2 Timoteus 1, 1-14 Sermon Parhalado

Bahan Sermon Parhalado HKBP Cibubur
Kamis, 22 September 2022
“Ndang marpansohotan Asi ni Roha ni Tuhan i”

(“Tak berkesudahan Kasih Setia Tuhan”)
Nas: 2 Timoteus 1:1-14
Patujolo
Digoari do surat na tu si Timoteus on songo Surat Parmahanion, ala marumang parmahanion
dohot panogunoguon taringot na marmahani huria ni Tuhan na sahat tu ibana. Disurathon uju
tarhurung si Paulus di huta Rom + taon 65 M. On ma ombas na paduahon apostel i tarhurung di
Rom, alani i disura rohana jonok nama ujung ni ngoluna, ai pasahaton panggomgomi Rom ma tu
ibana uhuman mate. Di na tarhurung paduahalihon on, mansai hansit dihilala ala ndang
tarbahenna humosa (bebas) ai dirante do pat dohot tanganna, jala dipahombar do ibana songon
halak parjahat. Dihilala roha tung tarpunjung situtu do ibana di hurungan i. Di partingkian na
songon i dihasiholi rohana naeng pajumpang dohot donganna saulaon si Timoteus naung
dirajumi songon anak na hilaholongan (1:2). Marhite suratna on ditonahon do asa ro si Timoteus
mandapothon ibana tu hurungan na di huta Rom, huhut mangalehon panogunoguon na tangkas
tu ibana, ai si Timoteus na ma dietong rohana na boi mangganti ibana laho manguduti ulaon
naung pinungkana i. Lumobi di hatiha i tar poso (bajar) dope si Timoteus, hurang dope pos ni
dirina (percaya diri) laho pasahathon barita na uli lumobi ma na mangadopi angka parpoda
haliluon na sai ringgas mangelaela dohot manegai ulaonna.
Taringot tu si Timoteus, halak Jahudi do ibana na tinggal di Listra. Tangkas jala denggan do
panogunoguon ugamo hajahudion di ibana sian inangna dohot sian ompungna. Ditanda si
Timoteus Barita na Uli uju ro si Paulus tu Listra. Laos ditogihon ap. Paulus ma ibana mangurupi
laho mar-Barita na Uli. Diparhatutu ap. Paulus do na burju jala haposan si Timoteus, na gabe
donganna laos songon anak haholonganna. Dihatindanghon apostel i do dongan na saroha,
sapingkiran jala sapangkilalaan dohot ibana, na so mangalului hagiot ni diri. Dibagasan turpuk
on diapoi si Pulus do ibana, asa sai tongtong marsigorgor rohana mangulahon tohonan naung
sahat tu ibana, jala marsitiopan tongtong tu angka poda dohot tiruan naung jinalona sian apostel
i, asa tongtong dirajumi i songon silehonlehon na dipalumehon Debata tu ibana.
Hatorangan ni Turpuk
1. Hasomalan ni Apostel (ay. 1-2)
Dihasomalhon apostel Paulus do pasahat hata tabi (salam) di pamuhai ni suratna. Dipaboa do di
pamuhaina i hadirionna songon apostel ni Kristus dohot tu ise na tinuju ni suratna i. Ruhut
hadengganon do na pinatupana i asa ganup ulaon nang na laho pasahathon isi ni roha manang
pingkiran naeng ma dipungka marhite hata tabi -‘salam’-, dame. Laos hasomalan ni apostel i
jotjotan na gabe tangiang ni pamuhai ni angka parjamita (HKBP: Pandita) di ay. 2 i.
2. Sihol dohot holong ni roha ni apostel i (ay. 3-6)
Ndang na hatahata na nidok ni apostel i na songon anak haholonganna si Timoteus. Tarida do
marhite isi ni suratna di sihol ni roha ni apostel i na sai ingot ibana tu ‘anakna’ si Timoteus arian
dohot borngin. Di na masihol i apostel i tarsunggul ma ibana di parsaoran na denggan dung
dibege ibana na tumatangis ‘anakna’ i ala dibege tarhurung apostel i. Ditaringoti apostel i do
