Pashaluat pejpetznaj tik bicicletaj: Zaragoza (España), 2009
Kenha ken tik uksejse techan tik ankakeski shiwit, ini sabadoj miak mil takamet wan siwatket tik bijbicicletaj kiyawalujket Meshijku DF petznaj. Pejket kichiwat ijkiuni ne achtu wipta tik Canada. Taika? Inat ka pal techelnamiktiliat ka yek ma tinejnemikan tik bicicletaj pal tuweyka wan pal te tiksusulwikan ne tal iwan ne cajcarroj ne kitatiat gasolinaj. Nusan pal ne kiwikat carroj kielnamikit ka munekit kichiwat respetar ne nejnemit tik bicicletaj tik ne ujti.
Ne policiaj kiajsituk itech ne ujti ne mijmikini pal yey activistaj ne kipalewiat katka ne tukniwan ne kichiwat protestar tik Guerrero (Meshijku). Se yejemet Arturo Hernandez Cardona pal ne PRD (se partidoj pal ne izquierdaj) wan tatuktiani pal ne Unión Campesina Emiliano Zapata. (BBC News)
Tamaulipas (Meshijku)
Muajsitiwit ujustut kwikwilujtuk tik Burgos (Tamaulipas, Meshijku). Inat ka nemit sujsul miak. Katka inat ka nepa ikman te kanaj ne Metzali, ashan muita ka kia nemik. Tik ne ujustut mukwikwilujtiwit takamet wan siwatket, takwalmet, mijmishti wan sejseuk.
Ne tepet tik Meshijku itukay Pupukatepet (Popocatepetl tik Meshijkataketzalis wan Castillaj) nentuk tik Alertaj Tultik sejse tunal wan ne miercoles ka tapuyawa kiski tit, pukti wan neshti. Ne tepet kikutamin ka nujme wejwey tet tatat. Se wey mishti tentuk wan neshti muitak wan ne ejeket kipitzki ka ajkuikpa. Ne kalpuli tamakatuk se taneshtilis "moderado" wan muneki ma titejchiat pal tikitat tay yawi panu.
Ne achtumutaliani pal Meshijku, Enrique Peña Nieto, kichiwtuk se yankwik tajtuli pal ne tajtamachtiluyan, wan ne tamachtianimet pal ne sindicatoj CNTE tik ne estadoj pal Guerrero inat ka te kinekit uni tajtuli. Kwalantiwit wan kistiwit muneshtiat iishpan ne tajtajkwiluyan pal ne PRI, ne PAN wan ne PRD. Weli muita se videoj kutu ka nikan. Ne CNTE nusan kichiwki se wey huelgaj pal tamachtianimet wan mumachtianimet tik ne estadoj pal Oaxaca tik ne shiwit 2006. (BBC News)
YSUES Radio Universitaria tik 660AM: "Cultura Latinoamericana" ne lujlunes ka 10 horaj ka peyna. Wejkatanutza: 2511-2020. Shiwi tuwan!
Curso de náhuat: Centro Cultural Ne Yawal (Av. Izalco casa 102A, Colonia Centroamérica), los sábados 9-11:30 am, $1 la sesión a partir del 11 de enero 2014. Niveles Básico y Avanzado. Tamachtiani: Werner Hernández.
Clases de náhuat (nivel básico): Escuela de Artes de la UES, los viernes 2-4 pm, $0.50 x clase. Cuando lleguen pregunten dónde es el salón o por Guishtemi (77132406).
Taller de náhuat. Centro de Artes Hermanos Aguilar. Sábados 3:00pm. Inicio: 6 de abril 2013. Info. tel. 2222-3418.
.svg)
.svg)
.jpg)
