Anatomia
| Anatomia |
|---|
| instantia de: branca del biologia[*] |
| subclasse de: biologia |
| parte de: biologia, medicina |
|
|
|
| Commons: Anatomy |
Anatomia[1] (ab le greco anatome, de ana-temnein, "excisar"), es le branca del biologia que tracta del structura e le organisation del cosas vivente; assi il ha le anatomia animal (zootomia) e le anatomia vegetal (phytotomia). Le major brancas del anatomia include le anatomia comparative e le anatomia human. Le anatomia animal pote includer le studio del structura de differente animales, nominate anatomia comparative o morphologia animal, o illo pote esser limitate a un animal solmente, e es nominate anatomia special (o anatomia specialisate). Desde un puncto de vista utilitari le studio del Homine es le plus importante division del anatomia special, e iste anatomia human pote esser approchate per differente punctos de vista. De illo del medico illo consiste del cognoscentia del forma exacte, position, talia e relation del varie structuras del san corpore human, e a iste studio es date le designation descriptive de anatomia topographic, non obstante illo es sovente, cognoscite per le pejor termino de anthropotomia.
Le cognoscentia exacte de omne le detalios del corpore human tarda annos de observation patiente pro obtener e illo es possedite solmente per pocos. Tanto intricate es le corpore human que solmente un parve numero de anatomistas human professional son complete maestros de omne su detalios, e le majoritate de illes se specialisa in certe partes, como le cerebro, visceres, etc.; contentante se con un adequate cognoscentia general del resto. Le anatomia topographic debe esser apprendite per cata persona mesme per le dissection repetite e le inspection de un cadavere. Illo pare non plus un scientia que le cognoscentia de un pilota, e como ille cognoscentia, illo debe esser exacte e disponibile al momentos de emergentia. Desde le puncto de vista morphologic, tamen, le anatomia human es un studio scientific fascinante, habente pro su objectivo le discoperta del causas que ha apportate le structuras existente al homine, e lo que require un cognoscentia del scientias connectite como embryologia o ontogenia, phylogenia, e histologia.
Le anatomia pathologic (anatomia morbide o pathologia anatomic) es le studio de organos malade o infecte, durante que sectiones del anatomia normal, applicate a altere propositos, recipe nomines special como anatomia medic, anatomia chirurgic, anatomia gynecologic, anatomia artistic e anatomia superficial. Le comparation del anatomia del differente racias del humanitate es parte del anthropologia physic o anatomia anthropologic. Hic le thema del anatomia se tracta systematicamente in vice de topographicamente.
Cata articulo anatomic contine primo un description del structuras de un organo o systema (como le nervos, le arterias, le corde, etc.), assi como se trova in humanos; e illo es sequite per un description del developpamento o embryologia e anatomia comparative o morphologia, in quanto concerne animales vertebrate; ma solo ille partes del animales basse que son de interesse in explicar le structuras human se describe. Le articulos ha un proposito duple; primo, dar bastante detalios del structura human pro facer le articulos super physiologia, chirurgia, medicina e pathologia intelligibile; e secundo, dar al lector non experte, o al laborator in qualque altere branca scientific, le theorias basic super le quales se funda le moderne anatomia scientific.
Lista de terminos de anatomia
[modificar | modificar fonte]- Systemas in le corpore (human):
- Organos in le corpore (human):
- ano
- aure (organo sensitive)
- appendice vermiforme
- bronchio
- cerebro
- colon (parte de intestino crasse)
- ascendente
- transverse / transversal ?
- descendente
- sigmoide
- columna vertebral
- vertebras
- corde
- derma (organo sensitive)
- diaphragma
- duodeno (parte de intestino tenue)
- esophago
- ficato o hepate
- ileo (parte de intestino tenue)
- intestino
- crasse / grande ?
- cec; ceco
- tenue / parve ?
- crasse / grande ?
- jejuno (parte de intestino tenue)
- labio
- larynge
- lingua (organo sensitive)
- naso (organo sensitive)
- oculo (organo sensitive)
- ovario
- pharynge
- parve intestino
- pene
- placenta
- pelle
- pulmon
- recto
- |ren (organo del systema excretori)
- seno (o pectore)
- splen
- stomacho
- tonsilla
- trachea
- utero
- cervice del utero
- orificio del cervice del utero
- vesica (urinari) (organo del systema excretori)
- vesicula (biliari)
- Ossos in le skeleto (human):
- clavicula (parte del thorace)
- coccyge (parte del columna vertebral)
- costa (parte del thorace)
- cranio
- femore (parte del gamba)
- fibula (parte del gamba)
- humero (parte del bracio)
- malleolo osso?
- mandibula (parte del cranio)
- maxilla (parte del cranio)
- patella (parte del gamba)
- perone (parte del gamba)
- pelve
- radio
- sacro (parte del columna vertebral)
- scapula (parte del thorace)
- spina dorsal
- sterno (parte del thorace)
- tibia (parte del gamba)
- ulna (parte del bracio)
- vertebra (parte del columna vertebral)
- vertebra cervical – C I usque VII
- vertebra thoracic – Th I usque XII
- vertebra lumbal – L I usque V
- zygoma (parte del cranio)
- Glandulas in le corpore (human):
- Texitos in le corpore (human):
- Le visibile partes externe del corpore (human):
- Altere terminos anatomic (non classificate):
- ala p.ex. del pulmon
- aorta
- arteria
- artic?
- articulation, junctura
- bile
- carpo
- cartilagine
- cervice
- chorda
- celoma
- coxa
- cubito
- diaphragma
- ducto
- exoskeleto
- ligamento
- lobo de un ala de pulmon
- lympha
- medulla spinal
- membrana serose
- metacarpo
- metatarso
- muco
- musculo
- nephr-
- nervo
- orificio
- papilla
- phalange
- peritoneo
- pilo e capillo
- pleura
- sanguine
- sebo
- sero
- skeleto
- sperma
- talia, cinctura
- talon
- tendon, tendine
- tubo
- tympano
- urina
- ungue, ungula
- vaso
- vena
- ventre
- via gastrointestinal
(*) plus clinicamente scripte
Ligamines externe
[modificar | modificar fonte]- Atlas del Anatomia in anglese
- Le NPAC Humano Visible Archived 2004-04-01 at the Wayback Machine (in anglese)
- Le Anatomia del Corpore Human per Henry Gray (in anglese)
- partes del corpore, lista interlingua–german (2016 maio in developpamento)
Vide etiam
[modificar | modificar fonte]- Historia del anatomia
- Organo (biologia)
- Anatomia superficial
- Lista de anatomic characteristicas human
- Terminos pro location anatomic.