Xixona

Xixona

Brasón
Localización
38°32′21″N 0°30′29″O
Estado	España
Comunidade autónoma	Comunidade Valenciana
Provincia	Provincia de Alacant
Comarca da Comunidade Valenciana	Alacantí
Capital	Jijona (en)
Contén a división administrativa	Jijona (en)
Poboación
Poboación	7.032 (2023) (42,94 hab./km²)
Lingua oficial	lingua catalá (lingua predominante)
Xeografía
Superficie	163,76 km²
Altitude	453 m
Comparte fronteira con	Alcoi Relleu Sant Vicent del Raspeig Tibi Ibi Busot Castalla Alacant La Torre de les Maçanes
Organización política
• Alcalde	Ferran Josep Verdú Monllor
Identificador descritivo
Código postal	03100
Fuso horario	UTC+01:00
Código INE	03083
Código ARGOS de concellos	03083
Sitio web	xixona.es

Xixona (en valenciano: Xixona, en castelán: Jijona, as dúas denominacións cooficiais) é un concello do País Valenciano, situado na comarca do Alacantí, na provincia de Alacant. É famoso por ser o lugar onde se produce o doce de Nadal do turrón, tanto a variedade de Xixona como a de Alacant. Ten 7.575 habitantes (INE 2008).

Xeografía

Atópase situada a 25 km ao norte de Alacant. No seu termo municipal atópanse tamén a montaña e o porto da Carrasqueta, paso natural para comunicar Alacant con Alcoi. Polo suroeste do termo pasa o río Montegre, que proveniente do pantano de Tibi diríxese cara á Horta de Alacant. Ao seu paso polo municipio xixonenco atópase a pequena pedanía de Montnegre. A súa montaña máis alta é "La Carrasqueta" con 1.300 metros de alzada (1.020 metros ao paso da estrada N-340).

O termo municipal está poboado de inmensas fragas de piñeiros e carrascas en altas montañas de máis de 1.000 msnm, o que dá lugar a vistas de vales e barrancos en vertical, así como do mar Mediterráneo debido á súa proximidade; con todo, outras partes do seu termo municipal, as máis próximas á costa, sofren dunha desertización preocupante.

Demografía

Xixona ten 7.575 habitantes (INE 2008).

Evolución demográfica de Xixona
	1857	1887	1900	1910	1920	1930	1940	1950	1960	1970	1981	1991	2000	2006	2008
Poboación	6.028	6.212	6.901	7.323	6.862	6.059	6.942	5.729	6.383	8.117	8.816	7.867	7.337	7.596	7.575

A poboación flutúa segundo a estación do ano; no verán o número de habitantes é menor.

Economía

Tradicionalmente, a economía xixonenca baseouse nunha dualidade entre a produción e comercialización de xeados no verán e a de turrón en inverno, complementada pola agricultura de secaño, na cal destacaba o cultivo da amedoeira, cuxo froito é materia prima para o turrón. Durante os séculos XIX e XX, foi natural que durante gran parte do ano moitos xixonencos se atopasen repartidos por todo o mundo, coma por exemplo en Cuba e outras partes de Iberoamérica vendendo os seus xeados e turróns. Existen moitas marcas artesás e fábricas de turrón.

Monumentos e lugares de interese

• El Castell: un castelo, edificio de interese arquitectónico, onde destaca a súa Torre Grossa.
• Convent del Orde dels Pares Franciscans: edificio de interese arquitectónico barroco e neoclásico.
• Ermida de Santa Bàrbara.
• Igrexa de Santa Maria.
• Museo do Turrón, onde se conservan lembranzas da familia Sirvent Selfa fundadora das marcas El Lobo e 1880.

Festas

Celébranse festas de Mouros e cristiáns na segunda quincena de febreiro. Estes Mouros e Cristiáns son tamén chamados "Festas dos Xeadores".

As festas patronais da localidade, tamén de Mouros e Cristiáns, celébranse en agosto, na fin de semana máis achegada ao día 24, San Bertomeu, co-patrono de Xixona xunto a Sant Sebastià.

Ligazóns externas

• Concello de Xixona
• Consello regulador de Xixona e Turrón de Alacant
• Web oficial das festas de Xixona de Mouros e cristiáns Arquivado 18 de febreiro de 2018 en Wayback Machine.
• Situación e descrición xeográfica, física e urbana de Xixona
• Páxina do Museo do turrón
• Páxina do Les Fonts de Xixona Arquivado 08 de xuño de 2021 en Wayback Machine.