Մկրտիչ Այտընյան

Մկրտիչ Այտընյան
Ծնվել է	1841
Ծննդավայր	Կոստանդնուպոլիս
Մահացել է	անհայտ
Մասնագիտություն	դերասան

Մկրտիչ Այտընյան (1841, Կոստանդնուպոլիս, Օսմանյան կայսրություն - անհայտ - ՞), հայ կատակերգակ դերասան։

Ծնվել է Կ. Պոլիսում, որտեղ ստացել է տարրական կրթությունը, ապա սովորել Վենետիկի Մուրադ-Ռաֆայելյան վարժարանում (1851-1859)։ Ավարտելով կրթությունը, վերադարձել է Պոլիս, զբաղվել ուսուցչությամբ, միաժամանակ խանդավառվել թատրոնով։ 1861 թ. բարձրացել է բեմ, կատարել նախ երկրորդական, ապա արդեն կատակերգական լուրջ դերեր «Արևելյան թատրոնում», որի փակումից հետո խաղացել է Պոլսի տարբեր խմբերում։ 1881 թ. Ֆասուլաճյանի խմբի հետ մեկնել է Բրուսա, հանդես եկել Մոլիերի պիեսներում, որոնք այդ քաղաքում բեմադրվել են թուրքերեն։ Հետագայում թողնելով բեմը, մեկնել է Ֆրանսիա։