JenTower
| Են աշտարակ | |
| JenTower | |
| Տեղագրություն | |
| Կառուցման ժամանակ | 1915 թվականին |
| Բարձրություն | |
|---|---|
| Ծայրաձող | 127 մետր |
| Տեխնիկական պարամետրներ | |
| Ճարտարապետ | Հերման Հենզելման |
.jpg)
JenTower (Են աշտարակ), երկնաքեր Գերմանիայի Ենա քաղաքում։
Անվանում
[խմբագրել | խմբագրել կոդը]Աշտարակը հայտնի է բազմաթիվ անուններով՝ պաշտոնական և ոչ պաշտոնական։ 1992 թվականից մինչև 2005 թվականի հունվար ընկած ժամանակահատվածում աշտարակը կոչվել է Ինտերշոփ աշտարակ՝ հիմնական վարձակալ Ինտերշոփ կոմունիքեյշն AG-ի անվանումով։ 2004 թվականի նոյեմբերի 30-ին շենքը վերանվանվել է JenTower: Մինչև 1995 թվական շենքը օգտագործվել է Ենայի Ֆրիդրիխ Շիլլերի անվան համալսարանի կողմից, ուստի դեռևս հայտնի է որպես համալսարանի աշտարակ։
Լրացուցիչ ոչ պաշտոնական անուններն են՝ Phallus Jenensis, Keksrolle (Կեքս ռուլետ) կամ Henselmann աշտարակ՝ ճարտարապետ Հերման Հենզելմանի անունով։ Հաճախ այն պարզապես կոչվում է աշտարակ։
Շրջակայքի շինություններ
[խմբագրել | խմբագրել կոդը]JenTower-ը գտնվում է հենց այսպես կոչված 15-րդ շենքի դիմաց, որն առաջին գերմանական բարձրահարկ շենքն էր։ Շենք 15-ը կառուցվել է 1915 թվականին՝ 43 մետր բարձրությամբ ճարտարապետ Ֆրիդրիխ Պյուտցերի (1871-1922) նախագծով։ Հարևանությամբ են գտնվում այլ շենքեր՝ Հենզելմանի կողմից նախագծված Շենք 36-ը (այսօր Ջենոպիկի նստավայրը) և Շենք 59-ը (Carl Zeiss Ենայի հետազոտական շենքը)։
Կառուցում
[խմբագրել | խմբագրել կոդը]Աշտարակի ճարտարապետը Գերմանիայի Դեմոկրատական Հանրապետության ամենահայտնի ճարտարապետներից մեկն է՝ Հերման Հենզելմանը։ Մոնոլիտ աշտարակի գաղափարը՝ որպես «քաղաքային թագ», մշակվել է 1920-ական թթ. Մագդեբուրգ քաղաքի ճարտարապետ Բրունո Տաուտի կողմից։
Շինարարությունը սկսվել է 1969 թվականի հունիսին՝ Երկրորդ համաշխարհային պատերազմից պահպանված բնակելի և բիզնես շրջանում։ Հիմնաքարը դրվել է 1970 թվականի ապրիլի 30-ին։ Շինարարությունն իրականացվել է սահող կաղապար մեթոդով և ավարտվել է 1972 թվականի հոկտեմբերի 2-ին՝ 127 մետր բարձրությամբ։ Շրջանաձև աշտարակը երկաթբետոնե կառույց է, երկու ներքնահարկով, 3.20 մետր հաստությամբ հիմքով և 33 մետր տրամագծով։ 1972-1973 թվականներին շենքը եղել է Գերմանիայի ամենաբարձր կառույցը։
1999 թվականին շենքը վաճառվել է։ Ներդրողը մոդերնիզացիան ավարտել է 2001 թվականին։ Ավելացվել են երկու լրացուցիչ հարկեր և UMTS ալեհավաք, իսկ 28-րդ և 29-րդ հարկերը վերածվել են ռեստորանի։ Ալեհավաքի հետ միասին աշտարակի բարձրությունը հասնում է 159 մետրի[1]։ Շենքն ամենաբարձրն է Արևելյան Գերմանիայում, իսկ Գերմանիայում 21-րդ ամենաբարձր կառույցն է։
Ծանոթագրություններ
[խմբագրել | խմբագրել կոդը]- ↑ «Jentower (ehem. / former Intershop Tower, Forschungshochhaus, Universitätsturm), Jena». Արխիվացված է օրիգինալից 2018 թ․ հուլիսի 2-ին. Վերցված է 2017 թ․ նոյեմբերի 26-ին.
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել JenTower կատեգորիայում։ |