TERTIB ACARA

NATAL PERPULUNGEN JONA

RUNGGUN BATAM-CENTRE
GBKP KLASIS KEPULAUAN RIAU
15 Desember 2019

Thema :
“SIERGAN IBAS JABU”
(Kolose 3 : 2-14 ; 1 Timotius 5:8)
 TERTIB ACARA
NATAL PERPULUNGEN JONA
GBKP KLASIS KEPULAUAN RIAU

TEMA : SIERGAN IBAS JABU (kolose 3 : 2-14 ; 1

timotius 5:8)
SUB THEMA : Arah Perayaan Natal PJJ Tahun 2019 Enda Mabai
Kita Guna Siergan Ibas Jabu Sebab Dibata Pe
Nggo Ngergaken Kita.
1.Persikapen:(Pelayan kebaktin ras Panitia ersikap)
- Pujian Penyembahen ibabai Singer piga-piga lagu.
-Barisen Prosesi kubas ingan kebaktin (solo nora nd lois br Ginting)

a) Kata pengalo-ngalo Ibabai ketua Panitia Natal

b) Kata Penaruh ibabai sekalak pertua

Mejuah juah ras selamat natal man banta kerina ras seisi
jabuta. Meriah ukurta erkiteken Kristus pe tubuh kubas
jabuta, segelah jabuta pe jadi ingan jumpa ras Dibata, alu
bage dame natal e pe tetap tergejap dingen teridah arah
jabuta. Emaka alu keriahen e mari dage radu ras kita
ermeriah ukur ibas kebaktin natalta enda. Sipuji Tuhanta
Yesus si tubuh e,

c) Rende KEE 114:1-3 (Perp Tedis)

“Sendah Jumpa Kita Wari Raya E”
1) Sendah jumpa kita wari raya e, peringeten tubuh Tuhan
Yesus e
NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 2
 Nusur ndahi kita manusia e, keriahen kap e
Ermulia me Tuhannta, E si puji me GelarNa
Perdamen ibre Dibata, Tuhan Yesus kap e

2) Mari kita ku kuta Betlehem e, muji nembah man Tuhannta

Yesus e
E tinenges Tuhan si perkuah e, Dibata Bapa e
Ermulia me Tuhannta, e sipuji me gelarNa
Perdamen ibre Dibata, Tuhan Yesus kap e

3) Sembah kami man baNdu si tubuh e,Kam si maba dame ku

pertibi e
Bengket min ku tendi ukur kami e, dameNdu o Yesus
Ermulia me Tuhannta, E sipuji me gelarNa
Perdamen ibre Dibata, Tuhan Yesus kap e.

I. Kebaktin
1. Votum- salam
L : Ibas gelar Dibata Bapa Ulu kegeluhen s idem kedamen,
ibas gelar AnakNa Yesus Kristus Raja dame, ras ibas gelar
Kesah si Badia singajari kita guna nggeluh siergan ibas
jabu.
Perkuah ate Tuhan Dibata, ras Yesus Kristus ras
kerembaken Kesah si Badia, ras kita (kam) kerina gelah.
Amin.
P : Amin…..amin…..amin….. (Iendeken)

2. Berita kerna perbahanen ras sura sura Dibata (Perp. kundul)

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 3

 L : Ibas berngi tupung Yesus Kristus tubuh, lit piga piga
permakan sangana ngiani asuh asuhenna. Rempet tedis
sekalak malekat Tuhan I lebe lebe permakan ndai, janah
terang si rehna ibas Tuhan nari ersinalsal ku
sekelewetna. Mbiar permakan e tapi nina: Ola mbiar aku
reh maba berita si meriah, si mereken keriahen si mbelin
man kerina manusia. Sendah I kuta Daud enggo tubuh
juruselamat man bandu , e me Kristus Tuhan.
P : Glo..ria..glo..ria… muliaken Tuhan,
Glo…ria…glo…ria.. haleluya….haleluya… (KEE 495)
L : Teridah nterem malekat surga tedis ras malekat si ndai
dingen rende muji Dibata, “Terpujilah Dibata ibas surga
si meganjangna. Janah dame I doni man manusia si
ngena ateNa”.
P : Glo..ria..glo..ria… muliaken Tuhan,
Glo…ria…glo…ria.. haleluya….haleluya… (KEE 495)
L : Tuhu mbelin kekelengen Tuhan arah ketubuhen Yesus si
maba dame, rende kita arah :

