Miguel Maura

Miguel Maura

(1936)
Biografía
Nacemento	13 de decembro de 1887 Madrid, España
Morte	3 de xuño de 1971 (83 anos) Zaragoza, España
Lugar de sepultura	camposanto de San Isidro 40°24′04″N 3°43′41″O
Deputado nas Cortes republicanas
10 de marzo de 1936 – 2 de febreiro de 1939 Lexislatura: III lexislatura da Segunda República Española Circunscrición electoral: Soria (en)
Deputado nas Cortes republicanas
25 de novembro de 1933 – 7 de xaneiro de 1936 Lexislatura: II lexislatura da Segunda República Española Circunscrición electoral: Zamora (en)
Deputado nas Cortes republicanas
4 de xullo de 1931 – 9 de outubro de 1933 Lexislatura: I lexislatura da Segunda República Española Circunscrición electoral: Zamora (en)
Ministro do Interior de España
14 de abril de 1931 – 1 de outubro de 1931 – Santiago Casares Quiroga →
Deputado no Congreso dos Deputados
18 de abril de 1916 – 2 de outubro de 1920 ← José Torres Sala (pt) – Salvador Serra Lloret (pt)  → Circunscrición electoral: Pego
Concelleiro de Madrid
1 de xaneiro de 1916 – Circunscrición electoral: Buenavista Electo en: Q44543515
Ministro de Gobernación
Datos persoais
Residencia	Calle del Príncipe de Vergara
Actividade
Lugar de traballo	Madrid
Ocupación	político, avogado
Partido político	Partido Liberal-Conservador
Familia
Cónxuxe	Rosario López de Carrizosa (1909–)
Pais	Antonio Maura   e Constancia Gamazo
Irmáns	Susana Maura Gamazo Constancia Maura Gamazo Gabriel Maura Gamazo Honorio Maura Gamazo
Sinatura

Miguel Maura Gamazo, nado en Madrid o 13 de decembro de 1887 e finado en Zaragoza o 3 de xuño de 1971, foi un político español.

Traxectoria

Miguel Maura, que era fillo do político monárquico Antonio Maura foi elixido deputado en 1916. Partidario primeiro e logo detractor da ditadura de Primo de Rivera evolucionou desde posicións monárquicas cara a un republicanismo sempre moderado.

Pertenceu, xunto a Niceto Alcalá-Zamora á Derecha Liberal Republicana, un dos partidos republicanos asinantes do Pacto de San Sebastián. Cando en agosto de 1931, Derecha Liberal troca o nome polo de Partido Republicano Progresista, Maura non estivo moi de acordo e, en xaneiro de 1932, abandona o novo partido xunto con trece deputados, para crear o Partido Republicano Conservador.

Foi un dos máis distinguidos políticos dos inicios da II República Española, na que chegou a ser Ministro da Gobernación durante o Goberno Provisional (abril-outubro 1931), producíndose durante o seu mandato os episodios da "queima dos conventos" e a proclamación da Primeira República Galega. Ao formarse en outubro de 1931 o novo goberno, presidido por Manuel Azaña, Maura xa non figurou nel.

Na primavera de 1936 alcanzaron forte eco, aínda que ningunha consecuencia práctica, os seus artigos xornalísticos reclamando a instauración dunha "ditadura republicana" como medida para saír da caótica situación político-social reinante desde a chegada ao poder da Fronte Popular.

Ao iniciarse a guerra civil atopábase de veraneo en La Granja. O Presidente da República, Manuel Azaña, ofreceulle a Presidencia dun Goberno "de unión nacional" para enfrontarse coa sublevación, oferta que Maura rexeitou (e que Azaña pasou a presentar a Martínez Barrio, quen aceptou).

De novo en Madrid e sabedor de que as milicias anarquistas buscábano para executalo, pediu axuda a Indalecio Prieto quen lle procurou un avión militar co que se trasladou a Tolosa (Francia), conseguindo así salvar a vida, a diferenza do seu irmán Honorio Maura, executado polas milicias anarquistas e comunistas no forte de Guadalupe en Irún no verán de 1936. Miguel Maura regresou a España en 1953 e alí permaneceu ata a súa morte en 1971.

Obra

• Así cayó Alfonso XIII: de una dictadura a otra, Marcial Pons. ISBN 978-84-96467-44-6.

Véxase tamén

Bibliografía

• Hidalgo Marín, Inés Sofía (1995). "La familia Gamazo: élite castellana en la restauración (1874-1923)". Investigaciones históricas: Época moderna y contemporánea (15): 107–118. ISSN 0210-9425. 
• Álvarez Rey, Leandro (2009). Los Diputados por Andalucía de la Segunda República 1931-1939 1. Centro de Estudios Andaluces. ISBN 978-84-613-1326-6. 
• Urquijo y Goitia, José Ramón de (2008). Gobiernos y ministros españoles en la Edad Contemporánea. Biblioteca de Historia 69 (2 ed.). CSIC-Dpto. de Publicaciones. ISBN 9788400087371.