Cavallaria medieval

Un domina lassa un homage a un cavallero pro le desirar bon fortuna in battalia

Le cavallaria esse un codice de conducta informal de varie natura que se disveloppava in Europa ab 1170 usque 1220. Illo es associate cum le figura del cavalleros e del altere membros del ordines cavallerose, ubi lor comportamento e lo del gentilhomines in general esseva subjecte ad alicun normas social del codice cavallerose ipse. Le ideales del cavallaria esseva popularisate in le litteratura del Medievo, supertoto in cyclos litterari cognite como Materia de Francia – connexe al cameradas legendari de Carolo Magne, le paladinos – e le Materia de Britannia, que popularisava le conto del rege Arthuro e de su cavalleros del ronde tabula.

Quamquam le codice cavallerose se sia disveloppate in Europa medieval, illo habe radices in le historia del seculos precedente. Il pare que illo nasceva como un idealisation del figura del soldato equestre dum le Imperio carolinge, que comprehendeva corage, excercitation individual e servicio al indigentes; supertoto in Francia inter le soldatos equestre del armea de Carolo Magne.

In le tempore, le signification de ‘cavallaria’ in Europa se affinava emphatisante supertoto virtutes social e moral. Le codice cavallerose – assi quomodo illo esseva circa le fin del Medievo – esseva un systema moral que misceva le spirito del guerrero, le pietate del rege e le gratiose manieras de corte, que, insimul, constitueva le notion de honor e nobiltate tanto appreciate in le societate del tempore.

Ligamines interne

• Bushido
• Cavallero
• Virtute

Ligamines externe

• (anglese) Crouch, David (2005). The Birth of Nobility: Constructing Aristocracy in England and France 900–1300. Harlow, UK: Pearson. ISBN 978-0-582-36981-8. 
• (anglese) The Art of Chivalry: European arms and armor from the Metropolitan Museum of Art.