Jump to content

Լոս Անջելես Էնջելս

Վիքիպեդիայից՝ ազատ հանրագիտարանից
Լոս Անջելես Էնջելս
Изображение логотипа
Հիմնադրում1960
Տան դաշտAngel Stadium of Anaheim?
ԼիգաԲեյսբոլի բարձրագույն լիգա
Գլխ. մարզիչRon Washington?[1]
Անվանված էԼոս Անջելես
Կայքlosangeles.angels.mlb.com​(անգլ.)

Լոս Անջելես Էնջելս (անգլ.՝ Los Angeles Angels), բեյսբոլի ամերիկյան ակումբ, hանդես է գալիս Բեյսբոլի Բարձրագույն Լիգայի (MLB) Ամերիկյան Լիգայի Արևմտյան դիվիզիոնում։ Էնջելսը առաջին թիմն է, որը հիմնադրվել է Կալիֆոռնիա նահանգում. Օքլենդը հիմնադրվել է Ֆիլադելֆիա նահանգում, Դոդջերսը՝ Բրուքլինում, Ջայենթսը՝ Մանհեթենում։ 1966 թվականից սկսած թիմը իր տնային խաղերն անցկացնում է Անահայմ քաղաքի «Angel Stadium» մարզադաշտում։

Բեյսբոլի Բարձրագույն Լիգայում թիմը սկսել է հանդես գալ սկսած 1961 թվականից «Լոս Անջելես Էնջելս» անունով։ Մինչև 1966 թվականը թիմն իր խաղերն անցկացրել է Լոս Անջելեսում։ Տեղափոխության հետևանքով թիմը փոխում է նաև իր անունը և 1965 թվականից մինչև 1996 թվականը հանդես գալիս «Կալիֆոռնիա Էնջելս» անունով։ 1997 թվականից մինչև 2004 թվականը թիմը հանդես է եկել «Անահայմ Էնջելս» անունով։ 2005 թվականին թիմի անվանմանը ավելացվում է նաև Լոս Անջելես, սակայն ըստ պայմանավորվածության քաղաքի անունը ևս մնում է մինչև 2015 թվականը։ 2016 թվականից սկսած թիմը սկսել է հանդես գալ «Լոս Անջելես Էնջելս» անունով։

2002 թվականին Էնջելսը կարողացել է հաղթել Համաշխարհային Սերիայում։

Պատմություն

[խմբագրել | խմբագրել կոդը]

Բեյսբոլի Բարձրագույն Լիգայում թիմը սկսել է հանդես գալ սկսած 1961 թվականից «Լոս Անջելես Էնջելս» անունով. իրավունքը գնվել է Ջին Օտրիի կողմից «Լոս Անջելես Դոդջերս» ակումբի նախկին սեփականատեր Ուոլթեր Օ'Մալլիից, ով ձեռք էր բերել «Չիկագո Քաբս» ակումբի սեփականտեր Ֆիլ Ռիգլիից։ «Under the Halo: The Official History of Angels Baseball» գրքից կարելի է իմանալ, որ Օտրին համաձայնել է գնել 350.000 դոլարով[2]։

Էնջելսը իր խաղերը սկսել է անցկացնել Լոս Անջելեսի «Wrigley Field» մարզադաշտում (նույն անվանումով մարզադաշտ կա նաև Չիկագոյում)։ 1962 թվականից մինչև 1965 թվականը Էնջելսը իր խաղերը սկսում է անցկացնել նոր կառուցված «Dodger Stadium» մարզադաշտում, որը վարձակալել էր «Լոս Անջելես Դոդջերս» ակումբից։

Angel Stadium մարզադաշտ, 1991 թ.

