Pancho García
| Biografía | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1 de xullo de 1951  (73 anos)Ferrol, España | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista, adestrador de fútbol, adestrador de fútbol sala | ||||||||||||||||||||||||||||||||||||||||||||||||||||||
| Período de actividade | 1975 - 1985 | ||||||||||||||||||||||||||||||||||||||||||||||||||||||
| Deporte | fútbol fútbol sala | ||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Francisco "Pancho" García Fernández, nado en Ferrol o 1 de xullo de 1951, é un exfutbolista galego. Centrocampista histórico do Deportivo da Coruña, é o noveno futbolista con máis partidos na historia do club (331).
Traxectoria
[editar | editar a fonte]Naceu no barrio ferrolán de Esteiro o o 1 de xullo de 1951.[1] Soldador de profesión, traballou na Bazán, ao igual que seu pai, ao tempo que xogaba en equipos modestos como o Esteiro ou o Arsenal.[2] En 1972 pasou ao Racing de Ferrol, club no que militou durante tres tempadas, todas na Terceira División. Na campaña 1973/74 chegou a anotar 15 goles, sendo o segundo máximo anotador do equipo por detrás de Alfonso Castro.
En 1975 fichou polo Deportivo da Coruña e xogou no club coruñés durante a seguinte década completa. Titular na maioría de partidos dese período, viviu o primeiro descenso do club á Segunda División B ao remate da tempada 1979/80. Contribuíu ao ascenso do equipo só un ano despois marcando 10 goles na categoría de bronce. Deixou o club e o fútbol ao remate da tempada 1984/85.
No momento da súa retirada era o segundo futbolista con máis partidos oficiais na historia do Deportivo da Coruña (331), só por detrás do histórico gardameta Acuña (393). Na actualidade ocupa a novena praza.[3]
Despois de deixar o Deportivo dedicouse ao fútbol sala e entre 1985 e 1987 xogou no histórico Chaston da Coruña, co que foi subcampión dunha primitiva liga española, así como de dúas edicións da Copa do Rei oficiosa.[4] En 1989 converteuse no adestrador do equipo na histórica tempada inaugural da División de Honra, a nova máxima categoría do país, xa de xeito oficial, conseguindo asegurar a permanencia.[5] Entre 1994 e 2002 adestrou a selección coruñesa sub-16 de fútbol e estivo tamén aos mandos da selección galega sub-16 e do Calasanz.[6][7]
No 2013 formou parte da candidatura de Germán Rodríguez Conchado á presidencia do Deportivo da Coruña.[8]
Notas
[editar | editar a fonte]- ↑ "Al fin las cosas me salen bien". La Voz de Galicia (en castelán). 26 de xaneiro de 1978. p. 32.
- ↑ "García, al Deportivo". La Voz de Galicia (en castelán). 4 de xuño de 1975. p. 45.
- ↑ "Listado de jugadores del Deportivo de La Coruña". BDFutbol (en castelán). Consultado o 11 de novembro de 2022.
- ↑ I. Martelo, Vicente (11 de outubro de 2024). "Aquel Chaston de fútbol sala". DxT Campeón (en castelán). Consultado o 11 de outubro de 2024.
- ↑ "El ex deportivista «Pancho» García será el nuevo entrenador del Chaston". La Voz de Galicia (en castelán). 11 de xullo de 1989. p. 49.
- ↑ "XORNADA HOMENAXE ADESTRADORES GALEGOS DE HONRA – FÚTBOL SALA / A CORUÑA". Real Federación Galega de Fútbol. Consultado o 11 de outubro de 2024.
- ↑ "Las selecciones de fútbol sub-14 y sub-16 de Coruña se enfrentarán mañana en el campo de Elviña a las de Ferrol". La Voz de Galicia (en castelán). 25 de xaneiro de 1994. p. 47.
- ↑ "Presentada esta tarde la candidatura de Germán Rodríguez Conchado a la presidencia del Deportivo" (en castelán). 17 de outubro de 2013. Consultado o 11 de outubro de 2024.
| Control de autoridades |
|
|---|
