Karakol

Karakol

Каракол (ky)
Localización
42°29′26″N 78°23′37″L
Estado	Kirguizistán
Subdivisões (pt)	Rexión de Isiq-Köl
Capital de	Rexión de Isiq-Köl Q4213915 Przhevalsky Uyezd (en) Q4377576
Poboación
Poboación	85.588 (2022) (1.781,23 hab./km²)
Xeografía
Superficie	48,05 km²
Altitude	1.690 m
Creación	1 de xullo de 1869
Identificador descritivo
Código postal	722360
Fuso horario	UTC+06:00
Outro
Irmandado con	Asheville Gebze (pt)
Páxina web	karakol.com.kg

Entrada ao Museo Przewalski, en Karakol.

Karakol (en kirguiz Каракол, boneca negra) é unha cidade de Kirguizistán, situada cerca do extremo oriental do lago Issyk-Kul, a uns 150 km da fronteira con China e a 380 km da capital, Bixkek.

Xeografía

Localización de Karakol, na beira oriental do lago Issyk-Kul.

A catedral ortodoxa rusa de Karakol.

Situada a unha altitude de 1 690 msnm, ocupa unha superficie de 48,05 km². No ano 2009 tiña unha poboación de 63 377 habitantes, polo que a súa densidade de poboación nese ano era de 1 319 hab./km².

A cidade é a capital administrativa da Rexión de Isiq-Köl.

Desde 1991, un distrito da cidade, a 12 km do centro, coñécese co nome de Pristan-Przewalsk (en ruso Пристань-Пржевальск), na honra do xeógrafo, explorador e naturalista ruso Nikolai Przewalski, que faleceu alí o 1 de novembro de 1888.

Poboación

O poboamento kirguiz da cidade resultou da colectivización das terras e da sedentarización dos nómades nos anos 1930, aínda que a poboación ruse está ben representada. Karakol conta así mesmo cunha numrosa comundidade dugane.

Censos ou estimacións da poboación dan a seguinte evolución:

Serie de poboación histórica de Karakol

Ano	1911	1933	1959	1970	1979	1999	2009	2013
Poboación	13000	18700	32565	42262	50830	64322	63377	67700

Historia

Construída nunha rexión de poboamento antigo, con restos de varias aldeas medievais, algunhas delas absorbidas na cidade, que acolleran mosteiros cristiáns na Antigüidade e na Alta Idade Media, a cidade actual foi edificada polos rusos a partir do século XIX. A súa construción débese á decisión de colonizar a conca do Issyk Kul, tomada polo tsar Alexandre II, despois das expedicións de recoñecemento dirixidas polo militar e explorador ruso Nikolai Mikháilovich Przewalski quen, mentres preparaba unha expedición para chegar ao Tíbet, morreu o 20 de outubro (1 de novembro, segundo o calendario gregoriano) de 1888 en Karakol. A cidade foi poboada orixinalmente por labregos rusos.

Durante a Gran Guerra Patriótica (1941-1945), a cidade de Karakol recibiu un afluencia de refuxiados e evacuados chegados do oeste da URSS.

Como quedou dito, en 1991, un barrio de Karakol foi rebautizado como Pristan-Przewalsk.

Karakol é hoxe un mercado de alimentos e gando, e a sede da administración rexional, e conta cunha pequena universidade. A cidade vive en parte da súa proximidade á mina de ouro Koumtor, que emprega a moitos traballadores da localidade.

Economía

A cidade é un dos tres piares, con Bixkek e Osh, do principal eixe económico do país, beneficiándose en particular de investimentos do estranxeiro.

Karakol é, por outra parte, un centro de produción de drogas, contando co laboratorios arteesanais.

Galería

• 
  Escudo de Karakol
• 
  Bandeira de Karakol
• 
  Tumba de Przewalski
• 
  Exterior da mesquita dos duganes

Véxase tamén

Outros artigos

• Nikolai Przewalski

Ligazóns externas

• History of Karakol (en inglés).