Rosa María Menéndez López
  | |
| Biografía | |
|---|---|
| Nacemento | 12 de febreiro de 1957 (67 anos) Corollos, España |
 Presidenta do Consello Superior de Investigacións Científicas | |
| 2017 – ← Emilio Lora-Tamayo – Eloísa del Pino Matute → | |
| Profesora de investigación do CSIC | |
| | |
| Datos persoais | |
| Educación | Universidade de Oviedo |
| Actividade | |
| Ocupación | química, investigadora |
| Empregador | Consello Superior de Investigacións Científicas |
  | |
Rosa María Menéndez López, nada en Cudillero o 11 de febreiro de 1956, é unha científica española, presidenta do Consello Superior de Investigacións Científicas (CSIC) dende novembro de 2017. É a primeira muller que preside a institución dende a súa creación en 1937.
Traxectoria
[editar | editar a fonte].jpg)
Menéndez López licenciouse en química orgánica na Universidade de Oviedo en 1980 e posteriormente doutorouse na mesma universidade en 1986.[1][2] Empezou a traballar no CSIC, no Instituto Nacional do Carbón de Oviedo.[3] En maio de 2003 accedeu, mediante un proceso de promoción interna, á escala de Profesores de Investigación do Consello Superior de Investigacións Científicas.[4]
Durante a súa traxectoria profesional colaborou con numerosas industrias do sector eléctrico, aeronáutico, carboquímico e petroquímico. Presidiu a Asociación Europea de Materiais de Carbono (ECA).[5] Tamén realizou estancias en diversos centros de investigación estranxeiros, como o Northern Carbon Research Laboratories da Universidade de Newcastle, en Newcastle upon Tyne, no Reino Unido; a Universidade de Clemson en Carolina do Sur, nos Estados Unidos; no Imperial College de Londres ou a Universidade de Nottingham.[6]
O seu traballo como investigadora está relacionado cos materiais e a enerxía, téndose ocupado da optimización dos procesos de conversión do carbón e revalorización dos seus derivados, así como os procedentes do petróleo mediante a súa utilización como precursores de materiais de carbono, iniciando unha liña de investigación sobre o grafeno e a súa utilización en varias aplicacións, como o almacenamento de enerxía e os reactores nucleares de fusión, e tamén no eido da biomedicina.[1] Participou en máis dunha trintena de proxectos de investigación de carácter rexional, nacional e europeo, encabezando como investigadora principal unha vintena destes e coordinando cinco europeos. Ademais, publicou máis de 200 artigos en revistas internacionais de alto índice de impacto, varios capítulos de libros, dous libros de divulgación, e dirixiu varias teses doutorais. Tamén dispón de nove patentes.[2]
Dende 2003 até 2008 dirixiu o Instituto Nacional do Carbón (INCAR), e entre maio de 2008 e febreiro de 2009 ocupou o cargo de Vicepresidenta de Investigación Científica e Técnica do CSIC. É membro do Consello Reitor da Axencia Estatal de Investigación e da Comisión Nacional de Avaliación da Actividade Investigadora, así como do Comité Científico Asesor do Principado de Asturias.
O 17 de novembro de 2017, a proposta do Ministerio de Economía e Competitividade de España, o goberno español aprobou o nomeamento de Rosa María Menéndez como presidenta do Consello Superior de Investigacións Científicas, substituíndo no cargo a Emilio Lora-Tamayo, despois de que este o ocupase dende xaneiro de 2012, e anteriormente entre os anos 2003 e 2004.[7] Menéndez convértese, deste xeito, na primeira muller que preside o maior organismo público de investigación de España, cun persoal de 13 000 investigadores, dos cales o 35,7% son mulleres.[1]
Notas
[editar | editar a fonte]- ↑ 1,0 1,1 1,2 "El Gobierno nombra a Rosa Menéndez nueva presidenta del CSIC, primera mujer en ocupar el puesto". Consultado o 17 de novembro de 2017.
- ↑ 2,0 2,1 "La científica Rosa Menéndez será la primera mujer presidenta del CSIC". Consultado o 17 de novembro de 2017.
- ↑ "La científica Rosa Menéndez será la primera mujer en presidir el CSIC". Consultado o 17 de novembro de 2017.
- ↑ Ministerio de Ciencia y Tecnología. "ORDEN CTE/1315/2003, de 12 de mayo, por la que se nombran funcionarios de carrera de la Escala -5402-, Profesores de Investigación del Consejo Superior de Investigaciones Científicas" (Núm. 127). Consultado o 17 de novembro de 2017.
- ↑ "Rosa Menéndez, científica del INCAR, premiada por su labor investigadora". Consultado o 17 de novembro de 2017.
- ↑ "La asturiana Rosa María Menéndez López, nombrada vicepresidenta del CSIC". Consultado o 17 de novembro de 2017.
- ↑ Ministerio de Economía, Industria y Competitividad. "Real Decreto 993/2017, de 17 de noviembre, por el que se nombra Presidenta de la Agencia Estatal Consejo Superior de Investigaciones Científicas a doña Rosa María Menéndez López" (PDF) (Núm. 280). Arquivado dende o orixinal (PDF) o 01 de decembro de 2017. Consultado o 19 de novembro de 2017.
