Koyaniskaci

Koyaniskaci: vivo desequilibranta (originala titulo: Koyaanisqatsi: life out of balance) esas dokumental experimentala filmo de 1982 da rejisero Godfrey Reggio, kun muziko da Philip Glass. La filmo regardas la mondo e specifike l'efekto di la homaro sur la peizajo ed ambiento. Sen naraco, la filmo montras la mondo en nov- e netushita stando: blua cieli, belega peizaji e senfina panorami. La hom-tushita mondo esas min atraktiva.

Koyaniskaci esas muntajo uzanta diversa cinematografala tekniki, lentigo e rapidigo di imajo e muziko, qui efektigas vidale astonant imaji e havas hipnotizant efekto.

En la Hopi-linguo koyaniskaci signifikas "vivo en foleso, vivo destranquila, vivo desequilibranta, vivo deskompozanta, vivo-maniero qua demandas altra vivo-maniero".

Koyaniskaci esas l'unesma de trilogio, la talanomizita "Qatsi"-trilogio. Altra parti esas Powakaci (1988) e Nakoykaci (2002). La trilogio reflektas divers aspekti di la relato inter homo, naturo e teknologio.