Tekohakuaa

Tekohakuaa oipyguarapaite tekove rehegua, umi tymbachu'i michĩmi guive mba'e guasu peve ojejuhúva oparupi ñande Yvy ape ári. Tekove niko opaichagua ha oñemohenda tekohakuérape, umíva ojehero tekorãndy, oikojoahápe ha omba'apojoahápe mba'e hekove'ỹva ha mba'e hekovéva.

Tekohakuaa ha'e tekovekuaaty pehẽngue oipyguaráva mba'éichapa umi oikovéva ojokuaa ha oiko oñondive, mba'éichapa oiko hekohápe ha oipuru hekoha mba'ekuéra.^[1] Ohesa'ỹijo mba'épa oiko oikojoárõ tekovekuéra, ka'avo ha mymba opaichagua peteĩ tekohápe. Pe tekohápe oĩ umi mba'e hekove'ỹva, techapyrãme ararova térã yvy (yvyrekokuaa oipyguaráva), ha umi mba'e hekovéva oikojoáva upépe.

Ojehero tekorãndy oikojoávo ha omba'apojoávo mba'e hekove'ỹva ha mba'e hekovéva. Tekohakuaa rupive ikatu jaikuaa mba'éichapa ñande rekoha, upévare umi oikuaasevéva Yvy ñembyaku, tekoha jepuru vai térã jepuru porã oñemoarandu va'erã tekohakuaápe.^[2]^[3]

Ymaite guive yvypóra oñeha'ãmba oikuaavévo hekohágui, hákatu tekohakuaa heñói peteĩ tembikuaaty tee ramo omboypykuévo ko tembiapo pe tekovekuaatyhára Ernest Haeckel, Alemáña megua, ary 1866 jave.

Mandu'apy

↑ Margalef, Ramón. (1974). Ecología. Omega. p. 2. ISBN 84-282-0405-5. OCLC 3605595. https://www.worldcat.org/oclc/3605595. Consultado el 2021-06-06.
↑ Aguirre, A.A.. „Biodiversity and Human Health“. EcoHealth, 6, 153–156 (2009). DOI:10.1007/s10393-009-0242-0.
↑ Omerod S.J. Pienkowski M.W. & Watkinson A.R. 1999. Communicating the value of ecology. Journal of Applied Ecology 36, 847–855

[1] Margalef, Ramón. (1974). Ecología. Omega. p. 2. ISBN 84-282-0405-5. OCLC 3605595. https://www.worldcat.org/oclc/3605595. Consultado el 2021-06-06.

[Aguirre09-2] Aguirre, A.A.. „Biodiversity and Human Health“. EcoHealth, 6, 153–156 (2009). DOI:10.1007/s10393-009-0242-0.

[3] Omerod S.J. Pienkowski M.W. & Watkinson A.R. 1999. Communicating the value of ecology. Journal of Applied Ecology 36, 847–855

[1]

[2]

[3]