Wp/mfa/Teganu

Teganu (Baso Mlayu: Terengganu, Baso Teganu: Tranung) ni negeri hok dudók di Pata Timó Smenanjóng Malaysia. Kak alék utaro nga barak laók, Teganu besakak denga Klatè. Pah di alék slate nga barak dayo pulok, Teganu besakak denga Pèhè. Luwah negeri Teganu ni 13,035 km, nyo jadi negeri ketujóh paléng besa kak Malaysia. Jumloh pendudóknyo hok lebéh kurè 1.1 juto orè peletok yo ko tanggo kespulóh paléng rama. Teganu ni jugok ataro negeri hok paléng rama orè Mlayu di Malaysia. Llepah lô jjadi kesultènè hok merdèko ketiko tahóng 1724, Teganu trimo pengaróh dari kuwaso lluwa yakni Siyè, British nga Jepóng sapalah proléh kemerdèkoè pado tahóng 1957.

Sjaroh

Teganu ni negeri dalè alè Mlayu hok mulo-mulo skali masók ajarè Iselè kalu ikók Batu Besurak Teganu hok jjupo di Kuala Berang, Hulu Teganu dè tarikh nyo pahak tu skita ataro 702 sapa 789 tahóng Hijroh atapóng ataro 1303 sapa 1387 tahóng Maséhi.^[1]

Teganu rajéng jadi negeri lindóngè Kesultènè Mlako slamo mano kesultènè tu wujuk, tapi gak dapak prètoh sdiri lepah lô Kesultènè Joho. Yo jjadi krajoè hok bediri sdiri ketiko tahóng 1724.

Yo keno taklók di Krajoè Siyè Rattanakosin ketiko abak ko-19 hok mano hubóngè ataro duwo pèhok wujuk kih Teganu keno buwi bungo mah nak-nak tahóng. Taklókè Siyè ko atah Teganu nyo sseroh ko Great Britain kih adonyo Pejanjiyè Inggrih-Siyè 1909

Rujukkè

↑ Nicholas Tarling, penyunting (25 January 1993). The Cambridge History of SouthEast Asia, Volume 1. Cambridge University Press. m/s. 514. ISBN 978-0521355056.

[1] Nicholas Tarling, penyunting (25 January 1993). The Cambridge History of SouthEast Asia, Volume 1. Cambridge University Press. m/s. 514. ISBN 978-0521355056.

[1]