Վաղարշակ Սրվանձտյան

Վաղարշակ Սրվանձտյան
Ծնվել է	1891 Վան, Օսմանյան կայսրություն Վան, Վանի վիլայեթ, Օսմանյան կայսրություն
Մահացել է	ապրիլի 16, 1958 Ֆրեզնո, ԱՄՆ Ֆրեզնո, Կալիֆոռնիա, ԱՄՆ
Ժանրեր	Ժողովրդական երաժշտություն
Մասնագիտություն	Կոմպոզիտոր

Վաղարշակ Միքայելի Սրվանձտեան (1891, Վան, Վանի վիլայեթ, Օսմանյան կայսրություն - ապրիլի 16, 1958(1958-04-16), Ֆրեզնո, Կալիֆոռնիա, ԱՄՆ), հայ կոմպոզիտոր, բանահավաք։

Կենսագրություն

Վաղարշակ Սրվանձտեանը ծնվել է Վան քաղաքում։ 1907 թվականից ապրել է Կ․ Պոլսում։ 1910 թվականից աշակերտել է Կոմիտասին։ 1919 թվականից որպես երաժիշտ կատարելագործվել է Փարիզում, ապա՝ Բեռլինում։ Մի քանի տարի աշխատել է Եգիպտոսում։

1928 թվականից երգահանը հաստատվել է Բոստոնում, 1948 թվականից՝ Ֆրեզնոյում։ ԱՄՆ-ի տարբեր քաղաքներում կազմակերպել է երգչախմբեր, տվել համերգներ։ Նվագախմբային, գործիքային, վոկալ և այլ երկերի հեղինակ է։

Վաղարշակ Սրվանձտյանը զբաղվել է ժողովրդական երգերի գրառմամբ, ուսումնասիրությամբ, մշակմամբ։ Նրա հրատարակած երգերն ամփոփված են «Հայ երգեր», «Հոգիի ձայներ», «Նոր երգեր», «Հայ պարեր» և այլ ժողովածուներում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 169)։

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։