3. KEE 140 : 1-2 “HOSIANA ENAM REH”

1. Hosiana enam reh, Anak Daud ku bas kutaNa
Ope denga Ia seh, tanem lambe ban inganNa
Ngambur rudang pekena, dalin iadepenNa
2. Hosiana Tuhan reh kam ialo-alo kami
Ate kami enggo she, nggo kam muat ukur kami
Bengket ukur kami e, ialoken kami je
4. Pembacaan Ayat-ayat Alkitab
(Mamre, Moria, Permata, KAKR)

5. Vokal Group PJJ JONA

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 4

6. Kinata kegeluhen manusia iadep-adepen Dibata ras
pengajuk guna nggeluh si ergan ibas Kristus

L : Kalak jahat megiken pengajuk dosa seh kubas pusuhna,

sitik pe la ia mbiar man Dibata.
P : Tapi kebenaren Dibata seri ganjangna ras deleng,
kinibujurenNa seri bagesna ras lawit.
L : Erkiteken meganjang iakap manusia bana, iakapna maka la
ieteh Tuhan dosana janah la iukumNa.
P : Iusur-usur kami rusur nggeluh ibas kejahaten, la siergan
sada ras sidebanna, iakap kami maka kami enda kap
simeganjangna.
L : Man kalak si nandai Aku kukelengi kap, dingen kubereken
kiniulinKu man kalak bujur.
P : Alemi kami Tuhan gelah ngasup kami nggeluh bagi
sinisurakenNdu.
L : Ernalemlah man Tuhan dingen lakokenlah simehuli,
ersinalsallah bagi matawari pantek ciger.
P : Yesus terangku, tendang man nahengku, ula keg’lapen si
ringan bas aku. Yesus terangku tendang man nahengku,
bahan gelah kualoken kelengNdu. (KEE 361)

Rende KEE 172:1-3

“Bas Paksa Berngi Melenget”

1) Bas paksa berngi melenget, Betlehen tunduh kam

Lakin idahndu reh terang, I salsalina kam
Nggo seh kap ku tengahndu, Penampat Dibata
Penebus dosa manusia, alokenlah Ia

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 5

 2) Tuhu kitiksa kam gia, Betlehem Efrata
I je me nina Dibata, Tubuh penebusta
Tentera bala surga, rende me kerina
Terpujilah kam o, Yesus Tuhanku penebus

3) Dage rehlah min o, Tuhan, aloken aku min

Dosangku masap gelah ban, lah aku terkelin
Gelah aku tersampat, bas dalin mesera
Di ras Kam minter kugejap, geluhku meherga

7. Vokal Group KA/KR JONA

8. VOKAL SOLO KAKR

9. Berita ketubuhen Kristus (Perp tedis)

L : Sekalak anak enggo tubuh man banta, anak dilaki

ibereken banta. Ia me pagi jadi pemimpinta. Ia igelari:
“Penampat si meganjangna”. “Dibata si Mada Kuasa”.
“Bapa si rasa lalap”. “Raja dame”, kuasaNa tetap reh
belangna; janah ibas kerajanNa lalap lit dame. Ia jadi
gancih Raja Daud . Ia merentah erpalasken kebenaren ras
kebujuren, genduari nari seh rasa lalap. Si enda kerina
jadi sebab bage kap sura sura Tuhan si Mada Kuasa.
L + P : Kupuji ras kumuliaken IA, Amin.

9. Si sagani lilin natal janah rende KEE 135:1-3

1) Berngi e, nggo kepe, Yesus reh kudoni e

Nusurlah ngangkut dosanta me kin

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 6

 Jadi kap musillah sangap pagin
Asa sitek Tuhan e, asa sitek Tuhan e
2) Anak e bujur pe, Singena me aku pe
KiniulinNdu tadingken Kam kap
Bengket ku doni lah t’rang si gelap
Aku daramenNdu, aku daramenNdu e
3) Berngi e, nggo kepe Tuhan reh ku doni.
Padan Dibata teridah tetap
KinikelengenNa banta mekap
Tuhan si puji gelah, Tuhan sipuji gelah

10. Renungen Natal (Perp. Kundul)

a) Ertoto ope khotbah
b) Khotbah
c) Ertoto kenca khotbah

11. Pengakun kiniteken (Perp. tedis)

12. Persembahen (Perp. kundul)

L : Meriah ukurta ibas mperingeti ketubuhen
Juruselamatta Tesus Kristus Tuhan si maba dame
man banta, mari dage sibereken persembahenta alu
dem pengataken bujur man Tuhan janahta :

