Մետրոսեքսուալ

Նախկին ֆուտբոլիստ Դեյվիդ Բեքհեմը, ում Սիմփսոնն իր հոդվածներից մեկում անվանել էր «Բրիտանիայի մեծագույն մետրոսեքսուալ»

Մետրոսեքսուալ, տղամարդու՝ սեփական արտաքինի հանդեպ բարձր ուշադրության երևույթ, որի դեպքում տղամարդիկ մեծապես կարևորում են իրենց արտաքին տեսքը (ֆիզիկական տեսք, հագուստ, պարագաներ) և, համապատասխանաբար, շատ ժամանակ ու գումար են ծախսում իրենց արտաքին տեսքի և կենսակերպի բարելավման վրա։ 19-րդ դարում նմանատիպ մշակութային ֆենոմենը հայտնի է եղել որպես շքեղ, ճոխ և հմայիչ։

Համառոտ տեղեկատվություն

Մետրոսեքսուալները ոչնչով չեն զիջում կանանց արտաքին տեսքին խնամելիս, այցելում են գեղեցկության սրահներ և բծախնդրորեն հետևում նորաձևությանը։ «Մետրոսեքսուալ» տերմինը «մաչո» եզրույթի հակադրությունն է։ Ֆիլիսիստական միջավայրում մետրոսեքսուալները երբեմն սխալմամբ ասոցացվում են գեյերի հետ։

«Մետրոսեքսուալություն» եզրույթն ստեղծել է բրիտանացի լրագրող Մարջ Սիմփսոնը 1994 թվականին։ Բուն եզրույթից հետևում է, որ մետրոսեքսուալությունը տարածված է մեգապոլիսներում՝ մեծ քաղաքներում, որոնք հավակնում են աշխարհաքաղացիության։

• 2000-ական թվականներին երևույթը լայն տարածում է գտել Ասիայում։
• Չինաստանում նման տղամարդկանց անվանում են aimei nanren:
• Կորեայում նրանց անվանում են կկոտմինամ (բառացիորեն՝ ծաղիկների մարդ); Ճապոնիայում ստեղծվել է տղամարդկանց համար նախատեսված Dandy House գեղեցկության սրահների ցանցը (ավելի քան 59 սրահ), իսկ Տոկիոյի խոշոր առևտրի կենտրոնում մի ամբողջ հարկ հատկացվել է տղամարդկանց կոսմետիկայի համար։

Ավելի ուշ ի հայտ է եկել գաղափարապես հակառակ եզրույթը` «ռետրոսեքսուալը», որը կանանց հետ հարաբերությունների և տղամարդու հագնվելու վերաբերյալ պահպանողական հայացքներ ունեցող տղամարդ է, ինչպես նաև յուբերսեքսուալը, որը նրանց ոսկե միջինն է։