Ansan
Ansan (안산시, 安山市, pacema.monto.urbo) esas urbo en la provinco di Gyeonggi-do, sude de Seoul, la chefurbo di Sud-Korea. Ol havis 686 873 habitanti 2004, di qui 666 784 esis Koreani e 20,089 esis exterlandani. Ansan havas entote 144.78 km².
Generala informo
[redaktar | redaktar fonto]Ansan esas urbo tre proxima a Seoul, e parto di la chefurbala regiono. Do, Ansan uzas la sama metroala sistemo kam Seoul, ed irar a Seoul bezonas nur cirkume 30 minuti. Ansan esas anke vicina al urbo Suwon, qua esas la chefurbo di Gyeonggi-do ed anke granda urbo. Ansan jacas alonge la Flava Maro (videz mapo), nomizita anke la "Westa Maro" en Korea pro sua poziciono a la westa parto di la lando. Anyang esas altra urbo ofte vizitita da personi qui vivas en Ansan.
Sangnoksu esas la nomo di la maxim interesanta loko en l'urbo por universitato-studenti. Hike on povas trovar multa klubi ed altra loki por pasar la nokto.