Էնջելսը իր պատմության մեջ մի քանի անգամ փոփոխել է թիմի անվանումը. առաջին փոփոխությունը եղել է 1965 թվականի սեպտեմբերի 2-ին՝ մրցաշրջանի ավարտից 1 ամիս առաջ, երբ թիմը պատրաստվում էր նոր մրցաշրջանն անցկացնել նոր կառուցվող՝ Անահայմ քաղաքի «Angel Stadium» մարզադաշտում և սկսեց հանդես գալ «Կալիֆոռնիա Էնջելս» անունով[3]։ 1997 թվականին, երբ Ուոլթ Դիսնեյ ընկերությունը թիմը վերցրեց իր վերահսկողության տակ, սկսեց վերանորոգել մարզադաշտը։ Անահայմը տրամադրեց 30 միլիոն դոլար մարզադաշտի վերանորոգման համար այն պայմանավորվածությամբ, որ թիմը իր անվանման մեջ կունենա նաև քաղաքի անունը[4]։ Դիսնեյ ընկերության և Մայք Սոշայի ղեկավարությամբ թիմը հնարավորություն է ունենում 2002 թվականին խաղալ Համաշխարհային Սերիայում և կարողանում է հաղթել։

2005 թվականին թիմի նոր սեփականատեր Արթուրո Մորենոն թիմի անվանմանը ավելացնում է «Լոս Անջելես», սակայն ըստ պայմանավորվածության պահպանում է նաև Անահայմ քաղաքի անունը։ Երկրպագուները, քաղաքային իշխանությունները դեմ էին այս փոփոխությանը, և սկսվում է դատական գործընթաց, սակայն դատարանը հակված էր ընդունելու փոփոխությունը, և 2009 թվականին քաղաքային իշխանությունները հրաժարվում են ներկայացրած հայցից։ 2013 թվականին թիմը պաշտոնապես ծրագրում է թիմի անվանումից հեռացնել Անահայմ քաղաքի անունը և վերականգնել առաջին անվանումը՝ «Լոս Անջելես Էնջելս»[5][6][7][8][9][10][11][12]։

2019 թվականի դեկտեմբերի 20-ին Անահայմը կողմ է քվեարկում մարզադաշտը և դրա շուրջ եղած տարածքը 325 միլիոն դոլարով Արտե Մորենոյին վաճառելու օգտին[13]։

Հանդիսականների հաճախումները

[խմբագրել | խմբագրել կոդը]

2003 թվականից սկսած Էնջելսը ունեցել է 3 միլիոնից ավելի հանդիսական իր մարզադաշտում։ 2010, 2011, 2012 և 2013 թվականներին թիմը, չնայած այն հանգամանքին, որ այս 4 տարիներին չի խաղացել փլեյ օֆֆ փուլում, ունեցել է միջինը 40 հազար հանդիսական յուրաքանաչյուր խաղի համար[14]։ Սա Բարձրագույն Լիգայի երկրորդ ցուցանիշն է, որով թիմը զիջում է միայն Նյու Յորք Յանկիսին։ 2019 թվականին Էնջելսը հաճախումների թվով հինգերորդն էր ընդհանուր թվում ունենալով 3,019,012 հանդիսական[15]։

Հանդիսականների թիվը Angel Stadium մարզադաշտում[16]
Տարի Ընդհանուր Միջին Լիգայի վարկանիշ
2002 2,305,565 28,463 16-րդ
2003 3,061,094 37,791 5-րդ
2004 3,375,677 41,675 3-րդ
2005 3,404,686 42,033 4-րդ
2006 3,406,790 42,059 5-րդ
2007 3,365,632 41,551 5-րդ
2008 3,336,744 41,194 6-րդ
2009 3,240,374 40,004 5-րդ
2010 3,250,816 40,133 5-րդ
2011 3,166,321 39,090 5-րդ
2012 3,061,770 37,799 7-րդ
2013 3,019,505 37,277 7-րդ
2014 3,095,935 38,221 5-րդ
2015 3,012,765 37,194 5-րդ
2016 3,016,142 37,236 7-րդ
2017 3,019,583 37,278 7-րդ
2018 3,020,216 37,286 6-րդ
2019 3,023,010 37,321 5-րդ
2020 առ. հանդ. N/A N/A
2021 1,512,033 18,667 16-րդ

