«For the Road», ամերիկացի ռեփեր Թայգայի երգն է, համագործակցությամբ ամերիկացի R&B երգիչ Քրիս Բրաունի հետ։ Այն թողարկվել է 2013 թվականի ապրիլի 4-ին, որպես Թայգայի «Hotel California» կոչվող երրորդ ստուդիական ալբոմի երկրորդ սինգլ։ Երգը գրվել է Թայգայի, Քրիս Բրաունի, Lil' C-ի, Mars-ի, Ջ․ Ջեքսոնի, Բ․ Ալեքսանդեր Մորգանի և Ջ․ Պաստորիուսի կողմից։ Երգի պրոդյուսերներն են Lil' C-ն և 1500 or Nothin' խմբի անդամ Mars-ը։
2013 թվականի փետրվարին Թայգան հարցազրույցներից մեկում հայտարարում է, որ իր նոր ալբոմի երկրորդ սինգլը կոչվելու է «For the Road», և նա այն համագործակցությամբ կատարելու է Քրիս Բրաունի հետ[1]։ Մեկ այլ հարցազրույցում նա նաև նշում է, որ այս երգը ունենալու է այն զգացումը, ինչ ունեցել է նրանց «Deuces» երգը[2]։ Երգի պրեմիերան կայանում է մարտի 25-ին, սակայն պաշտոնապես թողարկվում է ապրիլի 4-ին։ Երգը սկզբում կոչվել է «Fuck for the Road», սակայն այնուհետև վերանվանվել է պարզապես «For the Road»։
Երգի տեսահոլովակը, որի ռեժիսորն է Քոլին Թիլին, նկարահանվել է 2013 թվականի ապրիլի 21-ին[3]։ Տեսահոլովակի պրեմիերան կայացել է մայիսի 19-ին MTV Jams հեռուստաալիքի եթերում[4]։
ԱՄՆ