Mithras
| Mithras |
|---|
| instantia de: god[*] |
|
|
|
| Commons: Mithras |
Mithra[1] (latino classic: Mithrās; greco: Μίθρας) es un deo roman con origines ostensibilemente perse.[2] Ille esseva le subjecto de un culto initiatic de mysterios. Le culto de Mithra attingeva su apogeo durante le tertie seculo de nostre era.
Concurrente al christianismo, le mithraismo habeva plure punctos in commun con illo: un deo promittente le salvation personal, qui habeva nascite a un matre virgine (Anaitis) le 25 de decembre... Al mesme tempore, le mithraismo differeva significativemente del christianismo. Su adeptos practicava le sacrificio de animales, notabilemente del tauro; polytheistas, illes honorava voluntario altere deos que lor salvator.
Il habeva quatro grados de mystas mithraic (corax, nymphus, miles, leo) e tres officios specialisate (perses, heliodromus, pater).[3] On adorava Mithra in templos denominate ‘mithreos’, normalmente subterranee pro evocar le cava in le qual le deo nasceva.
Le ric symbolismo mithraic sembla indicar le importantia del planetas e del astronomia in lor doctrina – le Sol e Luna, Cautes e Cautopates (apportante respectivemente luce e tenebras) son companiones constante de Mithra.
Le scena iconic del mithraismo es le tauroctonia, presente sia in sculptura, sia in basse-relievo, sia in pictura in omne mithreo. In iste scena, Mithra occide un tauro con un cultello, que al mesme tempore es assaltate per un can, un serpente e un scorpion. Mithra porta un bonetto phrygie, pantalones e un cappa; isto undea post ille – on pote a vices vider stellas al interior del cappa. Le deo, le serpente e le scorpion attacca le tauro per le collo, le scorpion per le testiculos. On ha interpretate iste imagine como le passada (circa 1900 ante le Era Commun) del Etate del Tauro al etate alora contemporanee, ille del Ariete.[4] Le animales in le scena symbolisarea constellationes secundo plure eruditos.[5]
Referentias
[modificar | modificar fonte]- ↑ Derivation: Entitates: 1. (it) Mitra (divinità) || 2. (es) Mitra (dios romano) || (pt) Mitra (mitologia) || 3. (fr) Mithra || 4. (en) Mitra || Controlo: (de) Mithras || (ru) Митра (божество) || - (Extra): (la) Mithras
- ↑ John R. Hinnells, "Reflections on the bull-slaying scene" in Mithraic studies, vol. 2, p. 303-4 (anglese)
- ↑ Jeronimo, Epistulas 107, ch. 2 (a Leta). (anglese)
- ↑ David Ulansey. The Origins of the Mithraic Mysteries: Cosmology and Salvation in the Ancient World. Oxford University Press. 1991. (anglese)
- ↑ Roger Beck. "Astral Symbolism in the Tauroctony: A statistical demonstration of the Extreme Improbability of Unintended Coincidence in the Selection of Elements in the Composition" in Beck on Mithraism: collected works with new essays (2004), p. 257. (anglese)
| ||||||||
