Բենիամին Օվչյան

Բենիամին Օվչյան
Ծնվել է	նոյեմբերի 28, 1918(1918-11-28)
Ծննդավայր	Ախլաթյան, Հայաստանի առաջին հանրապետություն
Մահացել է	օգոստոսի 25, 2005(2005-08-25) (86 տարեկան)
Մահվան վայր	Ստեփանակերտ
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	դերասան
Աշխատավայր	Բաքվի պետական հայկական թատրոն և Ստեփանակերտի հայկական դրամատիկական թատրոն
Պարգևներ և մրցանակներ	և

Բենիամին Հովհաննեսի Օվչյան (1918, նոյեմբերի 28, Ախլաթյան, Հայաստանի առաջին հանրապետություն - 2005, օգոստոսի 25, Ստեփանակերտ), հայ խորհրդային դերասան։ Ադրբեջանական ԽՍՀ (1972), ԼՂՀ (2000) ժողովրդական արտիստ։

Կենսագրություն

Բենիամին Օվչյանը ծնվել է Սիսիանի շրջանի Ախլաթյան գյուղում։ Սովորել է տեղի դպրոցում, այնուհետև տեղափոխվել Բաքու և ուսումը շարունակել թիվ 44 հայկական դպրոցում։ Մասնակցել է Լևոն Երամյանի և Ալ. Հովհաննիսյանի ղեկավարած թատերական խմբակի աշխատանքներին և, նրանց խորհրդով, դպրոցն ավարտելուց հետո, ընդունվել Բաքվի Ախունդովի անվան թատերական ուսումնարան, որն ավարտել է 1939 թվականին։

Մասնակցել է Հայրենական մեծ պատերազմին։ 1946 թվականին վերադարձել է Բաքվի թատրոն, 1947 թվականին տեղափոխվել Ստեփանակերտի պետական դրամատիկական թատրոն։

Դերեր

Օվչյանի դերացանկն ընդգրկել է 170-ից ավելի կերպավորումներ։

Ներկայացումներ

• Միքայել՝ Ալեքսանդր Շիրվանզադեի «Քաոս»
• Նեզնամով՝ Ալեքսանդր Օստրովսկու «Անմեղ մեղավորներ»
• Վաչագան՝ Ղազարոս Աղայանի «Անահիտ»
• Վիկտոր՝ Ա. Արբուզովի «Իրկուտսկյան պատմություն»
• Միլլեր՝ Շիլլերի «Սեր և խարդավանք»
• Պըլը-Պուղի՝ Գ. Ֆիգերեյդոյի «Եզոպոս»
• Լալազար՝ Ժորա Հարությունյանի «Գլխի գինն է հիսուն միլիոն»
• Լայթաձե՝ Կ.Բուաչիձեի «Բակում կատաղի շուն կա»
• Իպոլիտ՝ Է. Բրագինսկու «Բաղնիքդ անուշ»
• Իշխան Փանդիաշվիլի՝ Ա.Ցագարելիի «Խանումի արարքները»
• Սուլեյման բեկ՝ Գ. Թավրիզյանի «Մելիքի աղջիկը»
• Համտուն իշխան՝ Մուրացանի «Ռուզան»
• Լեոնտես արքա՝ Վիլյամ Շեքսպիրի «Ձմեռային հեքիաթ»

Ֆիլմեր

• «Կամոյի վերջին սխրանքը», 1973
• «Մենավոր ընկուզենի», 1986

Պարգևներ, մրցանակներ

• Ադրբեջանի ժողովրդական արտիստ, 1973
• ԼՂՀ ժողովրդական արտիստ, 2000
• «Վաչագան Բարեպաշտ» մեդալ, 2001

Գրականություն

• Ալավերդյան Ի., Բենիկ Օվչյան, Երևան, 1989։

Արտաքին հղումներ

• Բենիամին Օվչյան Արխիվացված 2022-04-19 Wayback Machine

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 576)։