haporseaon ni si Timoteus na so marlaok mamungka sian ompungna boru, si Lois dohot
inangna, si Eunike. Marhahonaan tusi do sipaingotna di ay.6, “Hupaingot ho, asa diparatarata ho
silehonlehon ni Debata na tu ho i,” ninna. ‘Parataratahon’ lapatanna pagalakhon, pararathon,
pajemburhon; jala ‘silehonlehon’ i mandok huaso ni Tondi Porbadia do i na binasabasahon ni
Debata tu angka partohonan. Hasasahat ni huaso i do na digombarhon di pangampehonon ni
tangan di na pasahat tohonan i. Na marmula do i sian upacara hababangkit ni si Josua (4 Mus.27:18; 5
Mus.34:9)
, jala marhite hajahudion taripar tu huria na parjolo i (Ul.6:6; 13:3). Songon tangan ni na
mamasumasu i na ampe tu pinasupasu i, songon i ma huaso ni Tondi i manonggopi na
pinasupasu i, manggohi jala margogoihon. Ala ni i ma dipasingothon apoetel i, ingkon
paratarataon ni si Timoteus do silehonlehon ni Debata na tu ibana i, ai sian Debata do i. Na
naeng didok disi asa mampanghorhon ma nian sihol ni rohana dalan laho paingothon si
Timoteus mardongan holong ni roha.
3. Dipainghot jala dipatogu asa gabe tiruan (ay. 7-14)
Laho patogu roha ni si Timoteus, didok ma: “Ai dilehon Debata do tu hita tondi hagogoon, tondi
haholongon, tondi pangarajaion diri, ndada tondi hatahuton.” Ia Tondi hatahuton, i ma tondi na
1
Bahan Sermon Parhalado HKBP Cibubur
Kamis, 22 September 2022
mabiar jala na mangirput na boi manundati gogo patupahon ulaon na denggan na sian Debata.
Hagogoon, i ma huaso na sian Debeta laho mangadopi angka musu dohot ragam ni pamaraan,
na manghabengethon dohot manghamonanghon angka pangunjunan, hamaolon dohot
pangaleleon. Haholongon, i ma gogo ni harohaon na patauhon jolma manghaholongi Debata
dohot donganna jolma; na patauhon mangolu na marpananginangian (dengar-dengaran),
marhaporseaon, dohot marhahirimon tu Debata; na padaohon biar (pat.1 Joh.4:18) jala na patoguhon
roha. Jala Pangarajaion diri, i ma pingkiran na toras (na tang/dewasa) na patauhon sasahalak
patundukhon (menertibkan) dohot mangarajai (menguasai) dirina; marhamanaton jala
marhabisuhon (berhati-hati, bijaksana). Dirajumi ala ni i do asa tarbahen malua si Timoteus sian
ragam ni hatahuton na songgop tu dirina. Ala poso dope ibana hatiha i, dapot roha do molo
adong di ibana hagangguon, ai ingkon uluhononna sada huria na balga na tongon marungkil
maradophon parpoda haliluon. Di ay. 8, pargasipan do i di halak Jahudi jala haotoon di sipelebegu
anggo Barita na Uli i (1 Kor.1:23). Di roha ni na deba, poda ni Kristus i mapejethu do; ndang hona tu
poda gnostik na bagas jala na timbo (gnostik i do na manosak tu huria Epesus di tingki ni si
Timoteus). Ala ni i, boi do gabe maila halak manghatindanghon Barita na Uli i. Laos i ma na
dipodahon tu si Timoteus, didok: “Unang ho maila manghatindanghon Tuhanta i.” Sabalikna,
naeng ma dohot ibana manghophop Barita na Uli i. Manghophop, lapatanna ambil bagian di
sitaonon ala ni Barita na Uli i. Ido ulaon i, tusi do si Paulus dipabangkit. Parjolo, gabe parjamita,
na pangiarhon soarana mamaritahon barita haluaon na sian Tuhan i dohot uhum pamalosonNa.
Paduahon, gabe apostel, lapatanna na sinuru sian Debata laho patubegehon hata dohot lomo ni
