Nancy Fraser

Nancy Fraser

Biografía
Nacemento	20 de maio de 1947 (77 anos) Baltimore (Estados Unidos de América)
Educación	CUNY Graduate Center
Actividade
Campo de traballo	Teoria social (pt) , teoria política (pt) , teoría feminista e Estudos de xénero
Ocupación	filósofa, politicóloga, socióloga, profesora universitaria, feminista
Empregador	Universidade do Noroeste Universidade Stanford Universidade da Geórgia (pt) Universidade de Groningen The New School
Membro de	Academia das Artes e das Ciencias dos Estados Unidos
Influencias	Michel Foucault
Participou en
maio de 2015	Manifesto de apoio a Barcelona en Comú
Premios
(2015)  doutor honoris causa pola Universidade de Lieja
Descrito pola fonte	Obálky knih,

Nancy Fraser, nada en Baltimore (Maryland) o 20 de maio de 1947, é unha filósofa política, intelectual pública e feminista estadounidense. Exerceu como profesora de ciencias políticas e sociais. Na actualidade é profesora de filosofía en The New School en Nova York. É ampliamente coñecida polas súas críticas e contribucións teóricas no ámbito da filosofía política, especialmente en cuestións de política da identidade, sobre o construto de xusticia social e a teoría feminista.

Concepto de xusticia social

Fraser considera a xustiza social como un concepto complexo que comprende varias dimensións interrelacionadas: a distribución de recursos, o recoñecemento e a representación. En termos xerais, Fraser defende un enfoque neopragmático que permita unha análise democrática das institucións e dos movementos sociais. As súas contribucións teóricas baséanse na teoría feminista, a teoría crítica e o posestructuralismo.

Fraser argumenta que un gran número de movementos sociais nos anos 60 e 70 fixeron afirmacións relacionadas coa raza, o xénero, a orientación sexual e a etnia. Neste contexto, o enfoque en corrixir o non recoñecemento destas cuestións eclipsou a importancia dos problemas de mala distribución. O foco excesivo nas cuestións de identidade desviou a atención dos efectos do neoliberalismo, da acumulación de capital e da crecente desigualdade económica que caracteriza a moitas sociedades.

O posicionamiento feminista de Nancy Fraser

Nun traballo recente, Fraser vai máis aló e relaciona o estreitamento do foco nas cuestións da identidade coa crecente brecha entre ricos e pobres, aludindo particularmente ao feminismo liberal, ao cal Fraser chama "servente (handmaiden) do capitalismo". Reflexionando sobre o libro Lean In, de Sheryl Sandberg, a autora explica que:

Para min, o feminismo non é simplemente un asunto de poñer un puñado de mulleres individuais en postos de poder e privilexio dentro da actual xerarquía social. É ir máis aló e superar estas xerarquías. Isto require desafiar as fontes estruturais da dominación de xénero na sociedade capitalista, sobre todo, a institucionalización de supostamente dous tipos de traballo: por unha banda, aquela chamada traballo produtivo, historicamente asociado con homes e remunerado a través de salarios; polo outro lado, as actividades de coidar, habitualmente non remuneradas e aínda executadas principalmente por mulleres. Desde o meu punto de vista, esta división jerarquizada e generizada da produción e a reprodución é unha estrutura que define a sociedade capitalista e unha fonte profunda de asimetrías de xénero imbricada nela. Non pode haber emancipación da muller mentres estas estruturas se manteñan intactas.