Federación Internacional de Motociclismo

Federación Internacional de Motociclismo
Acrónimo	FIM
Tipo	federación deportiva internacional
Deporte	Motociclismo
Área de operación	mundial
Data de fundación	21 de decembro de 1904
Sede	Mies
Na rede
	http://www.fim-live.com e https://www.fim-moto.com/en/
	[ editar datos en Wikidata ]

A Federación Internacional de Motociclismo (FIM, en francés: Fédération Internationale de Motocyclisme) é o órgano gobernante das competicións de motociclismo. Representa a 98 federacións nacionais de motociclismo que están divididas en seis rexións continentais.

Dentro da FIM hai cinco disciplinas que supón 34 campionatos do mundo e outros títulos: velocidade, motocross, trial, enduro, e track racing que combina o grasstrack (carreiras sobre herba) e o speedway. A FIM tamén está involucrada noutras actividades non competitivas para a promoción deste deporte, a súa seguridade e outras actividades públicas relacionadas.

Historia

A FIM creouse a partir da Fédération Internationale des Clubs Motocyclistes (FICM, Federación Internacional de Clubs de Motocilcismo), que se fundou en París (Francia) o 21 de decembro de 1904. O Auto-Cycle Union (ACU) do Reino Unido foi un dos membros fundadores. En 1906, a FICM disolveuse, pero foi refundada en 1912, pero agora coa súa sede en Inglaterra. Os Seis Días Internacionais de Enduro celebráronse ao ano seguinte, e foi o primeiro evento internacional celebrado pola nova Federación.

O nome foi cambiado a Fédération Internationale Motocycliste (FIM) en 1949, o mesmo ano en que se celebrou a primeira edición do xa soado Campionato do Mundo de Motociclismo. A sede trasladouse a Xenebra (Suíza) en 1959.

En 1994 a sede trasladouse de novo, agora a Mies (Suíza), ocupando o seu propio edificio por primeira vez, cun deseño recordando a unha motocicleta. O nome foi cambiado outra vez en 1998, pasándose a denominar Fédération Internationale de Motocyclisme tal como decidiuse no congreso celebrado en Cidade do Cabo (Suráfrica). O mesmo ano, o Comité Olímpico Internacional recoñeceu provisionalmente á FIM, alcanzando o total recoñecemento nos Xogos Olímpicos de Sidney 2000.

En 2004 celebrouse o seu centenario durante o congreso de París no mes de outubro. Desde 2006 o venezolano Vito Ippolito é o primeiro latinoamericano que exerce a presidencia da FIM.

Competicións da FIM

Velocidade

Montaña

Véxase tamén

Outros artigos

Federación Internacional do Automóbil

Ligazóns externas

Sitio oficial da Federación Internacional de Motociclismo (en inglés)