Nuuk

Nuuk
—  Caayr  —
Slyst Nuusuaq ayns Nuuk as y slieau Sermitsiaq 'sy chooylrey Slyst Nuusuaq ayns Nuuk as y slieau Sermitsiaq 'sy chooylrey
Brattagh
Nuuk Soiaghey Nuuk ayns Greenlynn
Co-ordnaidyn: 64°10′30″N 51°44′20″W
Çheer	Greenlynn
Baljaght	Sermersooq
Bunneeaght
- 29 Luanistyn 1728	Bunnit
- 1728	Co-chorpit
Reiltys
- Meoir	Asii Chemnitz Narup
Eaghtyr
- Caayr	686.3 km² (265 mi ker)
Earroo yn phobble (2010)
- Caayr	15,487
- Glooaght y phobble	22.6/km² (58.5/mi ker)
- Moirvaljagh	18,039
Cryss hraa	WGS (UTC-3)
- Sourey (TTSL)	WGD (UTC-2)
Coad postagh	3900
Ynnyd-eggey	www.nuuk.gl

Ta Nuuk (Danvargish: Godthåb) ny phreeu-valley as ny valley smoo ayns Greenlynn, as soiaghey reiltys ny baljaght Sermersooq. Ec toshiaght ny bleeaney 2007 va 15,047 cummaltee 'sy valley as 11,862 jeu nyn gummaltee Greenlynnagh. Rere ny staydraa shen, t'eh nane jeh ny preeu-valjyn sloo er y theihll.

Shennaghys

Ta shennaghys foddey dy chummaltys eigsoylagh: v'ad ny Shenn-Eskimee, as yn ennym Saqqaq currit orroo, ny kied chummaltee mygeayrt ny bleeaney 2000 RC. Haink ny Loghlynee 'sy 10-oo eash, as giare ny yei haink ny h-Inuitee. Va cummal er ny Loghlynee as ny h-Inuitee, gyn mooarane eddyr-obbraghey eddyr oc, 'sy voayl shen eddyr ny bleeantyn 1000 BNJ derrey 1500 BNJ, nar haghyr jerrey doaltattym lesh cummaltys deiney, as eh rere caghlaa speyr as glasseraght.

Va'n balley bunnit 'sy vlein 1728 liorish y sushtallagh Norlynnagh, Hans Egede, as va'n ennym Godthåb (Doghys Mie). Agh va Egede er çheet gys ynnyd, as yn ennym Rheynn y Doghys Vie currit er echey, va faggys da sleih Inuitagh v'ayn hannah ayns Kangeq. Ec y traa shen va Greenlynn ny coloin Norlynnagh fo reirey ny Crooin Danvargagh-Norlynnagh, agh cha row coventyn eddyr ee as Norlynn er feie daa eash. 'Sy vlein 1979 va'n balley aaenmyssit gys Nuuk liorish reiltys hene-reiltagh Ghreenlynn. Chammah as Greenlynn hene, ta Danvargee as Greenlynnee nyn gummaltee 'sy valley.

Çheeroaylleeaght

Ta Nuuk ny lhie ec 64°10′N 51°45′W., ec beeal ny keyllys sailley Nuup Kangerlua (Danvargish: Godthåbsfjorden), mygeayrt 10km veih traie Cheyllys Davis er coose heear yiass Ghreenlynn, as mygeayrt 240 km (150 mi) çheu yiass veih Cryss yn Arctagh.

Ynsagh

Ta Ollooscoill Ghreenlynn (Ilisimatusarfik) ny lhie ayns Nuuk. Ta undinyssyn ynsee elley 'sy valley, lheid as:

• Colleish Çhaghnoil Nuuk
• Scoill Earisheraght Ghreenlynn
• Y Cholleish Ynsee

Sleih ard-ghooagh

• Agnethe Davidsen, y chied shirveishagh reiltys ayns Greenlynn.
• Jesper Grønkjær, bluckaneyr keirdey

Shuyr-valjyn

• Cuxhaven, Y Ghermaan
• Aalborg, Y Danvarg
• Vantaa, Finnlynn
• Tiverton, Ny Steatyn Unnaneysit

Spoyrt

• Godthåbhallen - staid vluckan laue Nuuk

Fotografyn

Fotograf lane reayrtagh er Nuuk jeant ayns Jerrey Fouyir ny bleeaney 2006

• 
  Reayrt aeragh er Nuuk
• 
  Sermitsiaq
• 
  Jalloo hoit da Hans Egede
• 
  Nuuk Godthåbhallen

Jeeagh er neesht

• Kalaallit Nunaata Radioa