Scott Carpenter

Scott Carpenter
	;
Biografía
Nacemento	1 de maio de 1925 ; Boulder, Estados Unidos de América
Morte	10 de outubro de 2013 (88 anos); Denver, Estados Unidos de América
Causa da morte	ictus
Educación	Universidade de Colorado en Boulder ; Academia Naval dos Estados Unidos (pt) ; Escola de Piloto de Teste Naval dos Estados Unidos (pt) ; Universidade de Colorado ; Boulder High School (en)
Actividade
Ocupación	astronauta (1959–1967), piloto de probas, aviador, escritor, autobiógrafo, aquanauta (pt) , Enxeñeiro de aviación
Empregador	NASA, astronauta
Carreira militar
Rama militar	Armada dos Estados Unidos de América
Rango militar	Commander (en)
Conflito	Guerra de Corea
Tempo no espazo	4 horas e 56 minutos
Misión do astronauta	–Mercury-Atlas 7
Familia
Pai	Marion Scott Carpenter
Premios
	(2017) Nacional Aviación Hall of Fame; (1981) Salón Espacial Internacional da Fama; (1962) Medalla de Servizo Distinguido da NASA; Lexionario da Lexión do Mérito; Salón da Fama dos Astronautas dos Estados Unidos; Cruz de Voo Distinguido ;
Descrito pola fonte	Grande Enciclopedia Soviética 1969-1978, (sec:Карпентер Малколм Скотт)
Páxina web	scottcarpenter.com

Malcolm Scott Carpenter foi un astronauta estadounidense que pilotou unha cápsula Mercury durante a misión Mercury-Atlas 7. Pasou un total de 4 horas e 56 minutos no espazo.^[1]^[2]

Traxectoria

Carpenter naceu o 1 de maio de 1925 en Boulder, Colorado, e faleceu o 10 de outubro de 2013 aos 88 anos. Era graduado en enxeñería aeronáutica pola Universidade de Colorado en 1949, o mesmo ano no que entrou na Armada dos Estados Unidos. Participou na Guerra de Corea como piloto no Escuadrón Seis. Posteriormente estudou na Escola Naval de Pilotos de Proba de Patuxent River, Maryland, en 1954, e fixo voos de proba de diversas aeronaves.^[1]^[2]

Foi seleccionado pola NASA como un dos sete astronautas Mercury orixinais o 9 de abril de 1959. Tras un adestramento intensivo foi, en primeiro lugar, o astronauta substituto de John Glenn para a misión Mercury-Atlas 6, e logo foi o elixido para a seguinte misión, o segundo voo orbital dun astronauta americano. A engalaxe tivo lugar o 24 de maio de 1962, e tras pilotar a súa cápsula Aurora 7 durante tres voltas á Terra, amarou no océano Atlántico. O voo durou un total de 4 horas e 46 minutos.^[1]^[2]

Carpenter non volvería ao espazo, pero participou no programa SEALAB II da Armada e foi nomeado pola NASA Asistente Executivo do Director do Centro de Voos Espaciais Tripulados. Tamén tivo parte no adestramento dos astronautas do proxecto Apollo. En 1967 foi asignado como Director de Operacións de Acuanautas durante o experimento SEALAB III. Retirouse da Armada en 1969, fundando Sear Sciences, Inc., unha firma para o desenvolvemento de programas dirixidos a un mellor uso dos recursos mariños e a mellorar a saúde do planeta, chegando a traballar intimamente con Jacques-Yves Cousteau e os membros do Calypso. Axudou no deseño de equipamento para mergullo e natación. Escribiu dúas novelas, ambas ambientadas en contornas mariñas. Faleceu o 10 de outubro de 2013.^[1]^[2]

Notas

↑ ^1,0 ^1,1 ^1,2 ^1,3 NASA, ed. (2018). "SCOTT CARPENTER NASA ASTRONAUT (DECEASED)" (en inglés). Arquivado dende o orixinal o 04 de decembro de 2017. Consultado o 15 de setembro de 2018.
↑ ^2,0 ^2,1 ^2,2 ^2,3 Mark Wade (2018). "Carpenter, Malcolm Scott" (en inglés). Consultado o 15 de setembro de 2018.

Véxase tamén

Outros artigos

Mercury-Atlas 7

[nasa-1] 1,0 ^1,1 ^1,2 ^1,3 NASA, ed. (2018). "SCOTT CARPENTER NASA ASTRONAUT (DECEASED)" (en inglés). Arquivado dende o orixinal o 04 de decembro de 2017. Consultado o 15 de setembro de 2018.

[astronautix-2] 2,0 ^2,1 ^2,2 ^2,3 Mark Wade (2018). "Carpenter, Malcolm Scott" (en inglés). Consultado o 15 de setembro de 2018.

[1]

[2]