Ռուբեն Քոչար
 | |
|---|---|
.jpg) | |
| Ծնվել է | մարտի 26, 1953 (71 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական գեղարվեստա-թատերական ինստիտուտ (1978) |
| Քաղաքացիություն |  ԽՍՀՄ և  Հայաստան |
| Ազգություն | հայ |
| Մասնագիտացում | կինոռեժիսոր, սցենարիստ և ռեժիսոր |
| Պարգևներ | |
| IMDb | ID ID 2009032 |
Ռուբեն Երվանդի Քոչար (մարտի 26, 1953, Երևան, Հայկական ԽՍՀ, ԽՍՀՄ), հայ կինոռեժիսոր, սցենարիստ։ Հայաստանի Հանրապետության արվեստի վաստակավոր գործիչ (2017)[1]։
Կենսագրություն
[խմբագրել | խմբագրել կոդը]Ռուբեն Քոչարը ծնվել է 1953 թվականին Երևանում` ԽՍՀՄ ժողովրդական նկարիչ, քանդակագործ Երվանդ Քոչարի և գրականագետ Մանիկ Մկրտչյան-Քոչարի ընտանիքում։ Կինոռեժիսորի մասնագիտությունը ստացել է Երևանում, այնուհետև՝ Մոսկվայում. 1978 թվականին ավարտել է Երևանի գեղարվեստա-թատերական ինստիտուտի կինոռեժիսուրայի բաժինը, այնուհետև` Մոսկվայի Կինոյի և հեռուսատատեսության բարձրագույն դասընթացը։ Մասնագիտական գործունեությունը սկսել է 1975 թվականից, «Երևան» ստուդիայում։ 1983 թվականից Հայաստանի կինեմատոգրաֆիստների միության անդամ է։ 1993 թվականին Լոս Անջելեսում հիմնադրել է Հայկական Միջազգային Հեռուստատեսային Ցանցը (AITN) և այնտեղ հեռարձակվող ամենօրյա «Արփի» հեռուստաժամը։ 2003 թվականին հիմնել է «Երվանդ Քոչար» մշակութային հիմնադրամը, որի հիմնական նպատակն է հայ ժողովրդի մշակույթի պահպանումը, զարգացումը և տարածումն աշխարհի տարբեր երկրներում[2][3]։
Մի շարք միջազգային կինոփառատոնների մրցանակակիր և պետական մրցանակների դափնեկիր է։ Զբաղվում է նաև գեղանկարչությամբ, մասնակցել է բազմաթիվ ցուցահանդեսների տարբեր երկրներում։ Բնակվում է Լոս Անջելեսում։
Ֆիլմեր
[խմբագրել | խմբագրել կոդը]Նկարահանել է բազմաթիվ գեղարվեստական, վավերագրական, երաժշտական ֆիլմեր, նաև՝ ֆիլմ-բալետներ։ Գեղարվեստական ֆիլմերից հայտնի են՝
- «Ավետիք», 1988
- «Հերոստրատ», 2001[4]
- Արահետ, 2005
- «Մետամորֆոզ» 2008
- «Շղթա», 2009
- «Բանալի», 2010
- «Անունս Վիոլա է», 2013[5]
Վավերագրական գործերից են՝
- «Երվանդ Քոչար», 1992
- «Քոչարի տարածական նկարչությունը», 2012
Երաժշտական ֆիլմերից՝
- «Կվարտետ», 1985
- «Տուր ինձ թևեր», 1986
Ֆիլմ-բալետներից՝
- «Հեյ, ով կա այդտեղ», 1983
- «Հուշեր», 1984
- «Լիլիթ», 1986
- «Համլետ», 1996
Ծանոթագրություններ
[խմբագրել | խմբագրել կոդը]- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 21-ին.
- ↑ «Ռուբեն Քոչարի կենսագրությունը zarkfoundation.com կայքում».
- ↑ Ռուբեն Քոչարի կենսագրությունը imdb.com կայքում
- ↑ Հերոստրատ - (հատված ֆիլմից)
- ↑ Ռուբեն Քոչար. «Շատերը կարծում են՝ ֆիլմս լեսբուհիների մասին է»
 | Վիքիպահեստն ունի նյութեր, որոնք վերաբերում են «Ռուբեն Քոչար» հոդվածին։ |
|
