Nidia Arévalo
| Biografía | |
|---|---|
| Nacemento | 25 de abril de 1975  (49 anos)Vigo, España |
 Alcaldesa de Mos | |
| 2008 – ← María Jesús Escudero Lago | |
| Actividade | |
| Lugar de traballo | Mos |
| Ocupación | política |
Nidia María Arévalo Gómez, nada en Vigo o 25 de abril de 1975, é unha política galega do PPdeG.
Traxectoria
[editar | editar a fonte]Estudou Químicas, aínda que non acadou a licenciatura.[1] Concelleira en Mos polo PPdeG, foi deputada provincial e presidenta da Comisión Informativa de Benestar Social e Muller da Deputación de Pontevedra en 2006. Presentouse ás eleccións municipais de 2007 encabezando a candidatura do PPdeG que obtivo 8 concelleiros, fronte a 6 do PSdeG-PSOE e 3 do BNG. Despois dunhas longas e tensas negociacións, cun ano de goberno en minoría do PSdeG, formouse un goberno de coalición co BNG.
Moción de censura
[editar | editar a fonte]
O 12 de decembro de 2008 encabezou unha moción de censura contra a alcaldesa María Xesús Escudero Lago (PSdeG-PSOE) co apoio do concelleiro Gerardo Alonso, tránsfuga do PSdeG. Despois dun tenso pleno no que centos de veciños se manifestaron en contra da moción, Nidia Arévalo converteuse en alcaldesa de Mos, declarando que se acababa coa situación de "desgoberno". Tanto ela como os seus compañeiros de partido e Gerardo Alonso tiveron que abandonar o pleno en vehículos da Garda Civil escoltados polos antidisturbios.[2][3][4]
A Comisión de Seguimento do Pacto Antitransfuguismo declarou en setembro de 2009 como "caso claro de tránsfugas" en referencia ao concelleiro que fora elixido na lista do PSdeG, Gerardo Alonso, así como se declara a Nidia Arévalo e aos sete edís do PP en Mos, que pediron a baixa do partido, beneficiarios do caso de transfuguismo.[5]
Nas municipais de 2011 foi elixida alcaldesa de Mos polo PPdeG con maioría absoluta[6] e a mantivo nas eleccións sucesivas en 2015, 2019 e 2023.[7][8]
En xullo de 2023, foi elixida senadora polo PP.[9]
Notas
[editar | editar a fonte]- ↑ La alcaldesa de Mos (PP) mintió en su currículum: nunca acabó la carrera El Plural, 24/4/2017 (en castelán)
- ↑ "Aprobada la moción de censura en Mos que coloca como alcaldesa a Nidia Arévalo (PP)". soitu.es (en castelán). 2008-12-12. Consultado o 2024-04-19.
- ↑ Suárez, David (15 de decembro de 2008). "Triunfa la moción de censura en Mos tras un pleno plagado de incidentes". lavozdegalicia.es (en castelán).
- ↑ Tébar, Roma (10 de febreiro de 2014). "El PP gallego inicia la expulsión de la nueva alcaldesa de Mos". atlantico.net (en castelán). Consultado o 19 de abril de 2024.
- ↑ AGN (2009-07-24). "El Pacto Antitranfuguismo declara los casos de Mos y Abegondo". diariodepontevedra.es (en castelán). Consultado o 2022-04-23.
- ↑ Mandiá, Diana (24 de maio de 2011). "Imputados y tránsfugas resisten el examen de las elecciones". elpais.com (en castelán). Consultado o 19 de abril de 2024.
- ↑ Gago, Xosé; Placer, Laura (18 de xuño de 2023). "El PSdeG gobernará sobre 1,2 millones de gallegos, el PP a 667.000, y el BNG a 360.000". lavozdegalicia.es (en castelán). Consultado o 24 de novembro de 2023.
- ↑ Palomares, Paula (17 de xuño de 2023). "Nidia Arévalo, imbatible en Mos (Pontevedra)". elespanol.com (en castelán). Consultado o 19 de abril de 2024.
- ↑ "ARÉVALO GÓMEZ, NIDIA MARÍA". senado.es (en castelán). 23 de xullo de 2023. Consultado o 19 de abril de 2024.
Véxase tamén
[editar | editar a fonte]Bibliografía
[editar | editar a fonte]- Barrera, Feliciano, ed. (2002). "Arévalo Gómez, Nidia María". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 41. ISBN 84-8064-113-4.
Outros artigos
[editar | editar a fonte]Ligazóns externas
[editar | editar a fonte]- "Entrevista a Nidia Arévalo" Conta con Elas, 2006.
- «Son popular e nunca me vou marchar do PP» en La Voz de Galicia, 17/12/2008.
- "Espero que la dirección del PP entienda…" Faro de Vigo, 17/12/2008.
- "Nidia Arévalo y sus siete ediles piden la baja del PP…" Faro de Vigo, 1/5/2009.
| Predecesor: María Xesús Escudero Lago |
.svg){kind=small} Alcaldesa de Mos 2008 - actualidade |
Sucesor: no cargo |