Fundación Moncho Reboiras
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2018.) |
| Fundación Moncho Reboiras | |
|---|---|
 | |
 | |
| Tipo | Sindical |
| Data de fundación | maio de 2004 |
| Fundador(es) | Confederación Intersindical Galega |
| Nomeado en referencia a | Moncho Reboiras |
| Presidente/a | Suso Seixo (-)  |
| Localización | |
| Enderezo | Rúa Miguel Ferro Caaveiro 10. 15702 |
| En | Santiago de Compostela |
| País | Galiza |
| 42°53′03″N 8°30′50″O / 42.884155576053, -8.5138341063839 | |
| Na rede | |
| https://www.fundacionmonchoreboiras.gal | |
   | |
| [ editar datos en Wikidata ] | |
A Fundación Moncho Reboiras para o estudo e a divulgación da realidade social e sindical na Galiza (FESGA) é unha fundación de interese galego[1] constituída pola Confederación Intersindical Galega en maio do 2004. Leva o nome do militante galego Moncho Reboiras.
Finalidades
[editar | editar a fonte]- Fomentar o estudo e a investigación sobre cuestións sociais e laborais, en xeral.
- Realizar ou colaborar na investigación, estudo, formación e divulgación sobre a historia dos sindicatos e do movemento obreiro galego, particularmente do sindicalismo nacionalista.
- Realizar ou colaborar na investigación, estudo, formación e divulgación sobre a historia de Galiza, especialmente os temas sociais e económicos, e a participación da nosa emigración nos movementos sociais no exterior.
- Estudar a realidade actual da clase obreira galega e dos movementos sociais, así como a problemática nacional.
- Divulgar na clase obreira galega e os movementos sociais do país outras experiencias exteriores.
- Formar dirixentes e cadros sindicais, delegados e traballadores que desexen ter unha maior participación sindical.
- Dar a coñecer as experiencias, análises e reflexións do sindicalismo galego, especialmente o nacionalista, a outras centrais sindicais do exterior e outros movementos sociais en xeral.
- Ser depositaria dos arquivos da Confederación Intersindical Galega.
- Recoller, catalogar, clasificar e dixitalizar a documentación referida ao movemento obreiro galego, especialmente ao sindicalismo nacionalista, así como do nacionalismo galego, en todos os campos de acción.
- Facilitar a consulta aos estudantes e investigadores, da documentación arquivada na Fundación.
- Divulgar e fomentar o estudo e investigación, no campo histórico e xurídico, daqueles temas que contribúan á mellora das condicións da clase obreira. Así como doutras ciencias sociais.
Liñas de actuación
[editar | editar a fonte]Actualmente, a Fundación Moncho Reboiras ten principalmente seis liñas de actuación:
Documentalismo
[editar | editar a fonte]Recollida, catalogación, clasificación e dixitalización de documentación referida ao movemento obreiro galego, especialmente ao sindicalismo nacionalista, así como do nacionalismo galego en todos os campos de acción.
Xestión do arquivo histórico da CIG e do arquivo audiovisual de memoria do sindicalismo nacionalista galego que dá lugar ao Centro de Documentación do Sindicalismo Nacionalista Galego.
Formación
[editar | editar a fonte]Organización de cursos, xornadas e conferencias-coloquio de formación sindical.
Publicacións e comunicación
[editar | editar a fonte]Edición de libros, cadernos, revistas e/ou folletos.
Divulgación a través de Internet.
Audiovisual
[editar | editar a fonte]Realización e edición de audiovisuais, principalmente en formato documental.
Eventos e xornadas
[editar | editar a fonte]Organización de eventos, xornadas ou conferencias con finalidade divulgativa.
Presenza da fundación en diferentes eventos, feiras ou encontros.
Exposicións
[editar | editar a fonte]Realización, edición e montaxe/desmontaxe de exposicións divulgativas.
Padroado
[editar | editar a fonte]O Padroado está formado por:[2]
- Suso Seixo (presidente)
- Manuel Mera (secretario e director)
- Uxío-Breogán Diéguez Cequiel (apoderado)
- Paulo Carril
- Margarida Corral Sánchez
- Xosé Francisco Miranda Vigo
- Antolín Alcántara Álvarez
- Ramiro Oubiña Parracho
- Nicolasa Castro Monteiro
- Elvira Souto Presedo
- Xosé Lois Rivera Jácome
- Bautista Vega Tato.
Notas
[editar | editar a fonte]- ↑ "ORDE do 26 de maio de 2004 pola que se clasifica como de interese social a Fundación para o Estudo e Divulgación da Cuestión Social e Sindical en Galiza (Fesga).", DOG.
- ↑ "Composición do padroado da Fundación Moncho Reboiras", Consultado o 19 de xaneiro de 2018.