Juan Bautista Caamiña

Juan Bautista Caamiña
Biografía
Nacemento	1774 ; Santiago de Compostela, España
Morte	1827 (52/53 anos); Portugal
Educación	Universidade de Santiago de Compostela
Actividade
Ocupación	xornalista, médico, profesor universitario

Juan Bautista Caamiña, nado en Santiago de Compostela en 1774 e finado en Portugal en 1827, foi un médico, político e xornalista galego.

Traxectoria

Catedrático de Física da Universidade de Santiago de Compostela e médico no Real Hospital. Asociado co impresor Manuel Antonio Rey fundou os periódicos liberais Diario General (1810) e El Cartel (1811). En febreiro de 1812 dirixiu a Gazeta Marcial y Política de Santiago, desde a que combateu os realistas. Foi cruelmente perseguido polos absolutistas e suspendido das súas funcións académicas. Tivo que facer unha retractación pública das súas ideas, esconderse nunha cela do convento de San Lorenzo e facer unha segunda retractación. Temendo pola súa vida, en maio de 1814 fuxiu a Portugal, e exerceu a medicina en Porto uns anos.

Véxase tamén

Bibliografía

"Caamiña, Juan Bautista". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Couceiro Freijomil, A. (1951). "CAAMIÑA, Juan Bautista". Diccionario bio-bibliográfico de escritores (en castelán) I. Santiago de Compostela: Bibliófilos Gallegos. p. 183.
Murguía, M. (1862). Diccionario de escritores gallegos. Vigo: Juan Compañel. pp. 131–132.

Ligazóns externas