Լոգոն և գույները

[խմբագրել | խմբագրել կոդը]
Էնջելսի ներկայիս լոգոն

Լոս Անջելես Էնջելսը իր պատմության ընթացքում օգտագործել է 10 տարբեր լոգոներ և 3 տարբեր գունային կոմբինացիաներ։ Թիմի առաջին 2 լոգոները պատկերում էին բեյսբոլային գնդակ, որը ուներ թևեր. գնդակի վերևում կար ոսկեգույն լուսային շրջան, իսկ գնդակի կենտրոնում "L" և "A" տառերն էին ոճային տարբեր ձևավորումներով։ Թիմի հիմնական գույները կապույտը և կարմիրն էին։

Կալիֆոռնիա Էնջելսի լոգոն, 1990-ական թվականներ

1965 թվականի սեպտեմբերի 2-ին թիմը փոխում է իր անվանումը և սկսում է հանդես գալ «Կալիֆոռնիա Էնջելս» անվանումով։ 1966 թվականին Անահայմ տեղափոխությունից հետո թիմը փոփոխում է նաև իր լոգոն։ 31 տարիների ընթացքում, երբ թիմը հանդես էր գալիս «Կալիֆոռնիա Էնջելս» անվանումով, թիմը պահպանում է իր հիմնական գույները, սակայն փոփոխության է ենթարկում իր լոգոն 6 անգամ. առաջին լոգոն շատ նման էր նախորդ "LA" տառերն ունեցող լոգոյին այն տարբերությամբ, որ այս դեպքում տառերը հետևյալն էին. "CA": 1971-1985 թվականներին թիմի լոգոն ուներ հետևյալ տեսքը. Կալիֆոռնիա նահանգի ուրվագծի վրա գրված էր "Angels": 1971-1972 թվականներին "A" տառը փոքրատառ էր, իսկ 1973-1985 թվականներին այն դարձավ մեծատառ։

1965 թվականին մարզադաշտի ձախ կենտրոնական հատվածում տեղադրվեց "the Big A" անվանումն ունեցող "A" մետաղյա մեծ նշանը ("the Big A"), որը հետագայում տեղափոխվեց մարզադաշտի ավտոկայանատեղիի հատված։

Angel Stadium of Anaheim

1986 թվականին Էնջելսի լոգոն ուներ հետևյալ տեսքը. բեյսբոլի գնդակի կենտրոնում "A" տառն էր, որի ետևում նկատելի էր Կալիֆոռնիա նահանգի ուրվագիծը։ 1992 թվականին թիմը վերադարձ է կատարում "CA" տառերին որոշ ոճային տարբերություններով, որը պահպանվում է մինչև 1996 թվականը։

1997 թվականին թիմը փոխում է իր անվանումը՝ դառնալով «Անահայմ Էնջելս», իսկ լոգոյի վրա գրված էր "ANGELS", որի առաջին՝ "A" տառը ուներ թևեր։ Այս փոփոխության հետ միասին նկատելի էր նաև բաց կապույտ գույնի օգտագործումը։ 1997-2001 թվականներից հետո Դիսնեյը վերադարձ է կատարում "A" տառն ունեցող լոգոյին, որի վերևում նկատելի էր արծաթագույն լուսային շրջանը և այն հենված էր մուգ կապույտ ադամանդի վրա, իսկ թիմի հիմնական գույներն էին մուգ կապույտը և կարմիրը. գերակշռում էր կարմիրը, մուգ կապույտի հետ միասին նկատելի էր նաև սպիտակը։

2011 թվականի մրցաշրջանի համար, որը նաև 50-րդ տարին էր թիմի համար, լոգոյի "A" տառի վերում եղած արծաթագույն լուսային շրջանի գույնը փոփոխվեց և վերադարձ կատարվեց նախկին ոսկեգույնին։

