Սուրբ Երրորդության եկեղեցի (Արամիլ)
| Սուրբ Երրորդության եկեղեցի | |
|---|---|
 | |
| Հիմնական տվյալներ | |
| Տեսակ | կառույց և եկեղեցի |
| Երկիր |  Ռուսաստան |
| Տեղագրություն | Արամիլ |
| Անվանված | Երրորդություն |
 | |
 | |
Սուրբ Երրորդության եկեղեցի (ռուս.՝ Свято-Троицкий храм), ուղղափառ եկեղեցի Արամիլում, գտնվում է Եկատերինբուրգի և Վերխոտուրսկի թեմի Ռուսական ուղղափառ եկեղեցու իրավասության ներքո։
Պատմություն
[խմբագրել | խմբագրել կոդը]17-րդ դարի վերջում Արամիլում կառուցվեց առաջին փայտե եկեղեցին, սակայն դրա կառուցման ամսաթիվը կամ անվանումը անհայտ են։ Եկեղեցին երկար չի գոյատևել, քանի որ այն այրվել է 1709 թվականին բաշկիրների ապստամբության ժամանակ։ 1712-1717 թվականներին միտրոպոլիտ Իոհան Տոբոլսկու օրհնությամբ կառուցվեց փայտե եկեղեցի ի պատիվ Քրիստոսի Ծննդյան, որն այրվել է 1782 թվականին։ Հրդեհից չէր տուժել միայն զանգակատունը, որին կից էլ 1782 թվականին կառուցվեցին խորանը և զոհասեղանը։ Սակայն եկեղեցին փոքր էր և 1784 թվականին դրվեցին Սուրբ Երրորդության փայտե եկեղեցու հիմքերը, որի կառուցումն ավարտվեց 1790 թվականին և օծվեց եպիսկոպոս Վառլամի կողմից։
Ներկայիս երեք կցաշենքերով քարե եկեղեցու հիմքերը դրվեցին 1830 թվականին[1] և միայն 8 տարի հետո օծվեց ձախ կցաշենքը Սուրբ Աստվածածնի պատվին։ 1842 թվականի հունիսի 6-ին գլխավոր եկեղեցին օծվեց եպիսկոպոս Մելխիսեդեկի կողմից, իսկ վերջին աջ կցաշենքը օծվեց եպիսկոպոս Իոհանի կողմից ի պատիվ Եղիա մարգարեի[2]։
Եկատերինբուրգի թեմի տեղեկատուի համաձայն 1915 թվականին եկեղեցու հաստիքացուցակում եղել են երկու քահանա, մեկ սարկավագ և երկու տիրացու։
Ծխականների թիվը կազմել է ավելի քան չորս հազար մարդ։ 1937 թվականին եկեղեցին փակվեց, զանգակատունը և եկեղեցու ցանկապատը ավերվեցին։ Արևելյան և հարավային կողմերում գտնվող գերեզմանոցը նույնպես անարգվեց։ Խորհրդային իշխանության տարիներին եկեղեցում սկզբում տեղակայված էր դպրոց, այնուհետև խանութ և առևտրի պալատ։
1990 թվականին եկեղեցին վերադարձվեց հավատացյալներին։ 1991 թվականից եկեղեցում սկսեցին իրականացվել պաշտամունքային ծառայություններ։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Храм во имя Святой Троицы Արխիվացված 2017-09-20 Wayback Machine