Hiromi Kawakami
  | |
| Nome orixinal | (ja) 川上弘美 |
|---|---|
| Biografía | |
| Nacemento | 1 de abril de 1958 (66 anos) Toquio, Xapón |
| Educación | Universidade Feminina de Ochanomizu |
| Actividade | |
| Lugar de traballo | Toquio |
| Ocupación | novelista, escritora, escritora de ciencia ficción |
| Premios | |
| |
| Descrito pola fonte | Obálky knih,  |
   | |
Hiromi Kawakami (en xaponés: 川上 弘美, Kawakami Hiromi), nada en 1958, é unha escritora xaponesa coñecida polas súas innovadoras obras de ficción, poesía e crítica literaria. Gañou múltiples premios literarios nipóns, entre os que destacan os premios Akutagawa, Tanizaki, Yomiuri e o Izumi Kyōka de Literatura. A súa obra foi adaptada ao cinema e traducida a máis de quince linguas.
Traxectoria
[editar | editar a fonte]Primeiros anos
[editar | editar a fonte]Hiromi Kawakami naceu en Tokyo en 1958, mais criouse no barrio de Takaido da cidade de Suginami.[1] En 1980, graduouse da Universidade Ochanomizu para mulleres.[2]
Carreira literaria
[editar | editar a fonte]Tras completar os seus estudos, Kawakami comezou a traballar como escritora e editora na revista NW-SF, especializada en ciencia ficción. [3] O seu primeiro conto, "Sho-shimoku", apareceu en 1980.[2] Tamén foi profesora de ciencias na secundaria, mais pasou a ser ama de casa cando o seu esposo se tivo que trasladar por traballo.[1][4]
En 1994, aos 36 anos, publicou a súa primeira escolma de relatos, titulada Kamisama ("Os deuses").[4] En 1996, Hebi wo fumi ("Pisar a serpe") gañou o prestixioso premio Akutagawa.[5] En 2001, recibiu o premio Tanizaki pola súa novela O maletín do mestre, unha historia de amizade e amor entre unha muller de trinta anos e o seu antigo profesor, de setenta.[6] Tras os accidentes nucleares de Fukushima, reescribiu a súa ópera prima, Kamisama, incorporando os sucesos de Fukushima na trama orixinal.[7]
En 2014, estreouse a película Nishino Yukihiko no koi to bōken, baseada na novela homónima de Kawakami publicada en 2003. Ese mesmo ano, saíu do prelo o seu libro Suisei ("O son da auga"), que gañou o 66.º premio Yomiuri de 2015. Yōko Ogawa, membro do xurado, gabou a obra por expandir os horizontes da literatura.[8] En 2016, a súa escolma de contos Ōkina tori ni sarawarenai yō recibiu o 44.º premio Izumi Kyōka de Literatura.[9]
Traducións
[editar | editar a fonte]- O maletín do mestre (2012). Tradución directa de Mona Imai. Rinoceronte Editora. ISBN 978-84-92866-41-0.[10]
Notas
[editar | editar a fonte]- ↑ 1,0 1,1 "作家の読書道：第7回 川上 弘美さん". www.webdoku.jp. Consultado o 2024-12-10.
- ↑ 2,0 2,1 "Japan Society of the UK - Japan Society Book Club: Record of a Night Too Brief by Hiromi Kawakami - Japan Society of the UK". web.archive.org. 2019-11-08. Arquivado dende o orixinal o 08 de novembro de 2019. Consultado o 2024-12-10.
- ↑ Ashley 2007.
- ↑ 4,0 4,1 "どっち派？ 川上弘美と小川洋子 : ライフ : 読売新聞（YOMIURI ONLINE）". web.archive.org. 2018-09-09. Arquivado dende o orixinal o 09 de setembro de 2018. Consultado o 2024-12-10.
- ↑ Flanagan 2017.
- ↑ "各賞紹介｜中央公論新社". www.chuko.co.jp. Consultado o 2024-12-10.
- ↑ Dejima 2016.
- ↑ "小説賞 川上弘美 「水声」 : ライフ : 読売新聞（YOMIURI ONLINE）". web.archive.org. 2018-09-09. Arquivado dende o orixinal o 09 de setembro de 2018. Consultado o 2024-12-10.
- ↑ "泉鏡花文学賞：川上弘美さんが受賞". 毎日新聞 (en xaponés). Consultado o 2024-12-10.
- ↑ "O maletín do mestre – Rinoceronte Editora". Consultado o 2024-12-10.
Véxase tamén
[editar | editar a fonte]Bibliografía
[editar | editar a fonte]- Ashley, Mike (2007). Gateways to Forever: The Story of Science-Fiction Magazines from 1970 to 1980 (en inglés). Liverpool University Press.
- Dejima, Yukiko (2016). "Tsunamis and Earthquakes in Japanese Literature". En Karan, Pradyumna; Suganuma, Unryu. Japan After 3/11: Global Perspectives on the Earthquake, Tsunami, and Fukushima Meltdown (en inglés). University Press of Kentucky.
- Flanagan, Damian (2017). "Record of a Night Too Brief: Hiromi Kawakami uncoils life's mysteries with an exploration of dreams". The Japan Times (en inglés).
| Control de autoridades |
|
|---|