Այս մրցաշրջանի ընթացքում՝ 50 տարվա կապակցությամբ, թիմը խաղային յուրաքանչյուր ուրբաթ օր կրում էր նախկին մարզահագուստը, նկատելի էին նաև նախկինում եղած լոգոները։

Ռադիո և հեռուստատեսություն

[խմբագրել | խմբագրել կոդը]

2019 թվականի դրությամբ Էնջելսի առաջատար ռադիոկայանը KLAA 830AM-ն է, որը պատկանում է թիմին[17]։ Այն փոխարինում է KSPN (710 ESPN)-ին, որով հեռարձակվել են Էնջելսի շատ խաղեր սկսած 1961 թվականից. այս և հետո նաև KMPC ռադիոկայանով հեռարձակվել են թիմի խաղերը 1961 թվականից մինչև 1996 թվականը։ 1997 և 1998 թվականներին թիմի առաջատար ռադիոկայանն էր KRLA (1110AM)-ն, որը 1999 թվականին 4 մրցաշրջանով՝ ներառյալ 2002 թվականի Համաշխարհային Սերիայի խաղերը, փոխարինվեց KLAC-ով։

2009 թվականի նոյեմբերին Էնջելսը հայտարարեց այն մասին, որ թիմի հեռուստատեսային խաղերը կմեկնաբանեն Ռորի Մարկասը և Մարկ Գուբիցան, իսկ ռադիոյով խաղերը կմեկնաբանեն Թերրի Սմիթը և Խոսե Մոտան[18]։ Այդ նույն ժամանակ հայտարարվեց նաև այն մասին, որ Սթիվ Ֆիզիոկը և Ռեքս Հադլերը չեն լինի մեկնաբանների թիմում։ 2010 թվականի հունվարին Ռորի Մարկասի մահվանից հետո պետք էր փոխարինող գտնել նրան։ 2010 թվականի մարտի 3-ին հայտարարվեց, որ Մարկասին կփոխարինի Վիկտոր Ռոխասը[19]։

2021 թվականի հունվարին Ռոխասը հայտարարում է, որ հեռանում է հեռարձակման տաղավարից։ 2021 թվականի մարտի 11-ին հայտարարվում է, որ նոր մեկնաբանն է լինելու Մեթթ Վասգերսիանը Մարկ Գուբիցայի և Խոսե Մոտայի հետ միասին։ Որպես խաղերի պահեստային մեկնաբան նշվում էր Դարոն Սաթթոնի անունը, ով Դոդջերսի նախկին խաղացող Դոն Սաթթոնի որդին էր. նրա ձայնը լսելի էր այն ժամանակ, երբ Վասգերսիանը այլ հանձնարարություններ էր ունենում MLB Network և ESPN ալիքներում[20]։ 2021 թվականի մրցաշրջանից 3 ամիս անց Սաթթոնը հեռանում է Էնջելսից, և նրան փոխարինելու է գալիս Մայամի Մարլինսի նախկին մեկնաբան Ռիչ Ուոլթսը[21]։

2009 թվականին KFWB 980AM-ը սկսեց հեռարձակել շաբաթական 110 խաղեր ներառյալ հետմրցաշրջանային խաղերը, որպեսզի կարողանա ավելի շատ ունկնդիրներ հավաքել Լոս Անջելեսում և հյուսիսային այլ շրջաններում։

2010 թվականին KSPN 710AM-ը հեռարձակում էր շաբաթական 60 խաղից ոչ պակաս. 2007 թվականից սկսած սա մասնակի վերադարձ էր թիմի նախկին ռադիոկայանին[22]։

Էնջելսի խաղերը հեռարձակվում էին նաև իսպաներենով՝ KWKW 1330AM և KWKU 1220AM ռադիոկայաններով։

