Jerry Lucas
Jerry Ray Lucas, nado o 30 de marzo de 1940 en Middletown, Ohio, é un ex xogador profesional de baloncesto estadounidense da National Basketball Association (NBA). Foi seleccionado como elección territorial do Draft de 1962 polos Cincinnati Royals (actuais Sacramento Kings), onde xogaría até 1969. No seu primeiro ano como profesional gaña o premio ao Rookie do Ano. Con todo, o seu maior éxito foi noutro equipo, xa que consegue facerse co anel de campión da NBA en 1973 cos New York Knicks. A nivel individual, tamén foron destacábeis as súas sete presenzas no All-Star, sendo nomeado mellor xogador do partido (MVP) en 1965. Tamén foi votado en 1996 como uns dos "cincuenta mellores xogadores da historia da NBA" e admitido no Basketball Hall of Fame como xogador en 1980 e como parte do equipo olímpico de 1960, con quen conseguiu a medalla de ouro, en 2010.
Traxectoria
[editar | editar a fonte]Universidade
[editar | editar a fonte]
Até 150 universidades pelexáronse por contar cos seus servizos, podendo elixir entre destacábeis programas deportivos como o de Kentucky, mais preferiu quedar preto de casa e elixiu a Universidade Estatal de Ohio. Levou á súa universidade a tres finais estatais consecutivas, gañando o campionato da NCAA en 1960. Nos seus tres anos universitarios foi elixido no mellor quinteto do país, grazas a unhas medias de 24,3 puntos e 17,2 rebotes por partido. En 1999, a revista deportiva Sports Illustrated incluíuno no "mellor quinteto universitario do século XX". Ohio State retirou na súa honra o seu dorsal número 11, sendo a primeira vez que o facía.
En 1960 formou parte do equipo nacional que conseguiu o ouro nos Xogos Olímpicos de Roma.
NBA
[editar | editar a fonte]Foi elixido na sexta posición da primeira rolda do Draft da NBA de 1962 polos Cincinnati Royals como elección territorial. Porén, non debutou na NBA até o ano seguinte, despois dun breve paso pola desaparecida liga ABL. Foi nomeado Rookie do Ano na súa primeira temporada, e, nas dúas seguintes, fixo medias de máis de 20 puntos e 20 rebotes por partido, algo que soamente conseguira Wilt Chamberlain, sendo ademais o único ala en conseguir máis de 20 rebotes por partido nunha tempada.
Comezada xa a tempada 1969-70 foi traspasado aos San Francisco Warriors, para recalar un ano despois nos New York Knicks, cos que gañou o título en 1973, sendo o primeiro xogador da historia en gañar títulos en instituto, universidade, olimpíadas e profesionais. Retirouse en 1974.
Equipos
[editar | editar a fonte]- Cincinnati Royals (1963–1969)
- San Francisco Warriors (1969–1971)
- New York Knicks (1971–1974)
Palmarés
[editar | editar a fonte]- Campión da NBA (1973).
- Campión da NCAA (1960).
- Medalla de Ouro nos Xogos Olímpicos (1960).
- Sete veces All-Star (1964–1969, 1971).
- Unha vez MVP do All-Star (1965).
- Tres veces no Primeiro equipo da NBA (1965–1966, 1968).
- Dúas veces no Segundo equipo da NBA (1964, 1967).
- Unha vez Rookie do Ano da NBA (1964).
- Unha vez no Primeiro equipo rookie da NBA (1964).
- Nomeado un dos 50 mellores xogadores da historia da NBA (1996).
- Membro do Basketball Hall of Fame como xogador (1980).
- Membro do Basketball Hall of Fame como parte do equipo olímpico de 1960 (2010).
- Número 11 retirado pola Universidade de Ohio State.
Véxase tamén
[editar | editar a fonte] |
Wikimedia Commons ten máis contidos multimedia na categoría: Jerry Lucas  |
Ligazóns externas
[editar | editar a fonte]- Estatísticas de Jerry Lucas Arquivado 18 de febreiro de 2009 en Wayback Machine.
- Perfil de Jerry Lucas en NBA History
- Biografía de Jerry Lucas no Basketball Hall of Fame
| Control de autoridades |
|
|---|
- Xogadores de baloncesto da NBA
- Xogadores de baloncesto olímpicos dos Estados Unidos de América
- Eleccións no Draft da NBA dos Cincinnati Royals
- Xogadores dos Cincinnati Royals
- Xogadores dos San Francisco Warriors
- Xogadores dos New York Knicks
- Ala-pivotes de baloncesto
- Rookie do Ano da NBA
- Membros do Salón da Fama da NBA
- Medallistas olímpicos en baloncesto
- Nados en 1940
- Nados no condado de Butler, Ohio
- Xogadores de baloncesto nos Xogos Olímpicos de 1960
- Medallistas olímpicos de ouro polos Estados Unidos de América
- Medallistas nos Xogos Olímpicos de 1960
- Alumnos da Universidade Estatal de Ohio