Mateusz Morawiecki
Mateusz Jakub Morawiecki (* 20. junija 1968 we Wrócławju) je pólski manager a politikar strony Prawo i Sprawiedliwość (PiS), kiž bě wot 11. decembra 2017 hač do 11. decembra 2023 jako naslědnik Beaty Szydło z ministerskim prezidentom Pólskeje. Do toho bě zastupowacy ministerski prezident kaž tež hospodarski a finančny minister w kabineće swojeje předchadnicy.
Morawiecki je syn antikomunistiskeho disidenta Kornela Morawieckeho a angažowaše so w młodych lětach a jako student při Wrócławskej uniwersiće tohorunja za opoziciju w Ludowej republice Pólskej. 1992 dokónči swój studij stawiznow z magistrom. Po dalšim studiju dósta w lěće 1995 diplom Wrócławskeje hospodarskeje akademije. Wot 2007 do 2015 bě předsyda třećeje najwjetšeje banki Pólskeje, Bank Zachodni WBK.
Wot 16. nowembra 2015 bě hospodarski minister w kabineće Beaty Szydło, wot 28. septembra 2016 zdobom finančny minister. Hakle w tutym lěće přistupi stronje PiS.
Wotkaz
[wobdźěłać | žórłowy tekst wobdźěłać]
Commons: Mateusz Morawiecki – Zběrka wobrazow, widejow a awdiodatajow
Tadeusz Mazowiecki (1989–91) | Jan Bielecki (1991) | Jan Olszewski (1991/92) | Waldemar Pawlak (1992) | Hanna Suchocka (1992/93) | Waldemar Pawlak (1993–95) | Józef Oleksy (1995/96) | Włodzimierz Cimoszewicz (1996/97) | Jerzy Buzek (1997–2001) | Leszek Miller (2001–04) | Marek Belka (2004/05) | Kazimierz Marcinkiewicz (2005/06) | Jarosław Kaczyński (2006/07) | Donald Tusk (2007–14) | Ewa Kopacz (2014/15) | Beata Szydło (2015–17) | Mateusz Morawiecki (2017–23) | Donald Tusk (2023– )