rohaNa tu hajolmaon. Parpudi, gabe pangajari, i ma parorot manang panogunogu na
patureturehon na porsea i asa lam magodang jala matoras di bagasan haporseaon jala
marpangalaho di bagasan hasintongan. Ala ni hajongjongan dohot ulaon i do si Paulus
marsitaonon, tarrante jala tarhurung. Alai ndang maila ibana disi. Hatuaon do jambar tu na
manghaporseai Ibana, jala hasangapon do na mangoloi dohot mangulahon parsuruonNa, nang pe
ingkon marsitaonon.
Sipahusorhuron
“On pe, unang ho maila manghatindanghon Tuhanta i, dohot ma ho tahe manghophop Barita na
Uli i!” ninna si Paulus tu si Timoteus di suratna on. Ndang holan tu si Timoteus i, alai joujou do
i tu sandok na porsea na di huria dohot di sude tingki dohot inganan. Ndang ulaon na neang i, na
dokdok situtu do; gok parmaraan, parungkilon, dohot sitaonon. Sian na robi sahat tu nuaeng
nunga mansai godang na manangihon joujou i. Ditaon nasida do ragam ni parungkilon dohot
sitanonon, torop tahe na ingkon agoan hosa manang na mate martyr. Nuaeng, dipasahat do
joujou i dohot tu hita. Boha do asa unang maila, alai asa las jala hiras rohanta mangulahon i?
1. Ingkon torang do di hita taringot tu gogo di panindangion i. Hagogoon ni Debata do gogo di
panindangion i. Dibasabasahon Debata do tu angka sitindangi i ragam ni silehonlehon na
marguna tu ulaon i, i ma huaso ni Tondi Porbadia. Dilehon do huhut hagogoon, haholongon,
dohot pangarajaion diri. Marhite angka i malua do angka sitindangi i sian hatahuton.
2. Ingkon torang do di hita taringot tu sihatindanghonon i. “Unang ho maila manghatindanghon
Tuhanta i, dohot ma ho tahe manghophop Barita na Uli i!” ninna si Paulus. Jesus Kristus do
sintuhu ni Barita na Uli i. Na manghatindanghon Jesus Kristus dos do i tu na
manghatindanghon Barita na Uli, jala na manghatindanghon Barita na Uli dos do i tu na
manghatindanghon Jesus Kristus.
3. Ingkon torang do di hita taringot tu hamonangan ni na tahatindanghon i. Haluaon na sian
Debata na dipapatar di bagasan Kristus Jesus i ndang na laho sahat i tu agia ise pe ia so
marhite panindangion. Dipabangkit Debata do angka apostel, parjamita, dohot pangajari
(partohonan). Tu nasida ma dipalumehon Barita na Uli i asa ni radotan jala
hatindanghononna. Ibana sandiri do jaminan ni hahohot dohot hamonangan ni Barita na Uli i.
Molo taboto hamonangan ni Barita na Uli i, las jala hiras ma rohanta manghatindanghon,
manghopohop, manjamitahon, dohot mangajarhonsa. Tahobasi ma ulaonta i, ai ndang
marpansohotan Asi ni RohaNa tu na manghalojohon ulaonNa i. Amen.

2 Timoteus 1, 1-14 Sermon Parhalado

Diunggah oleh

Hak Cipta:

Format Tersedia

2 Timoteus 1, 1-14 Sermon Parhalado

Diunggah oleh

Informasi Dokumen

Deskripsi Asli:

Judul Asli

Hak Cipta

Format Tersedia

Bagikan dokumen Ini

Bagikan atau Tanam Dokumen

Opsi Berbagi

Apakah menurut Anda dokumen ini bermanfaat?

Apakah konten ini tidak pantas?

Hak Cipta:

Format Tersedia

2 Timoteus 1, 1-14 Sermon Parhalado

Diunggah oleh

Hak Cipta:

Format Tersedia

Bahan Sermon Parhalado HKBP Cibubur

Kamis, 22 September 2022

“Ndang marpansohotan Asi ni Roha ni Tuhan i”

Anda mungkin juga menyukai