carolo

Galego

• Etimoloxía: do latín caryolu, á súa vez do grego antigo κάρυον (noz).

• Pronuncia: [kaˈɾɔlo̝] [kaˈɾolo̝] (AFI)

Substantivo masculino

carolo (sg: carolo; pl: carolos)

1. Parte central das froitas sen carabuña.
   • Sinónimos: cadrozo, canoto, cañoto, carozo, corazón.
2. Trozo de pan con codia, especialmente da zona superior ou dunha beira.
   • Sinónimos: cantelo, rocho.
   • Termos relacionados: carocha, carocho, codecha, codela, codelo, corrosco.
3. Parte central da espiga de millo, onde están insertados os grans.
   • Sinónimos: cadolo, canoto, cañoto, carón, carozo.
4. Mazaroca de millo pequena ou con escasos grans.
   • Sinónimos: concho, coucho, croucho, cuncho.
5. Avultamento producido na cabeza debido a un golpe.
   • Sinónimos: coque, croque, pote.
6. Parte externa branda que recobre certos froitos, como a da noz.
7. Noz verde.
8. Terrón duro que se levanta ao arar ou sachar.
   • Sinónimos: cadabullo, cadolo, cadullo, cotellón, cotillón, coucillón, coudullo, gleba.
9. Brote do repolo.
   • Termos relacionados: xeno.
10. Trozo de pan de trigo que agasallan os noivos cando casan.
11. (Ornitoloxía) Arao romeiro (Alca torda).
12. (Coloquial) Cero nun exame.

Termos relacionados

• coma un carolo
• quedar para cocer o carolo

Traducións

• Portugués: carolo ^(pt)

Portugués

Substantivo masculino

carolo

1. Carolo.