տնտեսություն

Հայերեն

• ՄՀԱ՝ [tntɛsutʰˈjun]

Դասական ուղղագրութեամբ՝ տնտեսութիւն

վանկեր՝ տ(ը)ն•տե•սութ•յուն 

Գոյական

1. տվյալ հասարակարգի՝ հասարակության արտադրողական ուժերի զարգացմանը համապատսախանող արտադրահարաբերությունների ամբողջությունը, էկոնոմիկա ◆ սոցիալիստական տնտեսություն
2. հասարակության տնտեսական կյանքը և դրա մակարդակը
3. հիմնարկության՝ ձեռնարկության և այլնի տնտեսական ու ֆինանսական գործունեությունը ◆ Գործարանի տնտեսությունն այժմ բարձր հիմքերի վրա է դրված։ (Սովետական Հայաստան)
4. տնտեսական գործունեության որևէ բնագավառի կառուցվածքն ու դրամանյութական վիճակը ◆ տրանսպորտային տնտեսություն
5. այն ամենը, ինչ անհրաժեշտ է կենցաղային կաիքների համար (հողամաս, այգի, անասուններ և այլն)
6. առանձին տուն կամ հիմնարկ, որ զբաղվում է գյուղատնտեսությամբ՝ իր կարիքները հոգալու կամ նաև ապրանքային արտադրության համար ◆ գյուղացիական տնտեսությունն
7. առանձին արտադրական որևէ միավորի պատկանող սարքավորումները գույքը՝ շինությունները և այլն ◆ սառնարանային տնտեսություն
8. որևէ մեկին պատկանող գույքի՝ իրերի և այլն ամբողջությունը, ունեցվածք, ունեցած չունեցածը ◆ Զինվորին միայն րոպեներ են պետք իր վրա առնելու իր ողջ տնտեսությունը: Հովհաննես Թումանյան
9. արտադրության առանձին ճյուղ՝ բնագավառ ◆ անտառային տնտեսություն
10. (պաշտանվ․) որևէ մեկին պատկանող առարկաների, իրերի ամբողջությունը

Հոմանիշներ

1. էկոնոմիկա
2. տե՛ս ունեցվածք, ինչք
3. տե՛ս գույք

Արտահայտություններ

Ա ներքին հոլովում
	Եզակի թիվ	Հոգնակի թիվ
Ուղղ.	տնտեսություն(ը)	տնտեսություններ(ը)
Սեռ.	տնտեսության	տնտեսությունների
Տր.	տնտեսության(ը)	տնտեսությունների(ն)
Հայց.	տնտեսություն(ը)	տնտեսություններ(ը)
Բաց.	տնտեսությունից	տնտեսություններից
Գործ.	տնտեսությամբ	տնտեսություններով
Ներգ.	տնտեսությունում	տնտեսություններում

Բաղադրյալ բառեր
խոշոր տնտեսություն փոքր տնտեսություն

Թարգմանություններ
անգլերեն՝ economy, farm, housework, establishment գերմաներեն՝ դանիերեն՝ թուրքերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ экономика (ru) ‎(ekonomika), домашнее хизяйство (ru) ‎(domašneje xizjajstvo), хозайство (ru) ‎(xozajstvo) վրացերեն՝ ֆրանսերեն՝ élément

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
• Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։