Universidade Pública de Navarra
| Universidade Pública de Navarra Nafarroako Unibertsitate Publikoa | |
|---|---|
 Biblioteca da UPNA | |
| Datos xerais | |
| Localización | Pamplona e Tudela |
| Fundación | 21 de abril de 1987 |
| Datos actuais | |
| Reitor | Julio Lafuente López |
| Alumnos | 8.195 |
| Datos de contacto | |
| Enderezo | Campus de Arrosadía s/n 31006 Pamplona  |
| Páxina web | www.unavarra.es |
  | |
 | |
| [ editar datos en Wikidata ] | |
A Universidade Pública de Navarra, abreviado UPNA (en éuscaro: Nafarroako Unibertsitate Publikoa, NUP; en castelán: Universidad Pública de Navarra), é unha universidade pública española, a segunda por número de alumnos existente en Navarra. Conta con aproximadamente 8.000 alumnos en tres campus situados en Pamplona e Tudela.
A UPNA foi creada en 1987 polo Parlamento de Navarra, por iniciativa do entón goberno socialista de Gabriel Urralburu, co obxectivo de que ampliase a oferta de titulacións existentes e de que reunise as ensinanzas universitarias impartidas en centros públicos que, ata ese momento, actuaban sen a coordinación suficiente.
Xunto coa Universidade de Navarra (privada) e a UNED é unha das tres universidades con sede na capital navarra.
Centros
[editar | editar a fonte]Pódense cursar 22 titulacións oficiais e especialidades de primeiro e segundo ciclo, 23 de grao, e máis de 30 programas de posgrao, ademais de 8 títulos propios en 4 Facultades e 2 Escolas Superiores:
- Facultade de Ciencias Económicas e Empresariais.
- Facultade de Ciencias Humanas e Sociais.
- Facultade de Ciencias Xurídicas.
- Facultade de Ciencias da Saúde (Antiga Escola Universitaria de Estudos Sanitarios).
- Escola Técnica Superior de Enxeñeiros Agrónomos.
- Escola Técnica Superior de Enxeñeiros Industriais e de Telecomunicación.
Campus
[editar | editar a fonte]A universidade conta con tres campus:
- Campus de Arrosadía, obra de Sáenz de Oiza, con 26 hectáreas urbanizadas, atópase en Pamplona e aglutina o Aulario, a Biblioteca, sete edificios departamentais, o Reitorado, o edificio de Administración e Xestión, o edificio de Talleres e Laboratorios, a cafetaría, Comedores, e o edificio de El Sario.
- Campus de Ciencias de la Salud, no recinto do Complexo Hospitalario de Navarra da cidade de Pamplona, nel atopamos o edificio de Ciencias da Saúde co Departamento do mesmo nome e a Escola Universitaria de Estudos Sanitarios.
- Campus de Tudela, entrou en funcionamento en 2008 na cidade de Tudela.