Rende KEE 385 “BABALAH PERSEMBAHEN SI MERIMNA”

1) Babalah persembahen si merimna, kuadep adepen

Dibatanta
Babalah korban pujin si mehaga, ku lebe altarNa si badia

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 7

 G’lah tetap b’reNa pasu-pasuNa, man k’rina manusia
G’lah tetap b’reNa pasu-pasuNa, terpuji gelar Tuhan
2) Babalah persembahen si jilena, kurumah Dibata si Perkuah
Babalah korban si merimna, Kuadep-adepen si erkuasa
G’lah tetap b’reNa keleng ateNa, ras lias ateNa banta
G’lah tetap b’reNa pasu-pasuNa, segedang-gedang g’luhta
3) ‘Ndeskenlah persembahenta man baNa, si nggo nehken
kegeluhen banta
‘ndeskenlah lagu pujin si jilena, jadi persembahen si Badia
G’lah lias ras keleng atena, isehkenNa man banta
Emaka ernalem ku Ia, malem tuhu ateta

13. Pertoton persembahan ras syafaat

14. Vokal Group PJJ JONA

15. Vokal Group Moria JONA

16. Tekad Natal (Perp. tedis)

L : Kristus reh ku doni guna maba dame man manusia,

nasapken dosa manusia janah mabai manusia gelah
banci nggeluh bagi si ngena atena. Kai dage tekadta
ibas peringeten ketubuhen Yesus nandangi jabuta?
Mamre : Ibas wari wari geluhku ateku mpelimbarui
geluhku,jadi bapa si nggit mperdiateken isi jabuku,
janah nggeluh guna kiniulin jabu.
Moria : Selaku Moria pe aku erpadan njadiken jabuku jadi
jabu si dame, kupakeken kais i lit ibas aku guna

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 8

 kiniulin jabuku seh maka metedeh ate seisi jabu
guna pulung ersada ibas Kristus.
Anak : Kami pe erpadan selaku anak maba dame ras jadi
rudang-rudang si meherga itengah jabu.

L : Yesus pe tubuh guna maba kedamen ku tengah

tengah sektor perpulungen jabu jabu I tengah
runggunta, janah kita me alat Dibata. Kai dage
tekadta selaku rarasan Dibata I tengah sektorta.
P : Erpadan aku Tuhan njadiken geluhku jadi sira ras
terang ku tengah perpulungen ni Tuhan, perdiateken
janah ngergai kalak sideban, dingen pe tetap
ncidahken biak biak Kristus guna kedamen I tengah
perpulungen jabu jabu.
L : Ibas keriahen dingen dame natal enda, mari dage
kita muji Tuhan arah…..

16. KEE 309 : 1,3 ”PENGASUP KAMI O TUHAN”

1) Pengasup kami o Tuhan, gelah pedahNdu banci idalanken
Em kap tendang kami bas kegeluhen, kataNdu si man
gelemen
Gelah tangkas kata ras perbahanen ban min kami tetap
bas kebujuren
SurgaNdu kap perayaken
3) Kawali kami o Tuhan, alu gegeh ras kuasaNdu si mbelin
Olangilah kami idur si setan, si atena ncedaken
DameNdu gelah tetap kuarapken, ban kelengNdu ngenca
kap kami atan
bengket ku bas kesangapen
17. Pertoton Tuhan

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 9

18. Pengutusen ras Pasu Pasu Dibata

L : Bengketlah kubas kegeluhenta (ndu), tetaplah

nggeluh ibas dame janah jadikenlah geluhndu jadi
simaba dame sebab enda me tujun Dibata reh ku
doni enda. Guna mpepaguhi kita (kam) aloken
pasu pasu idur Dibata nari:
“I pasu pasu janah ikawali Dibata kita (kam), siang
ayo Dibata ersinalsal ibabota (ndu), janah malem
ateta (ndu) ibahanNa, itatap Dibata ku kita (kam)
janah malem ateta (ndu) ibahanNa ”. amin
P : Amin…. Amin… Amin….

19. Perayaan natal (iaturken panitia)

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 10

 Desember 2019

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 11

 Ras

Januari 2020

NATAL PERPULUNGEN JABU-JABU (PJJ) DESEMBER 2019 GBKP KLASIS KEPRI 12