ફિરોઝશાહ મહેતા

સર ફિરોઝશાહ મહેતા
જન્મની વિગત	ફિરોઝશાહ મેરવાનજી મહેતા (1845-08-04)4 August 1845 બોમ્બે
મૃત્યુ	5 November 1915(1915-11-05) (ઉંમર 70) મુંબઈ, મુંબઈ પ્રાંત, બ્રિટીશ ભારત
નાગરિકતા	બ્રિટીશ રાજ
શિક્ષણ સંસ્થા	મુંબઈ વિશ્વવિદ્યાલય
વ્યવસાય	વકીલ, રાજકારણી
પ્રખ્યાત કાર્ય	ભારતીય રાષ્ટ્રીય કોંગ્રેસ ના સહ-સ્થાપક અને પ્રમુખ
રાજકીય પક્ષ	ભારતીય રાષ્ટ્રીય કોંગ્રેસ

ફિરોઝશાહ મહેતા (૪ ઓગસ્ટ ૧૮૪૫ - ૫ નવેમ્બર ૧૯૧૫) ભારતના પારસી રાજકારણી અને વકીલ હતા. તેમને કાયદાની સેવાઓ માટે બ્રિટિશ સરકાર તરફથી સર નો ખિતાબ મળ્યો હતો.

જીવન

તેમનો જન્મ ૪ ઓગસ્ટ ૧૮૪૫ ના દિવસે મુંબઈમાં પારસી કુટુંબમાં થયો હતો. એમણે મુંબઇમાં જ બી.એ. અને એમ.એ. સુધીનો અભ્યાસ કર્યો હતો. એ પછી બેરીસ્ટરના અભ્યાસ માટે લંડન ગયા હતા. લંડનમાં એમના પ્રયત્નોથી લંડન લીટરરી સોસાયટીની સ્થાપના થઇ. લંડનના અભ્યાસ દરમ્યાન એમણે હિન્દુસ્તાનની શીક્ષણવ્યવસ્થા નામે મહાનિબંધ લખ્યો. ૧૮૬૯ના વર્ષમાં તેઓ ભારત પરત આવ્યા અને વકીલાતનો વ્યવસાય શરૂ કર્યો. ૧૮૮૪ થી ૧૮૮૮ દરમ્યાન એમણે મુંબઇ સુધરાઇના પ્રમુખ તરીકે સેવાઓ આપી હતી. તેઓ ભારતીય રાષ્ટ્રીય કોંગ્રેસના સ્થાપકોમાંના એક હતા. ૧૮૮૯માં તેઓ મુંબઈમાં કોંગ્રેસના પાંચમાં સત્રની એક સમિતિના પ્રમુખ રહ્યા હતા અને તેના પછીના કલકત્તા સત્રના પ્રમુખ તરીકે નિમણૂક પામ્યા હતા.