parque Nacional Canaima, no estado de Bolívar, Venezuela, que foi declarado Patrimonio da Humanidade pola UNESCO en 1994.^[5]

Fauna, flora e xea

É unha das rexións con maior biodiversidade do mundo. A Güiana conta con máis de 2.200 especies de vertebrados.

O escudo güianés está cuberto pola maior masa forestal tropical inalterada do mundo.^[6]

Nesta rexión predominan as sabanas e o bosques galería ao longo dos ríos. Cara ao leste, onde a altura é menor, desenvólvense selvas tropicais e mangleiros sobre as costas do Atlántico.

Nalgúns sectores es rochas están cubertas de sedimentos que conteñen importantes depósitos de minerais, entre eles de ferro e bauxita, que se explotan intensamente.

Galería de imaxes

Monte Kukenan.
Salto Angel.
Fervenza de Puerto Ordaz.
Parque Nacional Canaima.
Salto de auga en Canaima.
Tepuis en Canaima.

Notas

↑ A miúdo cítase o por confusión nalgúns países hispanofalantes como Salto del Ángel, o cal é unha ultracorrección.
↑ Frederick, Julia C. (2005). The history of Venezuela. Greenwood. ISBN 0-313-33525-7. Consultado o 26 de abril de 2015.
↑ Palmerlee, Danny (2007). Lonely Planet, ed. South America on a shoestring. Consultado o 26 de abril de 2015.
↑ Guinness World Records 2013 (en castelán). Segundo se cita na páx. 138
↑ Parque Nacional Canaima
↑ Hammond, David S. (ed.) (2005): Tropical forests of the Guiana Shield: ancient forests in a modern world. Cambridge, Mass.: CABI.

Véxase tamén

Outros artigos

Güiana (rexión)

Ligazóns externas

Manioc: bibliothèque numérique Caraïbe, Amazonie, plateau des Guyanes Arquivado 20 de setembro de 2021 en Wayback Machine. (en francés)
El macizo de Guyania Arquivado 26 de agosto de 2015 en Wayback Machine. wikigeobenito.wikispaces.com (en castelán)
El macizo de Guyania Arquivado 09 de xuño de 2016 en Wayback Machine. espaciosdeamerica.wikispaces.com (en castelán)

[1] A miúdo cítase o por confusión nalgúns países hispanofalantes como Salto del Ángel, o cal é unha ultracorrección.

[2] Frederick, Julia C. (2005). The history of Venezuela. Greenwood. ISBN 0-313-33525-7. Consultado o 26 de abril de 2015.

[3] Palmerlee, Danny (2007). Lonely Planet, ed. South America on a shoestring. Consultado o 26 de abril de 2015.

[4] Guinness World Records 2013 (en castelán). Segundo se cita na páx. 138

[5] Parque Nacional Canaima

[6] Hammond, David S. (ed.) (2005): Tropical forests of the Guiana Shield: ancient forests in a modern world. Cambridge, Mass.: CABI.

[1]

[2]

[3]

[4]

[5]

[6]