Չտրվող խաղահամարներ

[խմբագրել | խմբագրել կոդը]
Թիմի հիմնադիր և սեփականատեր Ջին Օտրին (1960–1998)
  • No. 11 - առանձնացվել է Ջիմ Ֆրեգոսիի համար
  • No. 26 - առանձնացվել է Ջին Օտրիի համար, ցույց տալու համար, որ նա եղել է թիմի 26-րդ խաղացողը ("26th Man", այդ ժամանակ Բարձրագույն Լիգայում հանդես եկող թիմերի առավելագույն խաղացողները 25-ն էին, բացառությամբ սեպտեմբեր ամսի)
  • No. 29 - առանձնացվել է Ռոդ Քարյուի համար
  • No. 42 - առանձնացվել է Ջեքի Ռոբինսոնի համար Բեյսբոլի Բարձրագույն Լիգայի կողմից
  • No. 50 - առանձնացվել է Ջիմմի Ռիզի համար

Շրջանառությունից դուրս խաղահամարներ

[խմբագրել | խմբագրել կոդը]
  • No. 1 - հանվել է շրջանառությունից Բենջի Մոլինայի թոշակի անցնելուց հետո
  • No. 15 - հանվել է շրջանառությունից 2006 թվականի մրցաշրջանի ավարտից հետո Թիմ Սալմոնի թոշակի անցնելուց հետո
  • No. 45 - հանվել է շրջանառությունից 2019 թվականին Թայլեր Սկեգգսի մահվանից հետո

Էնջելսի Փառքի Սրահը

[խմբագրել | խմբագրել կոդը]
Ռոդ Քարյու
Նոլան Ռայան
Վլադիմիր Գերրերո

Էնջելսի Փառքի Սրահը հիմնադրվել է 1988 թվականին[23][24]։

Angels Hall of Fame
Տարի No. Անուն Դիրք Տարիներ
1988 4 Բոբբի Գրիչ 2B 1977–1986
1989 11 Ջիմ Ֆրեգոսի SS
Manager		 1961–1971
1978–1981
1990 12, 25 Դոն Բեյլոր DH/LF 1977–1982
1991 29 Ռոդ Քարյու 1B
Մարզիչ		 1979–1985
1992–1999
1992 30 Նոլան Ռայան P 1972–1979
1995 50 Ջիմմի Ռիզ Մարզիչ 1972–1994
2009 5, 9 Բրայան Դաունինգ DH/LF/C 1978–1990
31 Չակ Ֆինլի P 1986–1999
2011 26 Ջին Օտրի Սեփականատեր/Հիմնադիր 1961–1998
2012 2002 թվականի թիմ
2013 29 Բոբբի Նուպ 2B
Coach		 1964–1969
1979–1996, 2013–2018
2015 31 Դին Չենս P 1961–1966
15 Թիմ Սալմոն RF 1992–2006
39 Մայք Ուիթթ P 1981–1990
2016 16 Գարրեթ Անդերսոն LF 1994–2008
2017 27 Վլադիմիր Գերրերոdagger RF/DH 2004–2009

Կազմ

[խմբագրել | խմբագրել կոդը]
Լոս Անջելես Էնջելսի Կազմը
Խաղացողներ
Pitchers Catchers Infielders Outfielders
Քայլ Բերկլո Օստին Ռոմին Մեթթ Դաֆֆի Ջո Ադելլ
Ջեյմի Բարրիա Մաքս Ստասսի Դեյվիդ Ֆլետչեր Բրենդոն Մարշ
Ռիդ Դետմերս Կուրտ Սուզուկի Ջեք Մեյֆիլդ Մայքլ Թրոութ
Ջիմմի Հերգետ Մեթթ Թայսս Էնթոնի Ռենդոն Թեյլոր Ուորդ
Ռայսել Իգլեսիաս Չադ Ուոլլակ Լուիս Ռենգիֆո
Մայքլ Լորենսեն Խոսե Ռոխաս
Աարոն Լոուփ Էնդրյու Վելասկես
Արչի Բրեդլի Թայլեր Ուեյդ
Թի Բաթթրի Ջարեդ Ուոլշ
Գրիֆֆին Կաննինգ
Կուպեր Քրիսվելլ
Ջոնաթան Դիաս
Ջենսոն Ջանկ
Խոսե Մարտե
Մայք Մայերս
Օլիվեր Օրտեգա
Էլվիս Պեգերո
Խոսե Քիջադա
Քրիս Ռոդրիգես
Քեննի Ռոսենբերգ
Պատրիկ Սանդովալ
Չեյզ Սիլսեթ
Խոսե Սուարես
Նոա Սինդերգաարդ
Էնդրյու Ուոնթզ
Օստին Ուորրեն
Սյոհեյ Օտանի

