Mariner 1
| Mariner 1 | |
|---|---|
 Lanzamento de Mariner 1. | |
| Tipo | Científico |
| Organización | NASA |
| Destino actual | Destruída.[1][2][3] |
| Data de lanzamento | 22 de xullo de 1962, 9:21 GMT[1][4] |
| Foguete portador | Atlas Agena B[1][3] |
| Sitio de lanzamento | Centro Espacial de Cabo Cañaveral, rampla 12[1][2] |
| Obxectivo da misión | Estudo de Venus.[1][2] |
| Masa | 202,8 kg[1] |
Mariner 1 foi unha sonda espacial estadounidense lanzada o 22 de xullo de 1962 mediante un foguete Atlas Agena B desde o Centro Espacial de Cabo Cañaveral para estudar Venus. Non chegou a alcanzar órbita.[1][2][3]
Características
[editar | editar a fonte]Mariner 1 pertencía ó programa Mariner da NASA e foi a primeira do seu tipo. Era idéntica á posteriormente exitosa Mariner 2 e a súa misión era facer un sobrevoo de Venus para facer medicións e observacións científicas, pero o foguete que a debía poñer en órbita foi destruído durante o lanzamento por cuestións de seguridade aos 293 segundos de voo: nun momento dado o foguete comezou a desviarse da súa traxectoria, ameazando con estrelarse, polo que para evitar a súa caída en zonas habitadas enviouse o comando de destrución ao foguete.[1][2][3]
O fallo do foguete tivo lugar pola combinación de dous factores: o mal funcionamento da baliza do foguete implicou varias perdas de sinal entre este e o control de terra, coa tardía detección do problema de desvío da traxectoria, e un erro de programación (a ausencia dun guión no código do programa) que permitiu que o foguete aceptara ordes de guiado incorrectas. Durante as perdas de contacto con terra o foguete usou o programa e certos sinais que non debería ter aceptado para facer correccións de curso innecesarias, levandoo fora da traxectoria establecida.[1][2][3]
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 1,7 1,8 NASA (1 de xullo de 2013). "Mariner 1" (en inglés). Consultado o 26 de xullo de 2013.
- ↑ 2,0 2,1 2,2 2,3 2,4 2,5 Mark Wade (2011). "Mariner 1-2" (en inglés). Consultado o 26 de xullo de 2013.
- ↑ 3,0 3,1 3,2 3,3 3,4 Gunter Dirk Krebs (2013). Gunter's Space Page, ed. "Mariner 1, 2" (en inglés). Consultado o 26 de xullo de 2013.
- ↑ Claude Lafleur (2010). "Mariner 1" (en inglés). Consultado o 26 de xullo de 2013.
Véxase tamén
[editar | editar a fonte] |
Wikimedia Commons ten máis contidos multimedia na categoría: Mariner 1 |