Kapileshwar
| |
Romi
|
Kopilexvor hem xonkor devachem namv. Taka ixvor oxem-i mhonnttat. Tachem protik ling axil'lean taka lingrupan pujtat.Taka kopilexvor hem namv koxem poddlem hemvixi oxi khobor melltta. Koullem ani fonddem hanche mojgotim sodhea axil'li. Tatunt ek paxanni xivling axil'lem ani tache bhomvtonni sundor dhovim komllam fultalim. Ekdam kopil namvacho ek raza thoim paulo. Xivbhkt axil'lo; taka dislem, te promann nnem tem paxanni limog kaddun, devull bandun tatunt tem sthapon korchem. Te promann tannem tem vhoddlem' tollem puroun tacher devull bandlem' ani tunt ling sthapon kelem. Taka nnem kopilexvor namv dourolem. Khorem mhollear koullem gamvcho ho ek bhag, punn tea vaddeak sodhea kopilexvori mhonnttat. Kopilexvor namv koxe poddlem, hachevixim anik ek mot asa. Koullem hea gamvank kopilgram' oxem vegllem namv asa. Koullem (kopilagram') gamv jea kallam' mull vosnnukek ailo teach kallant hi vosnnuk kel'lea lokamni aplo gramdevo sthapon kel'lo zaunk zai ani tea gramdevak kopilexvor namv dilem asunk zai.
Kopilexvor hea vattharant portugez i.So. 1510 vorsa aile. 1348 vorsa adim saun,kopilexvor devo hech suvater axil'lo oso puravo eka tambeaptteavorovim melltta. Hea devak anik ponchixtt devo asat, chim namvam oxim-xri gonnpoti, xri bhogouti, xri betall, xri komlexvor,xri govind. Hanchi sthapnnuk vegvegllea svotomr deullamni kel'li asa.
Koullem ani fonddem hanchemozogotim ekechokodden kopilexvor namvachea devachem deull asa.Fonddeasaun koullem vochpachea rosteacher daveutten mukhel rosteache ubareporos dedd mi. Unch xri kopolexvor deusthanacho prakar asa. Prokarabhair ek lli asa. Prakarak rosteacheutten sundor fatranchem durig asa ani taka vhoddle komani rund provexodar asa. Hea darabhitor sortokoch ujvevatten vistirnn oxem xri provexodar asa. Hea darabhitor sortokoch ujveutten vistirnn oxem xri kopilexvor devachem unch devull asa. Deullant ho devo paxanni lingrupant asa. Sokallim tachi puza, obhixek zatkoch donporam tachi mokapuza korun, mohaaroti zauche poilim lingacher rupeachem kouch ghaltat.
Purvil'lea kallant jea lokamni koulle gamv vosnnukek haddlo, tamnni koullem gamsomstha sthapon korun kopilexvor gramdevachi thapnnuk keli. Dekhunuch koullem gramsomstheche ani kopilexvor deusthanache adhyosomsthapok ekuch asat.
Kopilexvor deullache ghottna nemaullint char vangddancho ul'lekh asa. Poilo vangodd ‘bharvdaz’gotracho tatunt ‘ddhoullokor’ upnamvache kullavi asat. Dusro vangodd ‘zonodgni’ ani ‘vots’ gotrancho. Tatunt kumar deskor upnamvache kullavi asat. Tisro vangodd ‘kouxik’ hea upnamvache kullavi asat. Poile tin vangodd podhye brahmonn asun chouthea vangddache kullavi goudd sarsvot brahmonn asat. Xri kopilexvor devacho mukhel vorsuki zatra utsou kartik vodhy choturdoxi disa suru zata ani so dis cholta. Protyokxant hi zatra margoxirx xukl tritiye meren asta. Punn he zatrecho mukhel dis mhollear kartik umas.