Saltar ao contido

Fermín Penzol

Na Galipedia, a Wikipedia en galego.
Modelo:BiografíaFermín Penzol

Editar o valor en Wikidata
Biografía
Nacemento19 de agosto de 1901 Editar o valor en Wikidata
Sahagún, España Editar o valor en Wikidata
Morte5 de marzo de 1981 Editar o valor en Wikidata (79 anos)
Santiago de Compostela, España Editar o valor en Wikidata
Causa da mortemorte natural Editar o valor en Wikidata
Lugar de sepulturaCastropol Editar o valor en Wikidata
EducaciónUniversidade Central Editar o valor en Wikidata
Actividade
Ocupaciónrexistrador da propiedade Editar o valor en Wikidata
Membro de
Familia
CónxuxeBlanca Jiménez Alonso (1948–) Editar o valor en Wikidata
Fillosnon tivo Editar o valor en Wikidata
Descrito pola fonteGran Enciclopedia Galega Silverio Cañada Editar o valor en Wikidata
BUSC: penzol-fermin-1901-1981

Fermín Luis Fernández Penzol-Labandera,[1] nado en Sahagún (provincia de León) o 19 de agosto de 1901 e finado en Santiago de Compostela o 5 de marzo de 1981, foi un bibliófilo, rexistrador da propiedade e galeguista do interior durante a ditadura franquista.

Traxectoria

[editar | editar a fonte]
Placa na Casa Galega da Cultura.

O seu pai, Indalecio Fernández López, era natural de Ponferrada e a súa nai, María de la Asunción Penzol-Labandera, de Castropol. Naceu en Sahagún, onde residía a familia polo traballo de xuíz do pai, porén, aos poucos meses de vida de Fermín trasladáronse a Mondoñedo. Á idade de ingresar no instituto foron a vivir a Pontevedra, onde fixo o bacharelato. Despois a familia volveu a trasladarse, desta volta a Madrid, onde Fermín estudou Dereito.

Na etapa das Irmandades da Fala e do nacionalismo, sentiuse especialmente identificado con Vicente Risco e Antón Villar Ponte. En Madrid fundou a Mocidade Céltiga con Salvador Mosteiro Pena. Máis tarde, nos anos 30, colaborou con Alexandre Bóveda, tamén dende Madrid.

No franquismo

[editar | editar a fonte]

Durante o franquismo serviu de contacto con Ramón Piñeiro e Francisco Fernández del Riego. En 1950 incorporouse ó equipo fundador da Editorial Galaxia.

Cos fondos da súa biblioteca creouse a Fundación Penzol na cidade de Vigo, inaugurada o 5 de maio de 1963 cunha conferencia do profesor Manuel Rodrigues Lapa.

Sepulturas da familia de Fermín Penzol
Sepultura de Fermín Penzol e Blanca Jiménez.

Recibiu o Pedrón de Ouro en 1971.

Está soterrado no cemiterio parroquial da vila de Castropol.

Vida persoal

[editar | editar a fonte]

En decembro de 1948 casou con Blanca Jiménez Alonso (Ribadeo 1926-2012) que o axudou de xeito entusiasta no seu labor como bibliófilo nos últimos anos da súa vida. Blanca Jiménez foi presidenta e presidenta de honra, sucesivamente, da Fundación Penzol, integrante do plenario do Consello da Cultura Galega entre 2001 e 2008 e Medalla Castelao en 2002.[2] Non tiveron fillos.

Galería de imaxes

[editar | editar a fonte]
  • Certificación de acta de nacemento.
    Certificación de acta de nacemento.
  • Fermín Penzol de neno.
    Fermín Penzol de neno.
  • Sede da Fundación Penzol.
    Sede da Fundación Penzol.

Notas

[editar | editar a fonte]
  1. ↑ "Certificación en extracto de acta de nacimiento"
  2. ↑ "Falece Blanca Jiménez Alonso, viúva de Fermín Penzol" AELG, 8/10/2012.

Véxase tamén

[editar | editar a fonte]

Bibliografía

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Fermín_Penzol&oldid=6799478»