Ծանոթագրություններ

[խմբագրել | խմբագրել կոդը]
  1. ↑ https://www.foxsports.com/stories/mlb/angels-hire-ron-washington-as-manager-replacing-phil-nevin
  2. ↑ Donovan, Pete (2012). Under the Halo: The Official History of Angels Baseball. San Rafael, California: INSIGHT EDITIONS. էջեր 35, 36. ISBN 978-1-60887-019-6.
  3. ↑ The Sporting News, The Complete Baseball Record Book (St. Louis: The Sporting News, 1994), 223. Also see the American League standings printed in the New York Times on September 4, 1965.
  4. ↑ Kasindorf, Martin (2006 թ․ հունվարի 30). «Angels' name prompts devil of a lawsuit». USA Today. Արխիվացված օրիգինալից 2012 թ․ հունիսի 29-ին. Վերցված է 2020 թ․ դեկտեմբերի 25-ին.
  5. ↑ Gonzalez, Alden (2013 թ․ օգոստոսի 31). «Report: After vote, Halos may drop 'of Anaheim'». MLB Advanced Media. Արխիվացված է օրիգինալից 2017 թ․ օգոստոսի 18-ին. Վերցված է 2018 թ․ մայիսի 27-ին.
  6. ↑ Benne, Jon (2013 թ․ սեպտեմբերի 4). «Angels dropping Anaheim from name». SB Nation. Արխիվացված օրիգինալից 2017 թ․ օգոստոսի 18-ին. Վերցված է 2017 թ․ մայիսի 30-ին.
  7. ↑ Schoch, Josh (2013 թ․ սեպտեմբերի 4). «Angels Will Finally Be Allowed to Drop Anaheim from Their Team Name». Bleacher Report (ամերիկյան անգլերեն). Արխիվացված օրիգինալից 2017 թ․ հունիսի 6-ին. Վերցված է 2017 թ․ հունիսի 1-ին.
  8. ↑ Shaikin, Bill (2013 թ․ օգոստոսի 30). «'Los Angeles Angels of Anaheim' could be no more». Los Angeles Times (ամերիկյան անգլերեն). ISSN 0458-3035. Արխիվացված օրիգինալից 2017 թ․ մայիսի 5-ին. Վերցված է 2020 թ․ դեկտեմբերի 25-ին.
  9. ↑ «Los Angeles Angels History». Angels.com. MLB Advanced Media. Արխիվացված օրիգինալից 2021 թ․ հունվարի 2-ին. Վերցված է 2020 թ․ մայիսի 18-ին.
  10. ↑ Marroquin, Art; Tully, Sarah (2015 թ․ հունվարի 7). «Los Angeles Angels of Anaheim: 10 years later, how big of a deal was the name change». Orange County Register. Արխիվացված օրիգինալից 2017 թ․ հունիսի 14-ին. Վերցված է 2017 թ․ հունիսի 18-ին. «In 2013, the City Council initially approved a memorandum of understanding that would allow the team to strip the "of Anaheim" from its name, as well as other financial arrangements. Follow-up negotiations, however, haven't happened – and the Angels have threatened to leave Anaheim.»
  11. ↑ Shaikin, Bill (2016 թ․ սեպտեմբերի 27). «Move into a new stadium? Renovate the old one? Angels could just play out their lease in Anaheim». Los Angeles Times (ամերիկյան անգլերեն). ISSN 0458-3035. Արխիվացված օրիգինալից 2017 թ․ հուլիսի 2-ին. Վերցված է 2020 թ․ դեկտեմբերի 25-ին.
  12. ↑ Moura, Pedro (2017 թ․ փետրվարի 18). «Angels to stay in Anaheim through at least 2029». Los Angeles Times (ամերիկյան անգլերեն). ISSN 0458-3035. Արխիվացված օրիգինալից մայիսի, 2017-ին. Վերցված է 2020 թ․ դեկտեմբերի 25-ին.
  13. ↑ Park, Jeong; Robinson, Alicia (2019 թ․ դեկտեմբերի 21). «Anaheim votes to sell Angel Stadium and the land around it for $325 million». Orange County Register (ամերիկյան անգլերեն). Արխիվացված օրիգինալից 2021 թ․ հունվարի 2-ին. Վերցված է 2020 թ․ դեկտեմբերի 25-ին.
  14. ↑ «Los Angeles Angels of Anaheim Attendance, Stadiums, and Park Factors». Baseball-Reference.com. 2009 թ․ հունվարի 1. Արխիվացված օրիգինալից 2015 թ․ մարտի 22-ին. Վերցված է 2015 թ․ մայիսի 14-ին.
  15. ↑ «2019 MLB Attendance – Major League Baseball – ESPN». Espn.go.com. Արխիվացված օրիգինալից 2015 թ․ հոկտեմբերի 16-ին. Վերցված է 2019 թ․ սեպտեմբերի 29-ին.
  16. ↑ «MLB Attendance - Major League Baseball - ESPN». ESPN.com.
  17. ↑ «AM830 Los Angeles LIVE – ESPN». ESPN. ESPN Internet Ventures. Արխիվացված օրիգինալից 2015 թ․ փետրվարի 17-ին. Վերցված է 2015 թ․ փետրվարի 17-ին.
  18. ↑ «Los Angeles Times – Sports news». Latimesblogs.latimes.com. 2009 թ․ նոյեմբերի 24. Արխիվացված օրիգինալից 2015 թ․ ապրիլի 2-ին. Վերցված է 2015 թ․ մայիսի 14-ին. «According to a statement from Fox Sports and sent, it says, on behalf of Fox Sports West and the Angels, Rex Hudler and Steve Physioc will no longer cover Angels games for the local sports network.»
  19. ↑ Pucin, Diane (2010 թ․ մարտի 3). «Victor Rojas named as new Angels play-by-play broadcaster». Los Angeles Times. Արխիվացված օրիգինալից 2010 թ․ մարտի 7-ին. Վերցված է 2010 թ․ մարտի 3-ին.
  20. ↑ Bollinger, Rhett. «Vasgersian to lead Angels' 3-man booth». MLB.Com (ամերիկյան անգլերեն). Վերցված է 2021 թ․ մարտի 11-ին.
  21. ↑ «Daron Sutton is out as Angels play by play broadcaster». Awful Announcing. 2021 թ․ հուլիսի 12. Վերցված է 2021 թ․ հուլիսի 13-ին.
  22. ↑ «Angels Return to 710 ESPN Radio». Sports.espn.go.com. 2010 թ․ մարտի 31. Արխիվացված օրիգինալից 2015 թ․ ապրիլի 2-ին. Վերցված է 2015 թ․ մայիսի 14-ին.
  23. ↑ «Angels Hall of Fame». MLB.com. Los Angeles Angels. Վերցված է 2021 թ․ հունիսի 19-ին.
  24. ↑ «Angels Hall of Fame | Researched by Baseball Almanac».

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Լոս_Անջելես_Էնջելս&oldid=9487129» էջից